Hamoosi 1:4 - Kifuliiru

⁴ Kwokwo, akajumiro keꞌmbaga yoꞌmuhisi mwami Hazaheeri, ngola ngakashonoolera kwoꞌmuliro. Ee! Irya nyumba nyiija ya mwami Beni-Hadaadi, ngagisingoola lwoshi.

Hamoosi 1:4 Iomraidhean Croise

1 Baami 19:15

Nahano anamúbwira: «Ugaluke, unashokole injira ya mwiꞌshamba, irya yoꞌkugenda i Damasiki. Ikyanya ugaahika yo, ushiige Hazaheeri amavuta, abe mwami weꞌHaraamu.

2 Baami 13:25

Ku yikyo kyanya, mwami Yohaashi mugala Yohaazi, anahima Beni-Hadaadi ubugira kashatu. Tulya twaya two yishe Yohaashi akanyagwa, anashubi tugwata.

2 Baami 13:3

Kyanatuma Nahano agarakarira Abahisiraheeri, anakizi batindimaza mwiꞌdako lya mwami Hazaheeri weꞌHaraamu, kiri na mwiꞌdako lya mugala wage Beni-Hadaadi.

2 Baami 6:24

Iri hakalenga isiku, uyo mwami Beni-Hadaadi weꞌHaraamu anakuumania abasirikaani baage booshi, anagendi sokanana akaaya keꞌSamariya.

2 Kutondobola 16:2

Mwami Hasa anayabiira iharija neꞌnooro íbyâli singwirwi mu nyumba ya Nahano, kiri na mu kajumiro, anabituma i Damasiki, imwa mwami Beni-Hadaadi weꞌSiriya. Analungika neꞌndumwa kwokuno:

Yeremiya 17:27

«“Haliko, hali ikyanya mutangandwaza, munakizi koleesa ulusiku lweꞌSabaato nga zindi-zindi siku, munakizi lubetula kweꞌmiteekerwa mu kaaya. Iri mwangagira kwokwo, kano kaaya, ngaduulika imiryango yako kwoꞌmuliro. Yugwo muliro, gunagendi jigiivya kiri neꞌnyumba nyiija zaꞌbaami. Ndaanaye úgaahasha ukuguzimya.”»

Yeremiya 49:27

«Inzitiro zeꞌDamasiki, ngaziduulika kwoꞌmuliro, halinde inyumba nyiija za mwami Beni-Hadaadi zinasingooke.»

Hezekyeri 30:8

Yikyo kyanya, ngajigiivya i Miisiri ku muliro, na nvungule-vungule abatabaazi baabo booshi. Haaho, lyo bagaamenya ku kasiisa kwo nie Nahano.

Hezekyeri 39:6

Ikihugo kyeꞌMagoogi, ngakiduulika mwoꞌmuliro, gunajigiivye kiri naꞌbatuulaga booshi ba mu tulira, kundu bajeberiiri. Kwokwo, lyo booshi bagaamenya ku kasiisa kwo nie Nahano.

Hosheya 8:14

«Abahisiraheeri, keera bakayibagira Umulemi wabo, banayiyubakira inyumba nyiija-nyiija za kahebuuza. Abayuda nabo, keera bakayiyubakira inzitiro ngomu mu twaya twabo. Kundu kwokwo, tulya twaya, ngatujigiivya twoshi, kuguma noꞌbutibitiro bwabo.»

Hamoosi 1:10

Ku yukwo, inzitiro zaꞌkaaya kaabo, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi.»

Hamoosi 1:12

Ku yukwo, akaaya kaabo keꞌTemaani, ngola ngashonoolera kwoꞌmuliro, gunasingoole kiri neꞌnyumba ngomu zooshi za mu keꞌBosira.»

Hamoosi 1:14

Ku yukwo, inzitiro zaꞌkaaya kaabo keꞌRaba, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi. Emwe! Yulwo lusiku, izibo ligakungula ngana-ngana! Hanabaagage ulunganga lwingi, nga lweꞌkihuhuuta.

Hamoosi 1:7

Yako kaaya keꞌGaza, ngola ngakashonoolera kwoꞌmuliro. Gunasingoole kiri neꞌnyumba zaamwo ngomu zooshi.

Hamoosi 2:2

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu za mu kaaya keꞌKeryoti. Yabo Bamohabu, bagaminikwa mu lunganga lwiꞌzibo. Bagakizi banda akashiba, iri banadihiriza ibibuga.

Hamoosi 2:5

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu zooshi za mu kaaya keꞌYerusaleemu.»

Batwi beꞌmaaja 9:57

Kiri naꞌbandu beꞌShekemu, nabo kwakundi Rurema akabahana ku mabi go bakagira. Kwokwo, kwiꞌdaaki lya Yotamu mugala Gidyoni, likabatibukira kwo.