Wurtagol 5:3 - Dewtere Laamɗo Fulfulde Burkina Faso

³ Ndeen Muusaa e Haaruuna mbi'i: — Laamɗo Ibraninkooɓe, Laamɗo amin ɓanganii min. Ndelle miɗen ŋaare accaa min njaha haddi balɗe tati ley ladde yoornde faa min ngaɗana Joomiraaɗo, Laamɗo amin kirsamaaji. Si wanaa noon fu, o waɗan nyawuuji bonɗi maa konu wara min.

Wurtagol 5:3 Iomraidhean Croise

2 Kaanankooɓe 17:25

Nde ɓe njottinoo nokkuure ndeen de ɓe ɗowtanaaki innde Joomiraaɗo fu, neldi ɓe dawaaɗi ladde mbari keewal maɓɓe.

Isira 7:23

Huunde ko Laamɗo Toowɗo yamirii waɗee saabe suudu muuɗum fu, ɗum waɗiree no haaniri pay, taa kaananke e laamu muuɗum e ɓiɓɓe muuɗum pooɗanee tikkere Laamɗo.

Wurtagol 3:18

Israa'iila'en kettindante. Ndeen njaadaa e mawɓe Israa'iila'en to kaananke Misira, mbi'on ɗum: Joomiraaɗo, Laamɗo Ibraninkooɓe ɓanganii min. Miɗen ŋaare, kokkaa min laawol min njaha ley ladde yoornde haddi balɗe tati faa min ngaɗana Joomiraaɗo, Laamɗo amin kirsamaaji.

Wurtagol 7:16

Mbi'aa Fira'awna: «Joomiraaɗo, Laamɗo Ibraninkooɓe nelii kam mi wi'ee: ‹Accu yimɓe am ndilla faa ɗowtanowoo kam ley ladde yoornde.› Ammaa faa joonin a hettindaaki.

Wurtagol 8:1

Ndeen Joomiraaɗo wi'i Muusaa: — Wi'u Haaruuna foorta junngo muuɗum tiigiingo sawru ngoon dow gooruuji mawɗi e pamari e dow pete faa paaɓi ɓanga dow leydi Misira fuu.

Wurtagol 8:20

Joomiraaɗo waɗiri noon. Buubi ŋatooji naati suudu Fira'awna e cuuɗi gollooɓe muuɗum faa keewi. Leydi Misira fuu boni saabe buubi ŋatooji ɗiin.

Wurtagol 8:27

Joomiraaɗo waɗani Muusaa ko ŋaarii ɗuum. Buubi keewɗi ɗiin fuu ndilli to Fira'awna e to gollooɓe muuɗum e to yimɓe muuɗum. Fay ngootu heddaaki.

Lewinkooɓe 26:25

Mi neldan on kaafaahi njomnitantooki amaana am oon. Nde kawritinɗon ley galluuje mooɗon fuu, mi neldan on nyawu mbonngu ndaaɓoowu, wooɗi du, mi wattan on e juuɗe wayɓe mon.

Fillitagol 28:21

Joomiraaɗo waɗan nyawu ndaaɓoowu mbonngu saama dow mon faa fiɗɗa on ley leydi ndi hokki on laatoo jeyal mon ndiin.