Bafiripi 3:1 - Kifuliiru

¹ E beene witu! Mu kuyusa, namùbwira kwo mukizi shambaala mu kati ka Nahano! Yaga magambo go keera nꞌgagwanwa namùyandikira, ndaluhiri ukushubi mùyandikira go. Mukuba, gali ga kumùlanga.

Bafiripi 3:1 Iomraidhean Croise

1 Kutondobola 15:28

Kalya Kajumba, balya Bahisiraheeri booshi banakaherekeza halinde i Yerusaleemu. Bâli geeziri ku kisegengo, iri banabanda akabuuli noꞌkudihiriza ibibuga, naꞌmahembe geꞌbibuzi. Bâli gweti bagaalasa neꞌsembaale, neꞌbinanda, neꞌnzeeze.

1 Kutondobola 16:10

Mukizi huuza iziina lyage, kwo liri lyeru. Ngiisi ábali mu yikumba Nahano, mukizi shambaala.

1 Kutondobola 29:22

Emwe! Ku yulwo lusiku, banalya bweneene, iri bananywa ku bushambaale bwingi imbere lya Nahano. Banashiiga Sulumaani mugala Dahudi, amavuta kwiꞌziina lya Nahano, mu kushubi múyimika abe mwami wabo. Banagashiiga na Saadoki abe mugingi wa Rurema.

Nehemiya 8:10

Nehemiya anashubi babwira kwokuno: «Mutee taahaga, mugendi baza ibyokulya íbiheshiri, munanywe neꞌbinywebwa binunu. Neꞌri hangaba hali ábabuziri byo bagaleeta, mushangiire ibyeꞌmwinyu mwe nabo. Luno lusiku lukoli talwirwi imwa Nahamwitu. Ku yukwo, mutabe noꞌmwizingeerwe. Mukuba, ikyanya muli mu shambaalira Nahano, lyo muli mu longa imisi.»

Hayubu 22:26

«Kwokwo, lyo ugamúlegamira, unakizi múshambaalira.

Zaburi 149:2

E Bahisiraheeri, keera akamùbumba. Kwokwo, mukizi múshambaalira. Abandu beꞌSayuni, bakizi shagalukira umwami wabo.

Zaburi 32:11

Mwe musimbahiri Nahano, mukizi shagaluka. Ee! Mukizi shambaala mu kati kaage, iri munamúbandira akabuuli.

Zaburi 33:1

Mwe mukwaniini imbere lya Nahano, mukizi múyimbira ku bushambaale. Ee! Abandu boꞌkuli bakwaniini bakizi múyivuga.

Zaburi 37:4

Ukizi shagaluka mu kati ka Nahano, halinde akuheereze ngiisi byo usiimiri mu mutima gwawe.

Zaburi 42:4

Ubushigi niꞌzuuba, imigenge naaho, byo bikola byokulya byani. Ngiisi lusiku bali mu mbuuza: «Ewe! Ulya Rurema wawe, alyagagi hayi?»

Zaburi 5:11

E Rurema, ubatwirage ulubaaja lwoꞌkuhanwa. Kundu bali mu kizi deta amagambo goꞌkutegana, yago magambo, gakizi bagwata boonyene. Si bagweti bagayifunda mu byaha imbere lyawe. Aaho! Ubalashage imbuga.

Zaburi 97:1

Nahano ye mwami. Kwokwo, abandu booshi mu kihugo, bakizi shambaala. Abandu ba mu tulira nabo, bakizi shagaluka.

Hisaaya 41:16

Ee ma! Yabo bagoma, mugakizi bayeluula, halinde ikihuhuuta kinabatwale hala. Si mwehe, mugasigala mugweti mugashambaalira Nahano, munakizi huuza Rurema waꞌBahisiraheeri, ulya Mutaluule.

Hisaaya 61:10

Ngweti ngashambaalira Nahano. Ee! Umutima gwani guyamiri gumúshambaliiri. Ye mu nyambika ubukize, nga mirondo, anali mu ndimbiisa na íbikwaniini. Ngoli limbisiibwi, ngoꞌmuhya mushosi. Na ndi nga muhya mukazi, úkoli limbisiibwi noꞌbungeni-ngeni.

Hisaaya 65:14

Yabo bakozi baani, bagakizi yimba ku bushambaale. Si mwehe, imitima yinyu inabe ishengusiri, munakizi liruuka.

Yuheeri 2:23

Na niinyu mwe batuulaga beꞌSayuni, mushambaalire Nahano, Rurema winyu. Mukuba, agamùyerekana ngiisi kwo ali mwemeera. Agakizi mùniekeza amahona-nvula, kiri neꞌnvula yoꞌkuyeza.

Sefaniya 3:14

E bandu beꞌSayuni! Mukizi yimba kwiꞌzu lihamu. E Bahisiraheeri! Mukizi banda akabuuli, awi yiyi yiyi! E Yerusaleemu! Ushambaale, unakizi shagaluka ku mutima gwoshi!

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

Zakariya 10:7

Abahifurahimu bagaaba bakolaga ndwani. Bagashambaala bweneene, nga ábakoli nywiri idivaayi. Ikyanya abaana baabo bagakizi bona kwokwo, nabo banashagaluke. Ee! Imitima yabo, igakizi shambaala mu kati ka Nahano.

Mataayo 5:12

mukizi shambaala! Munakizi shagaluka. Mukuba, mugaaba mukoli bikiirwi imbembo mbamu mwiꞌgulu. Kiri naꞌbaleevi ábakatanga imbere liinyu, kwokwo kwaꞌbandu bâli kizi balibuza.»

Luka 1:47

Gugweti gugashambaalira Rurema, Lukiza wani.

Barumi 5:11

Tukola mu kizi shambaalira Rurema mu kati ka Nahamwitu Yesu Kirisito, bwo Yesu keera akatunywaniisa twe naye.

2 Bakorindo 13:11

Na buno, e beene witu, namùseezera. Baaba! Mukizi giraga umwete gwoꞌkukana mu kati ka Kirisito. Yaga magambo go namùyinginga mwo, mukizi gasimbaha. Munakizi yihuugiza kuguma mu kati koꞌmutuula. Kwokwo, lyo Rurema agaaba ali kuguma na niinyu, munabe mutuuziri mu mutuula, iri munakundana.

Bahefeso 6:10

Mu kuyusa, namùbwira: Mukizi sikamaga mu kati ka Nahano, na mu bushobozi bwage bwaꞌkahebuuza!

Bukengeeze 12:18

Yibyo byoshi, mukwaniini mukizi biliira naaho, halya handu heeru, ho Nahano agaaba keera atoola. Mugabilya mwe na bagala biinyu, na banyere biinyu, naꞌbakozi biinyu, abashosi naꞌbakazi, kiri naꞌBalaawi ábatuuziri mu twaya twinyu. Ngiisi byo mugaagira, mukizi bigira mu kushambaalira imbere lya Nahano, Rurema winyu.

Bukengeeze 16:11

Nahano agaki toola ho agakizi yikumbirwa, hanabe ho mugagendi shambaalira, mwe na bagala biinyu, na banyere biinyu, naꞌbakozi biinyu, abashosi naꞌbakazi. Mushambaalire kuguma naꞌBalaawi ábatuuziri mu twaya twinyu, neꞌbinyamahanga íbikamùbungira kwo. Mushambaalire kuguma neꞌfuuvi, na banamufwiri ábamùtuuziri mwo.

Bafiripi 3:3

Halikago, twehe, twe tutengwirwi ku njira yoꞌkuli. Mukuba, twe tuli mu yikumba Rurema ku njira yoꞌMutima gwage, iri tunashambaalira Yesu Kirisito. Si tutakiri mu yegamira ibya magala.

Bafiripi 4:4

Mukizi yama mushambiiri mu kati ka Nahano! Namùbwira kandi, mukizi shambaala!

Bafiripi 4:8

E beene witu! Mu kuyusa, namùbwira kwo mukizi yisaliza ku ngiisi íbiri byoꞌkuli, na ku ngiisi íbiri byoꞌlushaagwa, na ku ngiisi íbikwaniini, na ku ngiisi íbiri byeru, na ku ngiisi íbisimisiizi, na ku ngiisi íbiri mu detwa bwija. Iri hangaba hali íbitungiini, kandi iri íbikwiriiri ukuyivugwa, byebyo bibe byo mugakizi yisaliza kwo!

1 Batesaloniki 4:1

E beene witu! Mu kuyusagya, twamùyinginga bweneene mu kati ka Nahano Yesu kwo mukizi tuula ku njira yoꞌkusimiisa Rurema. Kwokwo, kwo tukamùyigiriza, kunali kwo mukoli tuuziri. Na buno tugweti tugamùyinginga kwo mukaviirize ukutuula kwokwo.

1 Batesaloniki 5:16

Mukizi yama mushambiiri!

Yakobo 1:2

E beene witu! Ikyanya mugakizi longa amagezo ga kwingi-kwingi, mukizi gabona kwo gali ga kushambaala mwo!

1 Peturu 3:8

Mu kuheza, namùbwiraga mweshi: Mukizi huugiza kuguma, iri munayuvwiranwa indengeerwa. Mukizi kundana nga baguma, mu kati koꞌkukizi yuvwiranwa ulukogo, na mu kati koꞌbutuudu.

1 Peturu 4:13

Haliko, mukizi shambaala! Mukuba, na niinyu mukola neꞌngoome mu malibu ga Kirisito. Neꞌkyanya ubulangashane bwage bugayerekanwa, lyo na niinyu, ubushambaale bwinyu bugadimirira.

2 Peturu 3:1

E bakundwa baani, yaga maruba go namùyandikira, gakola ga kabiri. Mu gombi, ndoziizi ukumùkengeeza amagambo ágakwaniini, gira mukizi gayitoneesa kwo.

1 Samweri 2:1

Lyeryo, Haana anahuuna Rurema kwokuno: «Umutima gwani, gugweti gugashambaalira Nahano, na ngweti ngasikama mu kati kaage. Abagoma baani, ngweti ngabashekeereza, haliko wehe, ndi mu shambaalira ubukize bwawe.