Bwigule 1:8 - Kifuliiru

⁸ Nahano Rurema adesiragi kwokuno: «Nie Rurema woꞌbushobozi bwoshi! Nie Halifa, na ndi nie Homega. Nie ndi ho. Nie wanâli yamiri ho. Nie ganaki yija.»

Bwigule 1:8 Iomraidhean Croise

Ndondeko 17:1

Hiburamu, ikyanya akahisagya imyaka makumi galimwenda na mwenda, Nahano anashubi múhulukira kwo, anamúbwira: «E Hiburamu, nie Rurema woꞌbushobozi bwoshi. Aaho! Ukizi nzimbaha, iri unakizi yama utungiini imbere lyani.

Ndondeko 28:3

«Rurema woꞌbushobozi bwoshi, akizi kugashaanira. Ubute yisho, ubute nyoko! Uyushuukage, halinde ube shokuluza waꞌbandu beꞌmilala mingi.

Ndondeko 35:11

Rurema anashubi múbwira: «Nie Rurema woꞌbushobozi bwoshi. Kwokwo, ubute yisho, ubute nyoko, munayushuuke. Mukuba, mwiꞌkondo lyawe, mwo mugalyoka umulala úguhimbiri, kuguma neꞌgindi milala mingi, kiri naꞌbaami.

Ndondeko 43:14

Rurema woꞌbushobozi bwoshi amùtabaalage, gira amùyuvwirwe indengeerwa. Amùshwekuulire mwene winyu wa Simyoni, munagalukage mweshi kuguma na Binyamiini. Neꞌri abaana baani booshi bagamberera, bibaagage kwokwo.»

Ndondeko 48:3

Uyo Yakobo, anabwira mugala wage wa Yusefu: «Rurema woꞌbushobozi bwoshi, akambulukira kwo i Luuzi, mu kihugo kyeꞌKaanani, anangashaanira, ti:

Ndondeko 49:25

Rurema wa yisho, ye gakizi kutabaala. Ye Rurema woꞌbushobozi bwoshi, ye ganakizi kugashaanira. Kwokwo, ugakizi longa invula ukulyoka mwiꞌgulu. Noꞌtudota, tunakizi bira mu kuzimu. Ugakizi buta abaana bingi. Kiri neꞌbitugwa, binayolole.

Kulyoka 3:14

Rurema, ti: «Iziina lyani, “Niehe Nie Yamiri ho.” Ku yukwo, ubwire Abahisiraheeri kwokuno: “Ulya Úyamiri ho, ye wanduma,

Kulyoka 6:3

Nie wâli kizi hulukira ku Hiburahimu, na ku Hisake, na ku Yakobo, mu kuyiyerekana kwo ndi Rurema woꞌbushobozi bwoshi. Kundu kwokwo, yiryo iziina lyani lya Nahano, ndakabamenyeesa lyo.

Hisaaya 41:4

Yago gooshi, nyandagi úli mu gagira? Nyandi úli mu gwanwa ashungika íbigakoleka mu ngiisi kibusi? Ali niehe, Nahano! Nyamiri ndi ho, ukulyokera ku ndondeko, halinde ukuhisa ku nyukizo. Ndaanaye gundi!

Hisaaya 43:10

Nahano adetaga kwokuno: «E Bahisiraheeri, si mwe mulyagagi tumasi twani! Keera nꞌgamùtoola, kwo mube bakozi baani, na ndoziizi mumenye kwo nie Rurema, munabe munyemiiri. Ndaaye gundi Rurema úzindi tanga imbere lyani, ndaanaye úwâye nzinde ho.

Hisaaya 44:6

Nahano woꞌbushobozi bwoshi, ali mwami waꞌBahisiraheeri, ye na Lukiza wabo. Adetaga kwokuno: «Niehe nie ndangiriro, na ndi nie nyukizo. Ha nyuma lyani, ndaaye gundi Rurema.

Hisaaya 48:12

«E Bahisiraheeri, beene Yakobo! Mundegage amatwiri. Nie kamùhamagala, kwo mube bandu baani. Na nyamiri ndi nie yolya. Nie ndangiriro, na ndi nie nyukizo. Hatanayimbwa gundi Rurema átali niehe.

Hisaaya 9:6

Ubutwali bwage bugayamaga ho imyaka neꞌmyakuula! Noꞌmutuula gwage, gutâye here. Ye gayimikwa ku kitumbi kya mwami Dahudi. Yubwo butwali, agabujingiriza, anabusikamye ku njira íkwaniini, ukulyokera ku yikyo kyanya, halinde imyaka neꞌmyakuula! Birya byoshi, Nahano woꞌbushobozi bwoshi, agabigira. Mukuba, akuuziri abandu baage bweneene.

Muharuuro 24:4

Yubwo buleevi, buli bwoꞌmundu úkayuvwa amagambo ga Rurema. Ikyanya Rurema woꞌbushobozi bwoshi akanyereka amabone, amasu gaani ganayigulwa, nanagwa haashi mu kumúyikumba.

2 Bakorindo 6:18

«Ngaaba nie yisho. Na niinyu, mugaaba mwe bagala baani, na banyere baani. Nie Nahano woꞌbushobozi bwoshi, nie wadeta kwokwo.»

Bwigule 1:11

Yiryo izu, lyanambwira: «Ngiisi byo ugaabona, ubiyandike mu kitaabo! Unakitume mu yaga mashengero galinda: ishengero lyeꞌHefeso, neꞌryeꞌSimirina, neꞌryeꞌPerigaamo, neꞌryeꞌTyatira, neꞌryeꞌSaridi, neꞌryeꞌFiladerifiya, neꞌryeꞌLahodikiya.»

Bwigule 1:17

Ulya Mwana woꞌMundu, iri nꞌgamúbonaga, nanayami gwa mu magulu gaage, nanaba nga úkoli fwiri. Haliko, anambuma kwo noꞌkuboko kwage kweꞌlulyo. Anambwira: «Utayobohe! Nie Ndangiro. Na ndi nie Nyukizo.

Bwigule 1:4

Yaga maruba, galyoka imwani, nie Yohana. Ganatumwa mu mashengero galinda ga mu kihugo kyeꞌHaziya. Kwokwo, mukizi longa ubugashaane noꞌmutuula, imwoꞌlya úli ho, ye wanâli yamiri ho, ye ganaki yija. Mukizi bilonga neꞌmweꞌmitima irinda íri imbere lyeꞌkitumbi kyage kyoꞌbwami.

Bwigule 11:17

Banadeta kwokuno: «E Nahano Rurema woꞌbushobozi bwoshi! We riiri ho, we wanâli yamiri ho. Twadeta kongwa imwawe, bwo keera wakoleesa ubushobozi bwawe buhamu, wanatondeera ukutwala.

Bwigule 15:3

Bâli gweti bagayimba ulwimbo lwoꞌmukozi wage Musa, noꞌlwimbo lwa kirya Kyanabuzi. Yulwo lwimbo, ludesiri kwokuno: «E Nahano Rurema woꞌbushobozi bwoshi! Ibyo uli mu gira, biryagagi mwoꞌbukalage! Binali bya kahebuuza. Biyamiri bikwaniini, binali byoꞌkuli.

Bwigule 16:14

Iyo mizimu, ikalyoka imwa Shetaani. Inali ye mu kizi gira ibyereso byeꞌkitangaaza. Ye mu genda mu mahanga gooshi, gira igendi kuumania abaami, bayitegaanure kwiꞌzibo írigakungula ku lusiku lukulu lwa Rurema. Anali woꞌbushobozi bwoshi!

Bwigule 16:7

Ha nyuma, nanayuvwa izu ukulyoka mu katanda koꞌkutangira kwaꞌmatuulo, ligweti ligayemeereza kwokuno: «E Nahano Rurema woꞌbushobozi bwoshi! Imaaja zo ugweti ugatwagaga, uli mu zitwa ku njira íkwaniini! Inali yoꞌkuli.»

Bwigule 19:15

Noꞌyo úwâli barongwiri, mu kanwa kaage, mwâli mubangikage ingooti nyugi. Agagikoleesa, mu kuminika abandu baꞌmahanga gooshi: «Agabatwala neꞌngoni yeꞌkyuma.» Noꞌburaakari bwa Rurema woꞌbushobozi bwoshi, agabuyerekana mu kubukandagirira mu mukenge.

Bwigule 19:6

Haaho, nanayuvwa izu lihamu íriri nga lya kizimya-izuuba kyaꞌbandu. Lyâli gweti ligabubula nga miiji mingi ágali mu hona ku shalalo. Lyanâli gweti ligaturagaza nga milavyo! Yabo bandu, bâli gweti bagaadeta kwokuno: «Haleluya! Nahamwitu Rurema woꞌbushobozi bwoshi, ye twaziri.

Bwigule 2:8

«Neꞌmwoꞌmuganda wiꞌshengero lya mu kaaya keꞌSimirina, uyandikage kwokuno: «Yaga magambo galyosiri imwoꞌlya úli Ndangiriro, anali ye Nyukizo. Kundu akafwa, haliko akazuuka:

Bwigule 21:22

Mu yako kaaya, ndaayo nyumba ya Rurema yo nꞌgabonaga mwo. Mukuba, Nahano Rurema woꞌbushobozi bwoshi, kuguma neꞌKyanabuzi, boohe, boonyene yo nyumba ya Rurema.

Bwigule 21:6

Anashubi mbwira na kwokuno: «Byoshi keera byakoleka! Niehe nie Alifa, na Omega! Nie Ndangiriro, na Nyukizo. Umundu, iri angaba anyotiirwi, ngamúheereza amagoloovi ku busha. Ganali mu bira mu shyoko yaꞌmiiji goꞌbulamu.

Bwigule 22:13

Niehe nie Alifa na Omega! Nie Ndangiriro na Nyukizo. Nie Ndondeko na woꞌKuheza.

Bwigule 4:8

Ngiisi kingisho-ngisho, kyâli hiiti ibyubi birindatu-birindatu. Yibyo byubi, byâli yijwiri kwaꞌmasu mu nda neꞌmugongo. Yibyo bingisho-ngisho, biyamiri biri mu yimba kwokuno úbwakya-úbwayira: «Nahano Rurema woꞌbushobozi bwoshi, ali mweru! Ali mweru! Ali mweru! Ye kiri ho, ye wanâli yamiri ho! Ye ganaki yija!»