Fuɗɗoode 16:10 - Dewtere Laamɗo Fulfulde Burkina Faso

¹⁰ Maleyka oon ɓeydi, wi'i: — Joomiraaɗo hebbinan ƴuwdi maa faa waawataake limeede.

Fuɗɗoode 16:10 Iomraidhean Croise

Fuɗɗoode 13:16

Mi waɗan ƴuwdi maa ɗuuɗa faa fay gooto waawataa limude ndi. Si njaareendi na waawi limeede fu, ƴuwdi maa ndiin du waawete limeede.

Fuɗɗoode 16:9

Maleyka oon wi'i mo: — Yecca to jooma debbo oon de leeƴinaa hoore maa yeeso makko.

Fuɗɗoode 17:20

Ko mbiiɗaa e Ismaa'iila ɗuum, mi jaɓanii ma. Mi barkinan o. Mi hokkan o ɓeyngu, mi ɗuuɗinan ƴuwdi makko sanne. O laatoto baaba laamotooɓe 12. Mi waɗan mo lenyol manngol.

Fuɗɗoode 21:13

Ɓii korɗo oon du, mi waɗan ɗum lenyol sabo wo o ƴuwdi maaɗa.

Fuɗɗoode 21:16

O toowti haddi fiɗande kural, o jooɗii. O wi'i e ɓernde makko: — Taa mi yi'a maayde ɓinngel am! Nde o jooɗinoo ndeen, o ɓanti daande makko, o woyi.

Fuɗɗoode 21:18

Umma kooƴaa suka oon, nanngaa o e junngo maaɗa faa wooɗa sabo mi waɗan o laatoo lenyol manngol.

Yuhanna 1:18

Fay gooto yi'aay Laamɗo abada. Ammaa Ɓiɗɗo bajjo gonduɗo e Baabiiwo oon, kam humpiti en mo.

1 Timote 6:16

Kam tan woni keddotooɗo, gonɗo ley annoora mo fay gooto waawaa ɓadaade. Neɗɗo fay gooto yi'aay ɗum, waawaa yi'ude ɗum du. Teddeengal e baawɗe duumiiɗe ngoodan mo. Aamiina.

Ardiiɓe 6:11

Ndeen maleyka Joomiraaɗo wari jooɗii ɗakkol lekki mawki ngonki ley ngalluure Ofera ki Yowas Abiyejerankeejo jeyi. Ɗoon ɓiyiiko tappannoo alkamaari nder ngayka to ɓe njaaɓata ɓiɓɓe cabiije faa suuɗa ndi Madiyankooɓe. Innde makko wo Gedeyon.

Ardiiɓe 6:16

Maleyka Joomiraaɗo wi'i mo: — De mi wondan e maaɗa. A jaaloto Madiyankooɓe ɓeen hono wo ɓe neɗɗo gooto tan.