Ɓangingol 14:7 - Fulfulde Burkina Dewtere Laamɗo Amaana Keso

⁷ Imo ƴeewnoo e daande toownde, imo wi'a: —Kulee Laamɗo! Mawninon ɗum! Sabo wakkati mo o sarotoo oon warii. Cujidanee taguɗo kammu e leydi e maayo e ilduɗe ndiyam oon!

Aadi keyri: linjiila iisaa almasiihu

⁷ Omo eewnotonoo e daande toownde, omo wiya: —Kulee Laamɗo teddinon mo, sabi wakkati mo o sarata oo warii. Cujidanee taguɗo kammu e leydi e geeci e cewle ndiyam oo!

Ɓangingol 14:7 Iomraidhean Croise

Matta 25:13

Iisaa sakitii wi'i: —Kakkilon ndelle, sabo on anndaa nyalaande naa wakkati mo Ɓii Neɗɗo wartata oon.

Lukka 17:18

Ndelle walaa fuu jecciiɗo faa teddina Laamɗo si wanaa janano o naa?

Golle Nulaaɓe 14:15

ina mbi'a: —Worɓe, ɗume ngaɗoton ɗo? Minen du min yimɓe hono mooɗon. Miɗen mbaajoo Kabaaru Lobbo oon faa tuubon, celon golleeji ɓoli ɗi, ngarton e Laamɗo buurɗo, taguɗo kammu e leydi e maayo manngo e ko woni e muɓɓen fuu.

1 Piyeer 4:7

Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

Ɓangingol 11:13

Wakkati oon, leydi dimmbii semmbe, de feccere sappoɓerde ngalluure ndeen saami. Yimɓe ujunaaje njeɗɗo kalkii. Heddiiɓe ɓeen kuli, mawnini Laamɗo jom kammu oon.

Ɓangingol 11:18

Laamorɗe adunaaru ɗeen wo tikkuɗe, ammaa tikkere maa warii. Wakkati warii faa caroɗaa maayɓe. Wakkati warii faa mbarjoɗaa annabaaɓe maccuɓe maa, seniiɓe hulɓe innde maa ɓeen, tedduɓe e lo'uɓe fuu. Wakkati warii faa kalkaa halkooɓe adunaaru ɓeen du.»

Ɓangingol 15:4

Moy woni hulataa ma, Joomiraaɗo, mo mawnintaa innde maa? Sabo aan tan woni gooto Ceniiɗo. Leyɗe fuu ngaran cujida yeeso maa, sabo ɓe nji'ii golleeji maa ponnditiiɗi.»

Ɓangingol 16:9

Yimɓe ɓeen cumiraa nguleefi cattuki. Ndeen ɓe mbonkii innde Laamɗo mo baawɗe ngoodani dow masiibaaji oon. Ɓe tuubaay, ɓe mawninaay ɗum.

Ɓangingol 18:10

Ɓe ndaroto to toowti, sabo iɓe kula jukkungo mayre. Iɓe mbi'a: —Yoo yoy! Yoo yoy! Baabiila, ngalluure mawnde nde, ngalluure jogiinde semmbe nde! Nde jukkaama wakkati gooto tan!

Ɓangingol 18:17

E ley wakkati gooto tan, jawdi ndiin fuu halkaa! Dawranooɓe laanaaji ndiyam e yahooɓe ley majji e dogginooɓe ɓeen, kam e heɓooɓe neema muɓɓen e luumagol dow maayo ɓeen, ɓe fuu ɓe toowtan ɓe ndaroo.

Ɓangingol 18:19

Ɓe ndufan leydi dow ko'e maɓɓe no ɓe poti metteede. Ɓe mboyan, ɓe cunoo, ɓe mbulla, ɓe mbi'a: —Yoo yoy! Yoo yoy! Ngalluure mawnde ndeen, nde keewal danyal muuɗum hokki jogiiɓe laanaaji e ley maayo fuu jawdi, e ley wakkati gooto tan, nde halkii!

Ɓangingol 19:5

Daande ƴuuri to jooɗorgal toon, ina wi'a: —Njettee Laamɗo meeɗen, onon maccuɓe muuɗum fuu, onon hulooɓe ɗum, tedduɓe e lo'uɓe!

Ɓangingol 4:11

«Joomiraaɗo amin, Laamɗo amin, aɗa foti heɓude darja e teddeengal e baawɗe, sabo aan tagi huunde fuu. Wo saabe muuyɗe maa ɗum laatorii, wo saabe muuyɗe maa tagirɗaa ɗum.»

Ɓangingol 4:9

Kulle buurɗe nay ɗeen ina ndarjina, ina teddina, ina njetta jooɗiiɗo dow jooɗorgal laamu, buurɗo faa abada oon.

Ɓangingol 8:10

Maleyka tataɓo oon fuufi buututal muuɗum, de hoodere mawnde huɓɓiroore hono no doccal ni ƴuuri dow kammu, saami e tataɓerde gooruuji e ilduɗe ndiyam.