Hamoosi 1:8 - Kifuliiru

⁸ Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

Hamoosi 1:8 Iomraidhean Croise

2 Kutondobola 26:6

Iri hakaba lusiku luguma, ulya Huziya anagendi teera Abafirisiti, anahongola inzitiro zaꞌkaaya keꞌGaati, neꞌza keꞌYabune, neꞌza keꞌHashidoodi. Anashakuulula utwaya twa mu mbande zeꞌHashidoodi, kiri naꞌhandi mu kihugo kyeꞌBufirisiti.

Zaburi 81:14

Bwangabiiri bwija abandu baani banyuvwe. NgaꞌBahisiraheeri bangagalukiiri imwani,

Hisaaya 1:25

Aaho e Yerusaleemu! Tukolaga tugahagana twembi! Amabi gaawe gooshi, ngola ngagayeruusa, na ngulyokeze íbitali nga byo.

Hisaaya 20:1

Iri hakaba lusiku luguma, Nahano anaganuuza Hisaaya mugala Hamoozi, mu kumúbwira: «Hogolaga ibyambalwa byawe, kiri neꞌbiraato.» Uyo Hisaaya, ngiisi kwo akabwirwa, kwo akanagira, anakizi genda ali bukondwe, na buzira biraato. Kwokwo kwo akanagenderera halinde mu mwaka mwami Sarigooni weꞌHasuriya akalungika umukulu waꞌbasirikaani baage, kwo agendi teera akaaya keꞌHashidoodi. Neꞌkyanya akakateera, anakagwata.

Yeremiya 47:1

Ikyanya mwami weꞌMiisiri atâli zaazi teera akaaya keꞌGaza, Nahano anabwira Yeremiya hiꞌgulu lyaꞌBafirisiti kwokuno:

Hezekyeri 25:16

Ku yukwo, nie Rurema Nahamwinyu nadetaga kwokuno: Yabo Bafirisiti, ngola ngabahaniiriza ku bushobozi bwani. Ngayita Abakereeti, kuguma na booshi ábasigiiri ku ngombe yeꞌnyaaja.

Yuheeri 3:4

Izuuba ligahindukaga kihulu. Noꞌmwezi gugadukula nga muko. Yibyo byoshi, byo bigatee koleka, ikyanya ulusiku luhamu lwa Nahano lutazi hika, lunali lweꞌkihuumula.

Hamoosi 1:7

Yako kaaya keꞌGaza, ngola ngakashonoolera kwoꞌmuliro. Gunasingoole kiri neꞌnyumba zaamwo ngomu zooshi.

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Hobadiya 1:18

Ku yikyo kyanya, Abahisiraheeri bagaaba nga muliro úguyasiri. Bagasivya abandu beꞌmbaga ya Hesahu lwoshi-lwoshi, nga kishuka. Ndaaye kiri woꞌmuti úgasigala. Kwokwo, kwo nie Nahano ndesiri!»

Zakariya 13:7

Nahano woꞌbushobozi bwoshi, adeta kwokuno: «E ngooti, uvyukage, gira uteere uwitu. Ee ma! Uyitage umungere, halinde ibibuzi biyami shaabuka. Kiri na naani, ngateera ibyanabuzi.»

Zakariya 9:5

Abandu beꞌHashikelooni, mango babonaga ngiisi kweꞌTiiro yashereera, bagayami kanguka neꞌkyoba. Kiri naꞌbandu beꞌGaza, naꞌbeꞌHekurooni, nabo bagayoboha, banateere umulangaaliro. Mwami weꞌGaza, agayami yitwa. Na mu kaaya keꞌHashikelooni, ndaaye mundu úgasigalaga mwo.

Zakariya 9:6

Mu kaaya keꞌHashidoodi, ibinyamahanga byo bigayiji katuula mwo. Kwokwo, kwo Nahano agaamala ubwikangaate bwaꞌBafirisiti.

1 Samweri 6:17

Kwokwo, kwo yabo Bafirisiti bakatuma yibyo birole íbikatulwa mu nooro, gira libe ituulo lyoꞌkuhyula imwa Nahano hiꞌgulu lyaꞌmahube gaabo. Mugisi muguma gukatangwa hiꞌgulu lyaꞌkaaya keꞌHashidoodi, noꞌgundi hiꞌgulu lya keꞌGaza, noꞌgundi hiꞌgulu lya keꞌHashikelooni, noꞌgundi hiꞌgulu lya keꞌGaati, noꞌgundi hiꞌgulu lya keꞌHekurooni.