Fuɗɗoode 1:9 - Dewtere Laamɗo Fulfulde Burkina Faso

⁹ Laamɗo wi'i: — Ndiyam leyijam ɗaam hawrita nokku gooto faa leydi njoorndi ɓanga. Ɗum laatorii noon.

Fuɗɗoode 1:9 Iomraidhean Croise

Fuɗɗoode 1:8

O inndiri njaayri ndiin kammu. Hiiri weeti, laatii nyalaande ɗiɗaɓerde.

Nehemiya 9:6

Yaa Joomiraaɗo, aan tan woni Joomiraaɗo, aan tagi kammuuli e koode, e njaayri ngondi dow e ko woni nder mayri. Taguɗaa leydi e maayo e ko woni e muɓɓen fuu. Kokkuɗaa ɗum fuu yonki, de ndeenuɗaa ɗum. Ko woni dow kammu fuu hofake yeeso maaɗa.

Ayuuba 26:10

O diidii keerol dow diyeele hono taarde, faa laatoo keerol hakkunde annoora e nimre.

Ayuuba 26:7

Laamɗo weƴƴitii soɓɓirre dow ɓolum, o ɓilii adunaaru dow mbeeyu ɓolu.

Tindinoowo 1:7

Gooruuji fuu maayo ndoggirta, de maayo kaa heewataa. Gooruuji du celataa doggirde to ndoggirannoo.

Yuunusa 1:9

Yuunusa jaabii ɓe wi'i: — Wo mi Ibraninkeejo, kulɗo Laamɗo Joomiraaɗo gonɗo dow kammu, taguɗo maayo e leydi.

2 Piyeer 3:5

Iɓe anniyii yeggitinde Laamɗo tagirii kammu e leydi fuu konngol muuɗum. Illa ko ɓooyi o tagirii leydi ndi ndiyam, ndi yaltii ley ndiyam.

Holleede 10:6

hunorii Buurɗo duumiiɗo faa abada, taguɗo kammu e ko woni e muuɗum, e leydi e ko woni e muuɗum, e maayo e ko woni e muuɗum. Maleyka oon wi'i: — Wakkati heddaaki katin!