1 Samweri 1:9 - Kifuliiru

⁹ Lusiku luguma, bâli riiri yaho i Shiilo, mu nyumba ya Nahano. Neꞌri bakaba keera bayusa ukulya noꞌkunywa, Haana anayimuka. Umugingi Heri, âli bwatiiri ha mulyango gweꞌnyumba.

1 Samweri 1:9 Iomraidhean Croise

2 Samweri 7:2

Lusiku luguma, Dahudi anatumira umuleevi Natani, anamúbwira: «Niehe, nduuziri mu kajumiro kayubake neꞌbiti byeꞌmyerezi, kanalimbiri bweneene. Haliko, Akajumba ka Rurema, koohe kaki singwirwi mwiꞌheema.»

Zaburi 27:4

Hali igambo liguma naaho lyo ngweti ngahuuna Nahano. Byo ndoziizi, byo byebino: kwo ngizi tuula mu nyumba yage isiku zaani zooshi, na ngizi bona ngiisi kwo abuyahiri. Mwomwo mu nyumba yage, mwo ngakizi fiitirwa ku byeꞌmwage.

Zaburi 29:9

Yiryo izu lya Nahano, ligweti ligarandura ibiti byeꞌmikamba. Liri mu shooshola ibiti byoshi mu lubako. Booshi mu nyumba yage bagweti bagaadeta kwokuno: «Rurema akizi haabwa ubulangashane!»

Zaburi 5:7

Na bwo bagweti bagabeesha, noꞌkuyitana, noꞌkutebana, uli mu ba ubashombiri ngana-ngana, iri unabaminika.

Kulyoka 21:6

Kwokwo, sheebuja atee mútwala imbere lya Rurema, banagende ha mulyango, kandi iri ha kisimba-lyango. Anakoleese ikyuma kishongole, mu kutula umuja wage ukutwiri. Lyoki, ulya muja agayama ali mu kolera uyo sheebuja isiku zooshi.

1 Samweri 1:10

Uyo Haana âli koli jengiirwi bweneene, halinde anakizi huuna Nahano bufufumbwa.

1 Samweri 3:15

Kwokwo, uyo Samweri anagwejera halinde shesheezi. Iri bukakya, anavyuka, anayigula inyiivi zeꞌnyumba ya Nahano. Halikago, anayoboha ukugendi bwira Heri hiꞌgulu lyaꞌmabone gaage.

1 Samweri 3:3

Itara lya Nahano lyâli ki yasiri. Samweri naye âli koli gwejiiri mu nyumba ya Nahano, ha butambi lyaꞌKajumba keꞌKihango kya Rurema.

1 Samweri 4:13

Neꞌri akahika áhali Heri, anamúgwana ayishumasiri ku kitumbi kyage, ku butambi bweꞌnjira. Heri âli yobohiri bweneene mu mutima gwage hiꞌgulu lyaꞌKajumba keꞌKihango kya Rurema. Ikyanya uyo mundu akayingira mu kaaya, anabwira abandu ngiisi íbyakoleka mwiꞌzibo. Haaho, abandu booshi mu kaaya, banatondeera ukulira ku kimombo.