Bafiripi 2:13 - Kifuliiru

¹³ Mukuba, Rurema ye mu kola mu kati kiinyu, halinde ngiisi byo aloziizi, binabe byo niinyu mugakizi looza, munakizi bigira.

Bafiripi 2:13 Iomraidhean Croise

1 Baami 8:58

Si akizi tuloza imwage, halinde tukizi múkulikira. Tukizi simbaha imaaja zaage, naꞌmahano gaage, naꞌmategeko gaage. Mukuba, yibyo byoshi, byo akasikiiriza bashokuluza biitu.

2 Kutondobola 30:12

Yaho mu kihugo kyeꞌBuyuda, Rurema anabiika abandu booshi kuguma, halinde banakizi simbaha mwami Hezekiya, kuguma naꞌbatwali baage. Yabo booshi, bâli gweti bagakulikiriza Igambo lya Nahano.

Hizira 1:1

Ikyanya mwami Kiiro weꞌPerisiya âli kiri noꞌmwaka muguma atwaziri, lyo Nahano akakwiza igambo lyo âli mali gwanwa adeta ku njira yoꞌmuleevi Yeremiya. Kwokwo uyo Kiiro, Nahano anamúshimya kwo amenyeese mu matwali gaage gooshi yiryo igambo liyandike, ti:

Hizira 1:5

Rurema âli mali gwanwa ahidika abimangizi beꞌmbaga zaꞌBayuda, kwo bagendage, bali kuguma neꞌmbaga za Binyamiini, kiri naꞌbagingi, naꞌBalaawi. Yabo booshi, banayibiika ibiringiini, gira bagendi yubakulula inyumba ya Nahano.

Hizira 7:27

Uyo Hizira, iri akayuvwa kwokwo, anadeta: «E Nahano Rurema wa bashokuluza, we kaheereza mwami inzaliro zoꞌkusimbahiisa inyumba yawe i Yerusaleemu, uyagirwe bweneene.

Nehemiya 2:4

Mwami, ti: «Aaho! Wambuuna biki?» Haaho, nanatee huuna Rurema úli mwiꞌgulu.

Hayubu 33:29

«Yuvwagwi! Yago miija gooshi, Rurema ayamiri ali mu gagirira abandu, kiri ubugira kabiri, kandi iri kashatu.

Zaburi 110:3

Ikyanya ugagendi balwisa, abandu baawe bagakuyibiika kwo. Ikyanya ugatondeera ukutwala, ugaaba uyambiiti imirondo mitaluule. Imisi yawe, igakizi ba mihyahya ngiisi lusiku, nga kimi kya shesheezi.

Zaburi 119:36

Undabaale, halinde ndonge ukukizi lola ku maaja zaawe. Si ndakizi hemukira ubugale.

Zaburi 141:4

Ukizi langa noꞌmutima gwani, gutahemukire amabi. Utalekage kwo ngizi yibiika ku bali mu kizi gira ibihigo. Na kundu ibyokulya byabo byangaba biheshiri ngana, haliko, utaleke mbu ngizi birya kwo.

Migani 21:1

Umutima gwa mwami, guli mu maboko ga Nahano. Ali mu kizi gurongoora nga lwiji, ngiisi ho aloziizi.

Hisaaya 26:12

E Nahano, byoshi byo tuli mu gira, we mu tugenduukiza byo. Aaho! Utuheerezagye umutuula gwawe.

Yeremiya 31:33

Nahano ashubi detaga kwokuno: «Ku yikyo kyanya, ikihango kyo nganywana naꞌBahisiraheeri, kyo kyekino: Imaaja zaani, ngola ngaziyandika mu menge gaabo, na mu mitima yabo. Ngaaba Rurema wabo. Nabo, banabe bandu baani.

Yeremiya 32:38

Abahisiraheeri naꞌBayuda bo bagaaba bandu baani, naani na mbe Rurema wabo.

Luka 12:32

«Mutakizi yoboha, kundu mulyagagi kikembere kiniini. Mukuba, mwehe, yisho úli mwiꞌgulu akasiima ukumùheereza ubwami bwage.

Luka 2:14

«Rurema úli mwiꞌgulu akizi huuzibwa! Kiri na mu kihugo, umutuula gukizi ba mwo, imwaꞌbandu bo asiimiri!»

Yohana 3:27

Yohana anabashuvya: «Ndaakyo kindu kyoꞌmundu angayakiira, átakihaabirwi na Rurema.

Yohana 6:45

«Mu bitaabo byaꞌbaleevi, muli muyandike kwokuno: “Balya booshi, Rurema yenyene ye gabayigiriza.” Kwokwo, iri abandu bagayuvwiriza amagambo ga Daata, banagayige, baabo bo bali mu yija imwani.

Yohana 6:65

Yesu, anashubi deta: «Yibyo, byo byatuma namùbwira kwoꞌmundu atangayija imwani, Daata átazi múshoboleesa.»

Mikolezi 11:21

Ubushobozi bwa Nahano, bwâli baliiri mwo, halinde abandu bingi banayemeera Nahano, banaba bandu baage.

Barumi 12:3

Ukukulikirana na ngiisi kwo Rurema akangashaanira, namùbwiraga mweshi: Mutakizi yiyuvwa ukuhima kwo muli! Haliko, ngiisi muguma winyu, akizi yimenya ku bwitonde ngiisi kwo ali, ukukulikirana na ngiisi kwo Rurema akamúbiika mwoꞌbwemeere.

Barumi 9:11

Kundu kwokwo, Rurema akadeta: «Ngulwe, ye gakizi kolera Butooto.» Akadeta kwokwo, ku kyanya yabo baana batâli zaazi butwa, batanâli zaazi gira amiija, kandi iri amabi. Bikaba kwokwo, gira lyoꞌkutoola kwa Rurema, kuyimangire ku shungi zaage yenyene. Si kutabe hiꞌgulu lyeꞌmikolezi yaꞌbandu!

Barumi 9:16

Ku yukwo, ukutoola kwa Rurema kutali mu kulikirana noꞌbulooze bwaꞌbandu, kandi iri ku mikolezi yabo. Si ali mu batoola, ukukulikirana noꞌlukogo lwage yenyene!

1 Bakorindo 12:6

Na kundu imikolwa ya Rurema iri mu kolwa ku njira nyingi, haliko yoyo Rurema ye mu koleesa byoshi mu bandu booshi.

1 Bakorindo 15:10

Halikago, Rurema anambonera ulukogo, kyanatuma ngaaba nga kwokuno ndi. Noꞌlukogo lwo akambonera, lutakafwa ubusha. Mukuba, nie ndi mu yitubanula mu kukolera Rurema, ukuhima izindi ndumwa zooshi. Kundu kwokwo, ndâli nienyene nie wâli kizi kola. Si Rurema ye wâli kizi ngashaanira mu kukola.

2 Bakorindo 3:5

Ee! Umukolwa gwo tuli mu gira, tutangadeta kwo tugushobwiri twenyene. Si Rurema ye mu tushoboleesa,

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Bahefeso 1:5

anagwanwa ashungika kwo agatugira tube baana baage ku njira ya Yesu Kirisito. Ee! Kwokwo, kwo âli siimiri.

Bahefeso 1:9

Ngiisi byo Rurema âli mali gwanwa ashungika mu Kirisito, byâli bishamiri. Kundu kwokwo, anasiima ukutumenyeesa byo.

Bahefeso 2:8

Ee! Mukakizibwa ku lukogo lwa Rurema naaho, mu kumúbiika kwoꞌbwemeere. Yukwo kukizibwa kwinyu, kutalyosiri imwinyu, si kiryagagi kigabi ukulyoka imwage.

2 Batesaloniki 1:11

Kwokwo, tuyamiri tugweti tugamùhuunira imwa Rurema, halinde akizi mùkwanania ku byo akamùhamagalira. Anakoleese ubushobozi bwage mu kumùshoboleesa ukukola imikolezi miija, ukukulikirana noꞌbwemeere bwinyu.

2 Timoteyo 1:9

Rurema keera akatukiza, anatuhamagala kwo tube bandu baage beeru. Na íbitumiri agatukiza, kutali mbu bwo twakola bwija. Si bikulikiriini na ngiisi kwo âli mali gwanwa ashungika yenyene. Ikyanya ikihugo kitâli zaazi bumbwa, akalooza ukutubonera ulukogo ku njira ya Yesu Kirisito.

Baheburaniya 13:21

Kwokwo na niinyu, Rurema akizi mùtungaania mu miija gooshi, halinde lyo mulonga ukukizi kola ngiisi byo aloziizi. Yehe yenyene, abe ye gakizi tukola mwo, halinde tukizi gira íbimùsimisiizi mu kati ka Yesu Kirisito. Yesu akizi yama ali mu huuzibwa imyaka neꞌmyakuula! Bikizi ba kwokwo!

1 Peturu 1:3

Rurema, Yishe wa Nahamwitu Yesu Kirisito, ahuuzibwe! Akatuyereka ulukogo lwage, mu kuzuula Yesu Kirisito mu bafwiri, halinde anatubuta buhyahya. Kwokwo, tukoli ba noꞌmulangaaliro úguyamiri ho.