3 Mono e mooɗon fuu teddina innam e bammum de haybana nyalaaɗe am powteteeɗe ɗeen. Miin woni Joomiraaɗo, Laamɗo mooɗon.
Yuusufi itti ɓe dow koppi muuɗum, hofii, de hippi yeeso muuɗum e leydi.
Kaalanɗaa ɓe nyalaande maaɗa seniinde, ɗum woni nyalaande fowteteende. Kokkuɗaa Muusaa maccuɗo maaɗa jamirooje e ekitingol, faa janngina ɓe.
Paamee, wo miin Joomiraaɗo hokki on nyalaande fowteteende. Saabe ɗuum waɗi de kokkumi on nyannde jeegoɓerde nyaamdu heƴooru on faa waɗa balɗe ɗiɗi. De nyannde jeɗɗaɓerde kaa, mono e mooɗon fuu jooɗoo nokku muuɗum. Taa fay gooto mooɗon wurtoo.
Teddinaa baaba ma e inna ma faa balɗe maaɗa njuuta ley leydi ndi Joomiraaɗo, Laamɗo maaɗa hokkete ndiin.
Taa njeggitaa nyalaande fowteteende ndeen, nde laatane nyalaande seniinde.
Piiɗo inna muuɗum naa baaba muuɗum fuu, tilay waree.
Kuɗuɗo baaba muuɗum naa inna muuɗum fuu, tilay waree.
Ɓiyam, jaɓu tindinoore baaba maa, taa yoppu ekintinol inna maa,
Hettina bammaa kolluɗo ma adunaaru, taa famɗin inna maa fay nder nayeewu.
Ina woodi kuɗooɓe saaraaɓe, ɓe njettataa ɗum'en du.
Jawuɗo baaba mum e inna mum, salii ɗowtanaade ɓe, daawle coppan yitere mum, jigaaje nyaaman nde.
Sabo wo miin woni Joomiraaɗo, Laamɗo mooɗon. Ceninee ko'e mooɗon, faa laatoɗon seniiɓe sabo miin wo mi ceniiɗo. Taa tuuniniree ko'e mooɗon e meemude kujje ladooje e leydi.
Hitaande joyaɓerde ndeen, nyaamon barke majje. Ɗe ndimanan on faa heewa. Miin woni Joomiraaɗo, Laamɗo mooɗon.
Kaybanon nyalaaɗe am powteteeɗe de teddinon nokkuure am seniinde. Miin woni Joomiraaɗo.
Taa njahon to gollidooɓe e beeli maayɓe maa daggadaaɓe, taa piloɗon ɓe sabo on laatoto tuunɓe saabe maɓɓe. Miin woni Joomiraaɗo, Laamɗo mooɗon.
Ndaardon ɗum hono wo sakiike mon dimaaɗo ley leydi ndiin. Njiɗiron mo hono no njiɗirɗon ko'e mooɗon noon sabo onon du, on laatakeno jananɓe leydi Misira. Miin woni Joomiraaɗo, Laamɗo mooɗon.
Ngollon golleeji mooɗon faa waɗa balɗe jeegom, ammaa nyalaande jeɗɗaɓerde ndeen wo Nyalaande fowteteende. Ngaɗon kawrital ceniingal. Taa ngollon gollal fay gootal sabo wo nde nyalaande Joomiraaɗo fowteteende. Nde laatanoo on noon to njooɗoyiɗon fuu.
Kuddi woodana kuyfinɗo bammum e innam. Ndeen yimɓe fuu njaaboo mbi'a: «Aamiina.» —
Teddinaa baaba ma e inna ma hono no Joomiraaɗo, Laamɗo maaɗa yamiri ma noon faa balɗe maaɗa njuuta de keɓaa barke ley leydi ndi o hokkete ndiin.
Wooɗi du, ko Baabiraaɓe meeɗen adunaaru ɓeen ndartinannoo en ɗuum, en teddinii ɓe. Sakko Baaba meeɗen jom yonkiiji oon! Wanaa eɗen kaani jaɓande ɗum faa ɓura noon de mbuuren naa?