Fillitagol 8:1 - Dewtere Laamɗo Fulfulde Burkina Faso

¹ Tinnoɗon e ɗowtanaade jamirooje ɗe ekintinanmmi on hannden ɗeen fuu faa mbuuron, keewon wooɗi du naaton leydi ndi Joomiraaɗo hunaninoo maamiraaɓe mon hokkan ɗum'en ndiin.

Fillitagol 8:1 Iomraidhean Croise

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 5:32

Muusaa wi'i ɓe: — Kakkilon wooɗa, ngaɗon ko Joomiraaɗo, Laamɗo mooɗon yamiri on fuu. Taa oonyoroɗon nano naa nyaamo.

Fillitagol 5:33

Tokkon laawol ngol Joomiraaɗo, Laamɗo mooɗon hokki on ngool faa mbuuron de keɓon jam, wooɗi du, balɗe mooɗon njuuta ley leydi ndi njeytoyton ndiin.

Fillitagol 8:18

Miccitoɗon Joomiraaɗo, Laamɗo mooɗon sabo wo kam hokkata on semmbe mo keɓirton jawdi ndiin fuu. Noon o tabintinirta amaana mo o waɗidinnoo e maamiraaɓe mooɗon, hono no worri hannden ni.