Ɓangingol 21:3 - Fulfulde Burkina Dewtere Laamɗo Amaana Keso

³ Nanumi daande toownde ƴuurunde to jooɗorgal laamu toon, ina wi'a: —Inan, joonnde Laamɗo na woni hakkunde yimɓe: o jooɗoto hakkundee maɓɓe, ɓe laatoo lenyol makko. Laamɗo e hoore muuɗum wondan e maɓɓe, laatoo Laamɗo maɓɓe.

Aadi keyri: linjiila iisaa almasiihu

³ Nan-mi daande toownde iwrunde to bimmbeere laamu too, ana wiya: —Annii hoɗorde Laamɗo e yimɓe: o hoɗidan e maɓɓe, ɓe laatoo leɲol makko. Laamɗo e hoore mum wondan e maɓɓe, laatoo Laamɗo maɓɓe.

Ɓangingol 21:3 Iomraidhean Croise

Yuhanna 1:14

Konngol ngool laatii neɗɗo jom terɗe de jooɗii hakkunde meeɗen. Min nji'ii darja makko, darja mo Bajjo hemrata Baabiiwo. Ley darja makko oon Baabiiwo ɓanginiri keewal hinney e goonga muuɗum.

Yuhanna 14:23

Iisaa jaabii mo, wi'i: —Si neɗɗo ina yiɗi kam, jokkan haala am. Baaba am du yiɗan ɗum. Miin e Baaba am oon min ngaran to muuɗum min njooɗodoo e muuɗum.

2 Korintunkooɓe 6:16

Yalla amaana ina woodi hakkunde suudu Laamɗo e tooruuji naa? Paamee, enen ngoni suudu Laamɗo buurɗo oon. Sabo Laamɗo wi'ii: «Mi hoɗidan e maɓɓe, mi yaada e maɓɓe, mi laatoo Laamɗo maɓɓe, kamɓe du, ɓe laatoo yimɓe am.»

2 Korintunkooɓe 6:18

Mi laatanto on baaba, onon du, on laatanto kam ɓiɓɓe worɓe e rewɓe. Noon Joomiraaɗo jom baawɗe fuu wi'i.»

1 Tesaloniyankooɓe 3:11

Wo Laamɗo Baaba meeɗen e Joomiraaɗo men Iisaa omtan min laawol faa min ngara to mooɗon.

Ibraninkooɓe 11:16

Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.

Ibraninkooɓe 8:10

Joomiraaɗo wi'i: «Inan amaana mo ngaɗidammi e Israa'iilankooɓe caggal balɗe ɗeen: Mi wattan jamirooje am e hakkillooji maɓɓe, mi winnda ɗe e ɓerɗe maɓɓe, mi laatoo Laamɗo maɓɓe, ɓe laatoo yimɓe am.

Ibraninkooɓe 8:2

Imo golla golle makko e ley nokkuure seniinde. Ɗum woni hukum goongaajo mo Joomiraaɗo darni, wanaa mo neɗɗo darni.

Ɓangingol 10:4

Nde diggaali jeɗɗi ɗiin tilinoo haalude ndeen, nesumi winndude, ammaa nanumi daande ƴuuri dow kammu, ina wi'a kam: —Taa winndu ko diggaali jeɗɗi ɗiin mbi'i ɗuum, accu ɗum laatoo kumpa!

Ɓangingol 10:8

Ndeen daande ƴuurannoonde kam dow kammu ndeen haaldi e am katin, wi'i: —Yahu jaɓoy dewtel taggitiingel, gonngel e junngo maleyka dariiɗo dow maayo e leydi ngeel.

Ɓangingol 12:10

Ndeen nanumi daande toownde ƴuurunde dow kammu, ina wi'a: «Joonin kisindam Laamɗo meeɗen yottake! Semmbe e laamu muuɗum njottake! Laamu ina woni e hawju Almasiihu! Sabo peloowo sakiraaɓe meeɗen, peloowo ɓe to Laamɗo jemma e nyalooma oon, riiwaama dow kammu.

Ɓangingol 21:7

Neɗɗo fuu jaaliiɗo heɓan ɗum fuu, mi laatoto Laamɗo muuɗum, kam du laatoo ɓiyam.

Ɓangingol 22:3

Ko Laamɗo huɗi fuu tawataake ley ngalluure ndeen katin. Jooɗorgal laamu Laamɗo e Jawgel ngeel ina ngoni ley mayre. Maccuɓe Laamɗo ndewan ɗum.

Ɓangingol 7:15

Ɗum saabii de ɓe keddoto yeeso jooɗorgal laamu Laamɗo ngaal, ɓe ndewa mo jemma e nyalooma ley suudu makko seniindu nduun. Jooɗiiɗo dow jooɗorgal laamu oon huuran ɓe hukum muuɗum.