Ɓangingol 7:12 - Fulfulde Burkina Dewtere Laamɗo Amaana Keso

¹² Iɓe mbi'a: «Aamiina. Manoore e darja e hakkilantaaku e yettoore e teddeengal e baawɗe e semmbe, fuu ngoodanii Laamɗo meeɗen faa abada! Aamiina.»

Aadi keyri: linjiila iisaa almasiihu

¹² ana mbiya: «Aamiina! Jettooje e darja e hakkilantaaku e jaarooje e teddungal e baawɗe e semmbe, fuu ngoodanii Laamɗo meeɗen faa abada!»

Ɓangingol 7:12 Iomraidhean Croise

Matta 6:13

Taa accu min njarribee, ammaa hisin min e Bonɗo oon. [Sabo laamu e baawɗe e teddeengal ina ngoodani maa faa abada. Aamiina.]

Romankooɓe 11:36

Si goonga, huunde fuu e makko ƴuuri, huunde fuu wo kanko tiigii, huunde fuu wo kanko jeyi. Wo teddeengal woodan mo faa abada! Aamiina.

1 Korintunkooɓe 14:16

Si wanaa noon fu, si a yettirii Laamɗo e ley yonki maa tan, noy tawaaɗo toon mo woowaa ɗum waawirta wi'ude «Aamiina» e yettugol maaɗa ngool? Sabo joomum nanataa ko kaalataa ɗuum.

2 Korintunkooɓe 4:15

Ko hewti min fuu wo saabe mooɗon faa moƴƴere Laamɗo yottoo yimɓe heewɓe. Hono noon yimɓe heewɓe njettirta Laamɗo faa Laamɗo ɓeyda teddineede.

Koloosiyankooɓe 2:7

Tabiton e makko hono no ɗaɗi lekki ndarortoo ley leydi, ndarnon nguurndam mooɗon dow makko. Ɓeydon semmbe e ley goonɗinal hono no ekintiniraɗon. Njetton Laamɗo sanne.

Koloosiyankooɓe 3:17

Ko ngaɗoton fuu, nde wo haala nde wo golle, ngaɗiree ɗum fuu e ley innde Joomiraaɗo meeɗen Iisaa, njettiron Laamɗo Baaba meeɗen e innde makko.

Yahuuda 1:25

Teddeengal e manngu e semmbe e laamu ngoodan mo, kanko Laamɗo gooto kisinirɗo en Iisaa Almasiihu Joomiraaɗo meeɗen oon, gilla fuɗɗoode, faa joonin, faa abada abadin! Aamiina.

Ɓangingol 1:18

miin woni buurɗo oon. Mi maayiino, ammaa inani kam miɗo wuuri faa abada. Miɗo tiigii baawɗe dow maayde e laakara fuu.

Ɓangingol 19:4

Mawɓe noogayo e nayo ɓeen e kulle nay buurɗe ɗeen, kippii e leydi cujidani Laamɗo jooɗiiɗo e jooɗorgal laamu oon, ina mbi'a: —Aamiina. Haleluuya!