Lewinkooɓe 26:5 - Dewtere Laamɗo Fulfulde Burkina Faso

⁵ On tappidataa gawri mon faa nde ɓorugol cabiije mon hewti. Wooɗi du, on ɓoridataa ɗe faa nde aawre gese mon hewti. On nyaaman kaaron, wooɗi du on njooɗoto e jam ley leydi mooɗon.

Lewinkooɓe 26:5 Iomraidhean Croise

Wurtagol 16:8

Muusaa wi'i katin: — On paaman wo o Joomiraaɗo nde o hokkata on teewu faa nyaamon wakkati kiiral naange e buuru kaarnoowo wakkati beetee ndeen, sabo o nanii oɗon ŋurŋurtana mo. Minen le wo min moy'en? Wanaa minen ŋurŋurtanton, wo Joomiraaɗo.

Banndi 1:33

Ammaa kettindaniiɗo kam fuu wuuran nder jam, ɓernde mum du waaltoto, walaa ko hulɓinta ɗum.

Banndi 18:10

Innde Joomiraaɗo woni suuɗorde, to dartiiɗo doggirta, de hisa.

Amos 9:13

Inan ko Joomiraaɗo wi'i: Nyalaaɗe ngarowan nde demoowo rewtata gaɗa taƴoowo, nde ɓoosoowo inabooje rewtata cankitoowo aawdiri, nde inaboojam wubbata dow baamle, nde tile fuu njoolotoo ley inaboojam ɗaam.

Matta 23:37

— Kay Urusaliima, Urusaliima! Aɗa wara annabaaɓe, aɗa warda nulaaɓe to maa kaaƴe! Kile keewɗe njiɗumi hawrundurde ɓiɓɓe maa hono no cofal hawrundurta coppi muuɗum ley bippeele mum ni. De on njaɓaay.

Golle Nelaaɓe 14:17

E ɗum fuu, imo golla ko wooɗi faa ɗum seedanoo mbooɗirka makko. Imo tomnana on ƴuwoonde, imo ɓenndinana on nyaamri e wakkati muuɗum. Imo waaltinira hakkillooji mon nyaamdu e seyo.

Fillitagol 11:15

Mi fuɗinanan daabaaji mon huɗo ley ladde. On nyaaman kaaron.

1 Timote 6:17

Njamiraa joomiraaɓe jawdi e adunaaru ndu taa mawninkinoo, taa njowa jikke muɓɓen e jawdi ndi hoolnaaki. Ammaa ɓe njowa jikke maɓɓe e Laamɗo kokkoowo en huunde fuu faa heewa faa ceyoroɗen ɗum.

1 Piyeer 1:5

Baawɗe Laamɗo na reeniri on saabe goonɗinal mooɗon faa hisina on. O segilake ɓanginde kisindam ɗaam e wakkati cakitte adunaaru ndu.