Ɓangingol 21:3 - Aadi keyri: linjiila iisaa almasiihu

³ Nan-mi daande toownde iwrunde to bimmbeere laamu too, ana wiya: —Annii hoɗorde Laamɗo e yimɓe: o hoɗidan e maɓɓe, ɓe laatoo leɲol makko. Laamɗo e hoore mum wondan e maɓɓe, laatoo Laamɗo maɓɓe.

Fulfulde Burkina Dewtere Laamɗo Amaana Keso

³ Nanumi daande toownde ƴuurunde to jooɗorgal laamu toon, ina wi'a: —Inan, joonnde Laamɗo na woni hakkunde yimɓe: o jooɗoto hakkundee maɓɓe, ɓe laatoo lenyol makko. Laamɗo e hoore muuɗum wondan e maɓɓe, laatoo Laamɗo maɓɓe.

Ɓangingol 21:3 Iomraidhean Croise

Yuhanna 1:14

Konngol ngol laatii neɗɗo. Oon hoɗidi e meeɗen, o keewɗo hinnee e goonga. Min njii teddeengal makko, teddeengal hono ngal Bajjo heɓata e baam mum.

Yuhanna 14:23

Iisaa jaabii mo: —So neɗɗo ana yiɗi kam, jokkan konngol am, Baabiraaɗo am yiɗan ɗum. Miin e Baabiraaɗo am oo min ngaran to mum min njooddoo e mum.

2 Korintunkooɓe 6:16

Aadi won hakkunde suudu Laamɗo nduu e tooruuji ɗii naa? Anndee, enen ngoni suudu Laamɗo guurɗo oo. Sabi Laamɗo wii: «Mi hoɗidan e maɓɓe, mi yiilodoto e maɓɓe, mi laatoo Laamɗo maɓɓe, ɓe laatoo yimɓe am.»

2 Korintunkooɓe 6:18

Mi laatanto on baaba, laatano-ɗon kam ɓiɓɓe rewɓe e worɓe. Ɗum Joomiraaɗo Jom Baawɗe oo wii.»

1 Tesaloniyankooɓe 3:11

Yo Laamɗo Baabiraaɗo men e Joomiraaɗo men Iisaa newnan min laawol faa min njaha to mon.

Ibraninkooɓe 11:16

Kaa so goonga, eɓe pooɗanoo leydi ɓurndi moƴƴude, ɗum woni ngonndi dow kammu ndii. Saabe ɗum, Laamɗo yaagortaako noddireede Laamɗo maɓɓe, o moƴƴinanii ɓe ngalluure.

Ibraninkooɓe 8:10

O wii kasen: «Ndiin aadi woni ko ngaɗidan-mi e Israa'iilankooɓe caggal ɗeen ɲalaaɗe: Mi waɗan sariyaaji am e hakkillaaji maɓɓe, mi winnda ɗi e ɓerɗe maɓɓe, mi laatoo Laamɗo maɓɓe, ɓe laatoo yimɓe am.

Ibraninkooɓe 8:2

Omo golla golle makko e ley nokku dewal ceniiɗo, ɗum woni hukkum goongaraajo mo Joomiraaɗo darni, wanaa mo neɗɗo darni.

Holleede 10:4

Nde gidaali jeɗɗi ɗii tilinoo haalde ndee, kosu-mi winndude, non nan-mi daande iwrii kam dow kammu, ana wiya kam: —Pati winndu ko gidaali jeɗɗi ɗii mbii koo, yo laato kumpa!

Holleede 10:8

Non daande iwrunoonde kam dow kammu ndee wii kam kasen: —Yaa ɓamoy dewtel udditiingel gonngel e junngo malaa'ika dariiɗo e geeci e njoorndi oo.

Holleede 12:10

Non daande toownde iwri kam dow kammu, ana wiya: «Jooni kisindam ɗam wari! Jooni semmbe e Laamu Laamɗo meeɗen ngari, laamu ana e hawju Almasiihu. Sabi kalmotooɗo sakiraaɓe meeɗen, kalmotooɗo ɓe to Laamɗo jemma e ɲalooma oo, ribbaama iwde dow kammu.

Holleede 21:7

Neɗɗo fuu jaaliiɗo heɓan ɗum fuu, mi laatoto Laamɗo mum, laatoo ɓiyam.

Holleede 22:3

Ko Laamɗo huɗi fuu, tawataake ley ngalluure ndee hankasen. Bimmbeere laamu Laamɗo e Njawdiri ndii darotoo e ley mayre, maccuɓe makko ndewan mo,

Holleede 7:15

Ɗum saabii so ɓe keddoto yeeso bimmbeere laamu Laamɗo ndee, ɓe ndewa mo jemma e ɲalooma ley suudu makko seniindu nduu, kasen duu, jooɗiiɗo e bimmbeere laamu ndee oo huuran e maɓɓe hukkum mum.