Bafiripi 2:27 - Kifuliiru

²⁷ Biri ukuli kwo âli lembiri bweneene! Anâli kola bu fwa. Kundu kwokwo, Rurema anamúbonera ulukogo. Atanali yehe naaho. Si kiri na naani, akalumbonera, gira umwizingeerwe gwani gutayiji kengeera gwayushuulirwa kwoꞌgundi.

Bafiripi 2:27 Iomraidhean Croise

2 Baami 20:1

Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira: «Nahano adetaga kwokuno: “Ulingaanie bwija amagambo ga mu nyumba yawe. Utagaki kira, si ukola ugaafwa.”»

Hayubu 5:19

Ikyanya walonga amakayu, agakizi kukiza ubugira kalindatu. Agakulanga, kiri ubugira kalinda.

Zaburi 34:19

Ngiisi ábavunisiri umutima, Nahano ali mu bakuya-kuya. Neꞌkyanya bali mu yihebuura, ali mu bakiza.

Hisaaya 27:8

Akabahungiisa naaho, mu mahanga. Bali nga bandu ábakafuuhwa noꞌmuuka gwage, ukulyoka isheere.

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.

Hisaaya 43:2

Kundu mwangalenga áhayisiri mwiꞌbenga lyaꞌmiiji, tugaaba tuliriinwi. Na kundu mwangajabuka inyaaja, mutagazika. Na kundu mwangalenga mu muliro, mutâye hiire. Imbigi zaagwo zitâye mùsingoole.

Yeremiya 10:24

Aahago! Ikyanya ugambana, kutabe ku buraakari bwawe. Neꞌkyanya uganyerekeza, kube mu kati koꞌkuli. Buzira kwokwo, wangakengeera wanzimiiza.

Yeremiya 8:18

E Rurema, umutima gwani gukola mu siriira noꞌmwizingeerwe, ndaanaye woꞌkugungania.

Habakuki 3:2

E Nahano! Keera nꞌgayuvwa hiꞌgulu lyeꞌmikolezi yawe ya kahebuuza. Ngiisi byo ukagira, keera byanzoomeza bweneene! Aahago! Yibyo byoshi, ushubi bikolaga mu siku ziitu, halinde nyiitu tubimenye bwija. Kundu uki turakariiri, utuyuvwirwe indengeerwa, maashi!

Mikolezi 9:37

Mu zeezo siku, Dorokaasi anakayirwa noꞌbulwazi. Neꞌri hakatama, anafwa. Abandu banakaraba ikirunda, banagendi kilambika mu kisiika kya mu nyumba íyâli riiri hiꞌgulu lyeꞌyabo.

1 Bakorindo 10:13

Mu magezo go muli mu longaga, ndaago gaꞌbandi batazindi longa. Na bwo Rurema ali mwemeera, atangaleka mbu mugezibwe kwo mutashobwiri. Ee! Ikyanya mugakizi gezibwa, Rurema agamùshoboleesa ukuyihangaana, halinde munagafuuke mwo.

2 Bakorindo 2:7

Na buno, mukoli kwiriiri mumúkoge, munamúholeeze, atayiji kengeera ashenguka ingingwe, halinde anahebuure lwoshi.

Bafiripi 2:26

Na buno, uyo Hepafurodito akoli mùkumbwiri mweshi. Umutima gwage, gutanakiri mu nda, bwo mukayuvwa kwo akalwala.

Bafiripi 2:28

Kyo kitumiri ngoli loziizi bweneene ukumùtumira Hepafurodito, gira mango mwashubi múbona, mukalonge ukushambaala. Na naani, umutima gunayike mu nda.

Bafiripi 2:30

Umukolwa gwa Kirisito, gwo gukatuma agayija ho angasiga itwe. Anâli kola agalisiga ho, mu kumbikiza ubutabaazi, bwo mwenyene mutâli shobwiri ukubuleeta.