Fuɗɗoode 28:3 - Dewtere Laamɗo Fulfulde Burkina Faso

³ Laamɗo jom Baawɗe barkine, waɗa ndimaa, ɗuuɗaa faa laatoɗaa lenyi keewɗi.

Fuɗɗoode 28:3 Iomraidhean Croise

Fuɗɗoode 1:28

Laamɗo barkini ɓe, wi'i: — Ndimee ɓeydoɗon, keewon adunaaru, ndawranon ndu. Laamoɗon liƴƴi maayo e pooli piirooji e kulle buurɗe ladooje e leydi fuu.

Fuɗɗoode 13:16

Mi waɗan ƴuwdi maa ɗuuɗa faa fay gooto waawataa limude ndi. Si njaareendi na waawi limeede fu, ƴuwdi maa ndiin du waawete limeede.

Fuɗɗoode 17:20

Ko mbiiɗaa e Ismaa'iila ɗuum, mi jaɓanii ma. Mi barkinan o. Mi hokkan o ɓeyngu, mi ɗuuɗinan ƴuwdi makko sanne. O laatoto baaba laamotooɓe 12. Mi waɗan mo lenyol manngol.

Fuɗɗoode 24:60

Ɓe ndu'anii Rebeka, ɓe mbi'i ɗum: Sakiike amin debbo keewaa faa laatoɗaa ujunaaje ujune, ƴuwdi maa rona naatirde e yaltirde wayɓe muuɗum.

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 27:33

Wakkati oon, Isiyaaka diwni sanne, wi'i: — Moy woni loohoyɗo de waddani kam teewu ladde nyaamumi gilla a waraay mbarkinmaami oon? Mi barkinii joomum. Noon du barke oon heddortoo e muuɗum.

Fuɗɗoode 35:11

Laamɗo wi'i mo: — Miin woni Laamɗo Jom Baawɗe. Ndimaa, ɗuuɗaa. Ƴuwdi maa laatoto suudu mawndu. Lenyi keewɗi ƴuwan e maaɗa. Kaanankooɓe du njaltan e maaɗa.

Fuɗɗoode 41:52

Minyiiwo oon, o inndiri ɗum Efrayim (ɗum na fiirta «ɓeyngu»). O wi'i: — Laamɗo hokkii kam ɓeyngu ley leydi ndi torraami e muuɗum.

Fuɗɗoode 43:14

Laamɗo Jom Baawɗe hokku on hinney yeeso makko, o hokkita on sakiike mon e Benjamin fuu. Miin du si mi waasan ɓiɓɓe am ɓeen kaa, mi waasa ɗum'en.

Fuɗɗoode 48:3

Yaakuuba wi'i Yuusufi: — Laamɗo Jom Baawɗe ɓanganii kam Luus ley leydi Kanaana. O barkini kam,

Fuɗɗoode 48:4

o wi'i kam: «Mi hokkete ɓeyngu, mi yaajinan suudu maa, mi ɗuuɗinan lenyol maa faa ngol laatoo siyiiji yimɓe heewɓe. Caggal ma, mi hokkan ƴuwdi maa leydi ndii, ɓe njeyta ndi faa abada.»

Fuɗɗoode 49:25

Laamɗo bammaa oon wallete, Jom Baawɗe oon barkinante huunde fuu, barkeeji ƴuurooji dow kammu, barkeeji ilam mbaaliiɗam e leydi, barkeeji enndu e enɗam.

Fuɗɗoode 9:1

Laamɗo barkini Nuuhu e ɓiɓɓe muuɗum worɓe, wi'i: — Ndimee, ɓeydoɗon, keewon adunaaru.

Wurtagol 1:7

Yimɓe Israa'iila ndimi, ɗuuɗi sanne. Ɓe ɓeydii, ɓe ɗuuɗi sanne, semmbe maɓɓe du ɓeydii. Ɓe keewi e leydi ndiin fuu.

Wurtagol 6:3

Arande mi ɓanganiino Ibrahiima e Isiyaaka e Yaakuuba, kollumi ɓe wo mi Laamɗo Jom Baawɗe, ammaa mi anndinaay ɓe innde am wo Joomiraaɗo bi'eteeɗo «Miin Woni» oon.

2 Korintunkooɓe 6:18

Mi laatanto on baaba, onon du, on laatanto kam ɓiɓɓe worɓe e rewɓe. Noon Joomiraaɗo jom baawɗe fuu wi'i.»

Holleede 21:22

Mi yi'aay suudu dewal e ley ngalluure ndeen, sabo Laamɗo Joomiraaɗo jom baawɗe fuu oon e Jawgel ngeel ngoni suudu dewal mayre.

Ruttu 2:4

Ɗum neeɓaay sanne de Bo'as ƴuuri Baytilaama wari to taƴooɓe muuɗum, wi'i ɗum'en: — Wo Joomiraaɗo wondu e mooɗon! Kamɓe du ɓe mbi'i mo: — Joomiraaɗo barkinɗine!