Luke 2:4 - AI VOLA TABU

⁴ Sa lako cake talega ko Josefa e Kalili, mai na koro ko Nasareci, ki Jutia, ki na koro i Tavita, a yacana ko Peceleema: (ni sa mai na mataqali i Tavita, ka sa tubu mai vua:)

Ai Vola Tabu (Vakadewa Makawa Vakavoutaki 2021)

⁴ Sa lako cake talega ko Josefa mai Kalili, mai na koro ko Nasareci, ki Jutia, ki na koro i Tevita, a yacana ko Peceliema, ni sa vale vata kei Tevita, ka sa kawa mai vua.

Vakavakadewa Makawa

⁴ Sa lako cake talega ko Josefa e Kalili, mai na koro ko Nasareci, ki Jutia, ki na koro i Tevita, a yacana ko Pecileema: ni sa mataqali vata kei Tevita, ka sa tubu mai vua:

Vakavakadewa Vou kei na iVola tale eso

⁴ A sa lako cake talega o Iosefo mai na koro o Nasareci e Kalili ki na koro o Peceliema e Jutia, na koro ni sucu nei Tevita na tui. A sa lako ki kea o Iosefo baleta ni sa kawa i Tevita o koya.

Ai Vola Tabu Ena Vakavakadewa Vou

⁴ A sa lako cake talega o Josefa mai na koro o Nasareci e Kalili ki na koro o Peceliema e Jutia, na koro ni sucu nei Tevita na tui. A sa lako ki kea o Josefa baleta ni sa kawa i Tevita o koya.

Luke 2:4 Iomraidhean Croise

Vakatekivu 35:19

A sa ciba ko Rejeli, a sa buluti e na sala sa lako ki Efiraca, ko ya ko Pecileema.

Vakatekivu 48:7

ia koi au, niʼu a lako mai Petani, sa mate e tikiqu e gau-ni-sala ko Rejeli e na vanua ko Kenani, ni sa lekaleka na sala me yaco ki Efiraca: ia kaʼu a buluta maikea mai na sala ki Efiraca; ko ya ko Pecileema.

Maika 5:2

Ia ko iko, Peci-leema Efiraca, ko sa lailai me dua vei ira na mataqali lewe udolu e Juta, ia maivei iko ena lako mai vei au ko koya ena lewai ira na Isireli; o koya sa mailiu na nona lako mai, mai na gauna eliu sara.

Maciu 1:20

Ia ni sa vakananuma tiko ko koya na ka o qori, raica, sa dua na agilose ni Turaga sa rairai mai vua e na tadra, ka kaya, Josefa, na luve i Tavita, kakua ni rere ni kauta vei iko na watimu ko Meri: ni sa mai vua na Yalo Tabu na ka sa kunekune vua:

Maciu 2:23

a sa laʼki tiko vakadua mai na koro na yacana ko Nasareci, a sa vakayacori kina na ka era sa vosataka ko ira na parofita, Ena vakatokai ko koya, E dua sa vaka na kai Nasareci.

Luke 2:3

A ra sa dui lako kecega na tamata me ra volai, o ira yadua ki na nona koro.

Luke 2:5

me volai kei Meri, ko koya sa musu vua me watina, a sa bukete tiko.

Luke 4:16

A sa yaco ki Nasareci, a koro ka susugi kina: ia me vaka na nonai valavala, sa curu ki na vale ni lotu e na siga ni vakacecegu, a sa tu cake me wili vola.

Joni 1:46

A sa kaya vua ko Nacanieli, E tubu rawa beka mai Nasareci e dua na ka vinaka? Sa kaya vua ko Filipo, Lako mai ka raica.

Joni 7:42

sa sega li ni tukuna nai Vola, ni sa lako mai na Karisito mai na kawa i Tavita, ka mai na koro ko Pecileema, sa mai tiko kina ko Tavita?

Ruci 1:19

A rau sa lako yani ka yacovi Pecileema. Ia ni rau sa yaco ki Pecileema, sa yavala na koro taucoko e na vukudrau, a ra sa kaya, O qo ko Naomi, se segai?

Ruci 2:4

Ka, raica, sa lako mai Pecileema ko Poasi, a sa kaya vei ira na tamata sa tamusuki sila, Me tiko kei kemudou ko Jiova. A ra sa kaya vua, Me vakalougatataki iko ko Jiova.

Ruci 4:11

Ia sa kaya ko ira na tamata kecega era sa tiko mai na matamata-ni-koro, kei ira na qase, Keimami sa kila. Me qisia ko Jiova na alewa o qo sa lako mai ki na nomu vale me tautauvata kei Rejili, ka tautauvata kei Lia, oi rau erau a tara na vale i Isireli: ia me talei na nomu cakacaka mai Efiraca, a me rogo na yacamu mai Pecileema:

Ruci 4:17

A sa vakayacani koya ko ira na alewa na kai nona, ka kaya, Sa sucu e dua na goneatagane vei Naomi; a ra sa vakatoka na yacana ko Opeti: o koya na tama i Isei, na tama i Tavita.

1 Samuela 16:1

A SA kaya kina ko Jiova vei Samueli, Sa na bogi vica mada ni ko sa tagicaki Saula tiko, ni kaʼu sa biuti koya me kakua ni nodra tui na Isireli? mo vakasinaita mada e na waiwai na nomu tavaya, ka lako, au na talai iko vei Isei na kai Pecileema: niʼu sa kunea vei au e dua vei ira na luvena me tui.

1 Samuela 16:4

A sa kitaka ko Samueli na ka ka kaya ko Jiova, a sa lako yani ki Pecileema. A ra sa kusarawa na qase ni koro me laʼki tavaki koya, a ra sa kaya, O sa lako vakacegu mai, se segai?

1 Samuela 17:12

Ia ko Tavita na luvena na kai Ifiraca mai Pecileema nei Juta, na yacana ko Isei; a sa walu na luvena tagane: a sa wili vata na tamata ko ya kei ira na tamata qase e na gauna i Saula.

1 Samuela 17:58

A sa kaya ko Saula vei koya, A luve i cei ko iko, cauravou? A sa kaya ko Tavita, Na luvena na nomu tamata ko Isei, na kai Pecileema.

1 Samuela 20:6

Kevaka sa bau tarogi au ko tamamu, mo kaya, Sa vakamasuti au matua ko Tavita me bau cici ki Pecileema na nona koro; ni sa dua nai soro vakayabaki kivei ira na mataqali taucoko.