Fillitagol 7:9 - Dewtere Laamɗo Fulfulde Burkina Faso

⁹ Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Fillitagol 7:9 Iomraidhean Croise

Fuɗɗoode 17:7

Mi tabintinan amaana hakkunde am e maaɗa e ƴuwdi maaɗa ley jamaanuuji muɓɓen fuu. O laatoo amaana duumotooɗo faa abada. Mi laatoto Laamɗo maaɗa, aan e taaniraaɓe maa caggal maaɗa.

Fuɗɗoode 28:15

Aan du, miɗo wondi e maaɗa. Mi reenete ɗo njahuɗaa fuu. Mi wartirte e leydi ndii, sabo mi yoppataa ma. Mi hiɓɓinan ko aadaniimi ma ɗuum.

Fuɗɗoode 9:15

mi miccitoto amaana mo ngaɗumi hakkunde am e mooɗon e ko foofata fuu. Ilam tuufaanu waɗataa katin faa halka ko wuuri fuu.

1 Kaanankooɓe 8:23

o wi'i: — Joomiraaɗo, Laamɗo Israa'iila, hono maaɗa walaa, walaa dow kammu, walaa dow leydi. Aɗa reena amaana, aɗa holla maccuɓe maaɗa jokkirɓe ma e ɓerɗe muɓɓen fuu ɓeen njinngu koolniingu.

1 Kabaaruuji Laamiiɓe 16:15

Miccitoɗon amaana makko oon faa abada, njogitoɗon aadi makko faa jamaanuuji ujunere.

Nehemiya 1:5

Mbi'umi: Yaa Joomiraaɗo! Laamɗo Toowɗo, Laamɗo mawɗo, Laamɗo kuleteeɗo, kiɓɓinoowo amaana muuɗum to yiɗuɓe ɗum, jokkiiɓe jamirooje muuɗum.

Nehemiya 9:32

Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Wurtagol 20:6

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Limle 14:18

«Miin Joomiraaɗo mi jom munyal, mi keewɗo hinney, mi jaafotooɗo hakkeeji e lutti yimɓe. Ammaa wo mi kiitotooɗo waɗuɓe hakkeeji fuu, miɗo jukkoo ɓiɓɓe muɓɓen e taaniraaɓe muɓɓen saabe hakkeeji ɗiin faa yottoo taaniti taaniraaɓe muɓɓen.»

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

1 Korintunkooɓe 1:9

Laamɗo nodduɗo on faa kawton e Ɓiyum Iisaa Almasiihu Joomiraaɗo meeɗen wo koolniiɗo.

1 Korintunkooɓe 10:3

Katin du ɓe fuu ɓe nyaamdii nyaamdu wooturu ƴuurundu to Laamɗo.

1 Korintunkooɓe 8:3

Ammaa neɗɗo fuu jiɗɗo Laamɗo, Laamɗo ina anndi ɗum.

2 Korintunkooɓe 1:18

No tannyorɗen Laamɗo wo koolniiɗo ni, hono noon konngol ngol min kaalani on ngool wanaa ayyo e a'aa fuu nde wootere.

Fillitagol 32:39

Joonin kaa, paamon wo miin, ayyo, wo miin tan, alla goɗɗo waldaa e am. Wo miin warata, wooɗi wo miin wuurnata, wo miin mornyitata, wooɗi wo miin dannata. Fay gooto waawaa dannude goɗɗo e junngo am.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Fillitagol 4:35

Ndelle ɗuum seedanake on wo Joomiraaɗo woni Laamɗo. Goɗɗo walaa si wanaa kanko.

Fillitagol 4:39

Ndelle annditon gilla hannden, wooɗi du taa njeggiton ko Joomiraaɗo woni Laamɗo dow kammu e leydi fuu. Goɗɗo fuu walaa si wanaa kanko.

Fillitagol 5:10

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

1 Tesaloniyankooɓe 5:24

Nodduɗo on oon wo koolniiɗo, o tabintinan ɗum du.

2 Tesaloniyankooɓe 3:3

Ammaa Joomiraaɗo wo koolniiɗo, o hokkan on semmbe, o reena on e Bonɗo oon.

2 Timote 2:13

Si en nganaa hoolniiɓe, kanko kaa o heddoto wo o koolniiɗo, sabo o waawaa yeddude hoore makko.

Titus 1:2

Goonɗinal e anndal ngaal na njowii dow jikke meeɗen heɓude nguurndam nduumiiɗam. Laamɗo, mo fenataa, mo bonnataa amaana oon, aadinoo hokkude nguurndam ɗaam gilla jamaanuuji puɗɗaay.

Ibraninkooɓe 10:23

Tiigoɗen jikke mo kaaleten haala muuɗum faa wooɗa, sabo Laamɗo wo koolniiɗo, waɗan ko aadii.

Ibraninkooɓe 11:11

Saabe goonɗinal, Ibrahiima hokkiraa heɓude ƴuwdi, fay si taweede o naywiino, jom suudu makko Saaratu du wo dimaro-no. O heɓii ƴuwdi ndiin sabo o hoolake Laamɗo yottinan aadi muuɗum.

Ibraninkooɓe 6:18

Kulle ɗiɗi ɗe, ɗum woni hunayeere ndeen e amaana oon, mbaylitataako abada, sabo Laamɗo fenataa. Ndelle, ɗum fuu na semmbinɗina ɓerɗe meeɗen, enen doggirɓe to Laamɗo faa njogoɗen jikke mo kokkaɗen oon.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

1 Yuhanna 1:9

Ammaa si en kaaltanii Laamɗo hakkeeji men, o yaafoto en, o laaɓina en e hakkeeji fuu. Sabo kanko, wo o koolniiɗo, ponnditiiɗo.

Ardiiɓe 2:1

Joonin, maleyka Joomiraaɗo ummii gilla Gilgal yehi Bokim. O wi'i Israa'iilankooɓe: — Wo miin wurtini on leydi Misira, waddi on nder leydi ndi kunaniimi maamiraaɓe mooɗon mi hokkan ɗum'en. Katin du, wo miin wi'unoo mi halkataa amaana mo ngaddumi e mooɗon oon faa abada.

Ardiiɓe 5:31

Yaa! Joomiraaɗo, accu wayɓe maaɗa fuu kalkira noon! Ammaa yimɓe yiɗuɓe ma ɓeen njaynira hono wakkati naange fuɗiri semmbe ni. Wooɗi, illa ndeen leydi ndiin heɓi powtiri faa waɗi duuɓi 40.