Bahefeso 5:10 - Kifuliiru

¹⁰ Ku yukwo, mukizi ba noꞌmwete gwoꞌkumenya íbigasimiisa Nahamwitu.

Bahefeso 5:10 Iomraidhean Croise

Zaburi 19:14

Kiri neꞌbyaha byo ngweti ngagiriirira, ukizi binjaagiza maashi. Utabileke mbu bikizi ngoleesa. Kwokwo, lyo ngayiyeka amahube mahamu. Ndanaki galegwe kwo. Na mbe ngoli tuuziri buzira mahube.

Migani 21:3

Ikyanya abandu bali mu gira íbikwaniini, neꞌbyoꞌkuli, bali mu simiisa Nahano, ukuhima ikyanya bali mu tanga ituulo.

Hisaaya 58:5

Kulya kuyishalisa kwinyu, kutanzimisiizi. Si muli mu teera imiregerege, mu kuhunika amatwe nga kibingu! Munagweti mugakizi yambala ibyambalwa byeꞌkimombo, iri munayivuruguuza mu munyota-kiiko. Ikyanya mugweti mugaadeta mbu mwayishalisa, ka biri ukuli? Yibyo byoshi, ka mutoniri kwo binjambaziizi? Nanga maashi!

Yeremiya 6:20

E bandu beꞌBuyuda, kituma kiki muki gweti mugandeetera umubadu ukulyoka i Sheeba? Na kituma kiki mukiri mu gendi nzeehera amalaasi i mahanga? Kundu mwangakizi nziriigiza amatuulo geꞌbitugwa ku katanda, haliko, ndagaki gayemeera! Mukuba, gataki nzimisiizi.»

Barumi 14:18

Umundu, iri angaba ali mu kolera Kirisito kwokwo, ye mu simiisa Rurema. Kiri na mu bandu, bagakizi múyemeera.

Bafiripi 1:10

halinde mumenye íbiri biija. Mugayama muli beeru, munabe buzira buhube, halinde ukuhisa ku lusiku lwo Yesu Kirisito agagaluka kwo.

Bafiripi 4:18

Kwokwo, birya bindu byoshi byo mukandumira ku njira ya Hepafurodito, keera nꞌgabiyakiira. Byananyukiza amagoorwa gaani gooshi, neꞌbindi byanasigala kwo. Yibyo bindu, liri ituulo íriryagagi mu huumura bwija. Keera byayemeerwa, binasimisiizi Rurema.

Bakolosaayi 1:10

Kwokwo, lyo mulonga ukutuula ku njira íkwaniini imbere lyage. Munalonge noꞌkukizi músimiisa mu kati ka byoshi. Munabe muli mu tabaala abandu baage, iri munakaviiriza ukumenya Rurema.

1 Batesaloniki 5:21

Si mukizi gera ngiisi igambo. Iri mwangabona kwiꞌgambo liri liija, mukizi likania.

1 Timoteyo 2:3

Ukukizi gira kwokwo, biri biija, byo binasimisiizi Rurema, Lukiza witu.

1 Timoteyo 5:4

Haliko, iri namufwiri angaba ahiiti abaana, kandi iri bijukulu, yabo batee yiga ngiisi kwo bagakizi tabaala abe mbaga yabo. Kwokwo, lyo bagaaba nga bayishula ababusi baabo, halinde banasimiise Rurema yenyene.

Baheburaniya 12:28

Kwokwo, bwo tugayakiiraga ubwami úbutagashaganibwa, tukwiriiri tukizi yivuga Rurema. Ee! Tukizi múyikumba ku njira íkwaniini mu kati koꞌlushaagwa lwoshi, na mu kati keꞌkyoba.

1 Peturu 2:20

Halikago, iri mwangagira ubuligo, munagooyere mu kuhimbulwa, lyoki mutangaki huuzibwa. Ukugooyera kwo Rurema angahuuza naaho, kuli mu kulibuzibwa hiꞌgulu lyoꞌkugira amiija.

1 Peturu 2:5

Kiri na niinyu, mukola mabuye magumaana ágayubasiri inyumba ya Rurema. Munakoli biisirwi mwiꞌyo nyumba nga bagingi baage beeru. Kwokwo, lyo mukizi mútangira amatuulo geꞌbyoꞌmutima. Ali mu gayemeera mu kati ka Yesu Kirisito.

1 Samweri 17:39

Dahudi anahagata neꞌngooti ya Sahuli. Uyo Dahudi, iri akagira mbu alengeze ukugulu, shoobe! Yibyo byambalwa, byanamúzidohera bweneene, bwo atâli komiiri ukuyambala ibyambalwa mwene yibyo. Kyanatuma agaadeta: «E mwami, ibyambalwa mwene bino, ndabikomiiri. Ndangabigendana mwiꞌzibo.» Kwokwo, anabihogola.