Lewinkooɓe 4:3 - Dewtere Laamɗo Fulfulde Burkina Faso

³ Si wo Almaami mawɗo, ceniraaɗo nebbam oon lutti de ronndi yimɓe fuu hakke fu, sey waɗa sadaka ngaari ndi walaa malal yeeso Joomiraaɗo saabe yaafeede hakke muuɗum oon.

Lewinkooɓe 4:3 Iomraidhean Croise

Isira 8:35

Ƴuuruɓe e maccungaaku ngarti ɓeen cakkani Laamɗo Israa'iila sadaka buleteeɗo. Ɓe cakki nga'i 12 saabe Israa'iilankooɓe fuu, e jawɗi 96 e njawkoy 77, e damɗi 12 saabe suddugol hakkeeji. Ɗum fuu ɗum laatii sadaka bulanteeɗo Joomiraaɗo.

Wurtagol 29:14

Ammaa teewu e nguru e coowoori ndiin fuu, mbulowaa ɗum yaasin hoɗorde ndeen. Wo ɗum sadaka yaafeede.

Wurtagol 29:21

Nyeɗaa ƴiiƴam ngonɗam dow sakkirde ɗaam seeɗa, kawrondinaa e nebbam seningol de mbiccaa dow ɓanndu Haaruuna e dow kolte muuɗum. Noon ngaɗirantaa ɓiɓɓe makko ɓeen du. Noon kanko e ɓiɓɓe makko e kaddule maɓɓe ceninirtee yeeso Joomiraaɗo.

Wurtagol 29:7

Kooƴaa nebbam ceninirɗam, njooraa dow hoore makko. Ɗuum seedotoo o senndaama saabe gollal ngaal.

Wurtagol 30:10

Ley hitaande fuu, Haaruuna waɗa Iidi Mooytugol Hakkeeji nde wootere dow luwe sakkirde ndeen. O hooƴa ƴiiƴam sadaka oon o mooyta dow luwe sakkirde ndeen. Wo ɗum ƴiiƴam mooytoojam hakke. Noon ɗum waɗirtee ley jamaanuuji fuu. Sakkirde ndeen laatoo ɓurnde senaade yeeso Joomiraaɗo.

Lewinkooɓe 1:10

Si sadaka buleteeɗo oon wo ndaaba pamara hono mbaalu maa mbeewa fu, joomum itta ndamndi maa njawdiri ndi walaa malal.

Lewinkooɓe 1:3

Si kirsamaari ndiin wo nagge fu, tawee wo ngaari ndi walaa malal. Ndi waddee dammbugal hukum Ceniiɗo faa ndi laatoo sadaka belɗo Joomiraaɗo.

Lewinkooɓe 16:11

Haaruuna ɓattina ngaari sadaka yaafeede hakke muuɗum de sakka ndi faa hakkeejim e hakkeeji suudu muuɗum fuu mooytee. O hirsa ngaari sadaka yaafeede hakke makko ndiin faa o yaafee.

Lewinkooɓe 16:3

Inan no Haaruuna jeyi naatirde ley Nokkuure Ɓurnde fuu Senaade ndeen: O warda e ngaari sadaka yaafeede tawta njawdiri sadaka buleteeɗo.

Lewinkooɓe 16:5

Israa'iila'en kokka o damɗi ɗiɗi gaɗeteeɗi sadaka yaafeede, tawta njawdiri sadaka buleteeɗo.

Lewinkooɓe 16:6

O sakka ngaari sadaka yaafeede hakke makko kanko e suudu makko de hakkeeji maɓɓe mooytee.

Lewinkooɓe 4:14

Nde ɓe paaminowaa ɗum fu, sey ɓe ngadda ngaari sadaka yaafeede dammbugal hukum Ceniiɗo.

Lewinkooɓe 4:23

Wakkati o faaminowa o luttii fu, sey o wadda sadaka ndamndi ndi walaa malal.

Lewinkooɓe 4:28

Wakkati o faaminowa o luttii fu, sey o wadda mbeewa ndewa nga walaa malal saabe sadaka yaafeede hakke oon.

Lewinkooɓe 4:5

Almaami oon itta ƴiiƴam mayri yaara ley hukum oon.

Lewinkooɓe 5:6

Na tilsi joomum wadda sadaka mbeewa ndewa maa mbaalu ndewu yeeso Joomiraaɗo saabe njoɓdi hakke mo waɗi oon. Almaami waɗana joomum sadaka yaafeede de hakke muuɗum mooytee.

Lewinkooɓe 6:18

Mbi'aa Haaruuna e ɓiɓɓe muuɗum: Inan yamiroore dow sadaka yaafeede. Ɗo sadakaaji buleteeɗi kirsetee ɗoon, ndi sadaka yaafeede ndiin du hirsetee yeeso Joomiraaɗo. Wo ɗum huunde seniinde sanne.

Lewinkooɓe 8:12

O rufi nebbam ceninirɗam ɗaam dow hoore Haaruuna, o senini ɗum.

Lewinkooɓe 9:2

O wi'i Haaruuna: — Kooƴaa ga'el gaɗeteengel sadaka yaafeede e njawdiri ngaɗeteendi sadaka buleteeɗo tawa ɗi ɗiɗi fuu ɗi ngalaa malal de ngaddaa ɗi yeeso Joomiraaɗo.

Lewinkooɓe 9:3

Caggal ɗuum mbi'aa Israa'iila'en ngadda ndamndi sadaka yaafeede tawta ga'el ndunnguwel e jawgel ndunnguwel tawa koy ngalaa malal de ngaɗon koy sadaka buleteeɗo.

Limle 16:22

Ammaa ɓe ɗiɗo fuu ɓe caami e leydi, ɓe kippii iɓe ndu'oo, iɓe mbi'a: — Yaa Laamɗo! Aan tiigoriiɗo yonkiiji tageefo fuu e junngo maaɗa, ndelle hakke neɗɗo gooto saabante halkude yimɓe ɓee fuu naa?

Limle 8:8

Ɓe kooƴa ngaari pamardi e sadaka conndi ko yaadata e muuɗum, ɗuum woni conndi ɗaatundi ɓoosidaandi e nebbam, aan du kooƴaa ngaari ɗiɗaɓirdi de ngaɗon sadaka yaafeede.

Romankooɓe 8:3

Ko Tawreeta Muusaa waawaayno waɗude saabe lokkaaku ɓalli men, wo ɗuum Laamɗo waɗi. O nuli Ɓiyiiko e ley tagaadi nanndundi e ɓiɓɓe-Aadama jom'en hakkeeji ɓeen faa itta hakke. E ley tagaadi ndiin o jukkii hakke golloowo e ley ɓalli men.

2 Korintunkooɓe 5:21

Almasiihu waɗaay hakke abada. Ammaa Laamɗo yowi hakkeeji meeɗen fuu dow makko, faa kawtal meeɗen e Almasiihu waɗa en fonnditiiɓe yeeso Laamɗo.

Ibraninkooɓe 5:3

De saabe kam e hoore muuɗum wo lokkaajo, tilay yottina sadakaaji saabe hakkeeji muuɗum du, wanaa saabe hakkeeji yimɓe tan.

Ibraninkooɓe 9:12

O naatii ley nokkuure ɓurnde fuu senaade ndeen. O naaddaay e ƴiiƴam ndamkoy e nga'oy, wo e ƴiiƴam makko jaati o naaddi. Hono nii o rimɗiniri en nde wootere faa abada.