Ɓangingol 5:8 - Aadi keyri: linjiila iisaa almasiihu

⁸ Ko ndi nanngi dewtere ndee koo, kuɗɗe nay guurɗe ɗee e mawɓe noogayon e nayon ɓee cujidi yeeso mayri. Gooto e maɓɓe fuu ana jogii hoddu e urdude kaŋŋeere heewnde uurdi, ɗum woni duwaawuuji seniiɓe ɓee.

Fulfulde Burkina Dewtere Laamɗo Amaana Keso

⁸ Ko ngel jaɓi dewtere ndeen ɗuum, kulle nay buurɗe ɗeen e mawɓe noogayo e nayo ɓeen kippii e leydi yeeso maggel. Mono fuu ina woodi hoddu e urdude kaŋŋeere heewnde uurdi, ɗum woni du'aawuuji seniiɓe ɓeen.

Ɓangingol 5:8 Iomraidhean Croise

Holleede 4:10

Nde ɓe ngaɗata ɗum fuu, mawɓe noogayon e nayon ɓee kippoto e leydi yeeso jooɗiiɗo e bimmbeere oo, cujidana guurɗo faa abada oo, njoƴƴina tenngaaɗe mum'en yeeso bimmbeere ndee, mbiya:

Holleede 5:14

Kuɗɗe nay guurɗe ɗee njaabii: —Aamiina! Mawɓe ɓee duu, kippii e leydi cujidani ɓe.

Holleede 4:4

Bimmbeere ndee, bimmbeeje laamu noogay e nay ana pilii nde, mawɓe noogayon e nayon ana njooɗii dow majje, ana ɓoornii kaddule daneeje, tenngaaɗe caɲiraaɗe kaŋŋe ana e ko'e maɓɓe.

Holleede 19:4

Mawɓe noogayon e nayon ɓee e kuɗɗe nay guurɗe ɗee, kippii e leydi cujidani Laamɗo jooɗiiɗo e bimmbeere laamu oo, ana mbiya: —Aamiina! Halleluya!

Holleede 5:6

Nden njii-mi Njawdiri ana darii hakkunde bimmbeere ndee, kuɗɗe nay guurɗe ɗee e mawɓe ɓee ana pilii ndi. Endi nanndi e kirsanoondi. Endi jogii luwe jeɗɗi e gite jeɗɗi, ɗum woni ruuhuuji Laamɗo jeɗɗi neleteeɗi e aduna oo fuu ɗii.

Holleede 4:8

Wootere e kuɗɗe nay guurɗe ɗee fuu ana jogii biifoole jeegom, wooto fuu ana jogii gite keewɗe ley e dow fuu. Jemma e ɲalooma fuu ɗe celataa e yimde, eɗe mbiya: «Ceniiɗo, Ceniiɗo, Ceniiɗo yo Joomiraaɗo Laamɗo Jom Baawɗe, goodunooɗo, gooduɗo, garoowo oo!»

Holleede 15:7

Wootere e kuɗɗe nay guurɗe ɗee hokki malaa'ika'en njeɗɗon ɓee le'e kaŋŋeeje jeɗɗi keewɗe tikkere Laamɗo guurɗo faa abada oo.

Holleede 15:2

Njii-mi weendu nanndundu e timtorgal jillondirndu e yiite. Jaalinooɓe taktakol ngol ɓee ana ndarii bannge mayru. Ɓeen ngoni jaalinooɓe ngol, kanngol e tooru nanndundu e maggol nduu e limre innde maggol ndee, eɓe njogii kolli ɗi Laamɗo hokki ɓe ɗii.

Yuhanna 5:23

yalla yimɓe fuu ana teddinira Ɓiɗɗo oo hono no teddiniri Baabiraaɗo oo nii. Neɗɗo fuu mo teddinaali Ɓiɗɗo oo, teddinaali Baabiraaɗo nelɗo mo oo.

Ibraninkooɓe 1:6

Kasen duu, nde o nelata hammadiijo makko oo e aduna oo ndee, o wii: «Yo malaa'ika'en Laamɗo fuu cujidana ɗum.»

Yuhanna 1:29

Janngo mum, Yaayaa yii Iisaa ana wara e mum, wii: —Annii, njawdiri Laamɗo ndoondotoondi luutti aduna.

Holleede 4:6

Ko wa'i hono weendu laaɓundu tal nanndundu e timtorgal ana fooccii yeeso mayre. Kuɗɗe nay guurɗe jogiiɗe gite keewɗe yeeso e caggal fuu, ana hakkunde mayre e sera mayre.

Holleede 5:11

E ley holleede am, nan-mi daaɗe malaa'ika'en heewɓe, ujunaaji ujunaaji. Eɓe pilii bimmbeere ndee e kuɗɗe guurɗe ɗee e mawɓe ɓee,

Holleede 5:12

eɓe njima eɓe toowna daaɗe maɓɓe: «Njawdiri kirsanoondi ndii ana haandi e heɓude baawɗe e jawdi e hakkilantaaku e semmbe e teddungal e darja e jettooje!»

Holleede 6:1

Oon wakkati, ƴeew-mi non njii-mi Njawdiri ndii fettii wootere e peɗooɗe jeɗɗi ɗee. Nan-mi wootere e kuɗɗe nay guurɗe ɗee ana iidina daande mum no gidaango nii, ana wiya: —War gaa!

Holleede 13:8

Yimɓe wonɓe e aduna oo ɓee fuu cujidanan taktakol ngol, ɗum woni neɗɗo fuu mo innde mum tawaaka ana winndii gila e diidugol aduna oo e ley dewtere nguurndam ndee, dewtere Njawdiri kirsanoondi ndii.