Biblia Todo Logo
Bìoball air-loidhne

- Sanasan -




Fillitagol 7:1 - Dewtere Laamɗo Fulfulde Burkina Faso

1 Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Faic an caibideil Dèan lethbhreac




Fillitagol 7:1
35 Iomraidhean Croise  

Ko o jokki hakkeeji Yerobo'am ɗuum, heƴaay mo. O ɓeydi hakke katin, o dewli Yesabel ɓii Etba'al kaananke Sidoninkooɓe. O yehi o ɗowtanowi tooru Ba'al, o sujidani ndu.


Kanaana oon du woni baaba Yebusinkooɓe e Amorinkooɓe e Girgasinkooɓe


Nde ɗum timmunoo fu, woɓɓe hakkunde ardiiɓe Israa'iilankooɓe ngari mbi'i kam: — Jamaa Israa'iilankooɓe, fay almaami'en e Lewinkooɓe ceedaay e yimɓe leydi ndi, ɓeen ngoni Kanaaninkooɓe e Hittiyankooɓe e Perisinkooɓe e Yebusinkooɓe e Amoninkooɓe e Mo'abinkooɓe e Misirankooɓe e Amorinkooɓe, waɗooɓe ko nyiddini.


Katin ley balɗe ɗeen, njiimi woɓɓe hakkunde Yahuudiyankooɓe na ndewli rewɓe leydi Asidod, e Amon e Mo'ab.


Teddeengal maa manngal ngaal liɓirɗaa wayɓe maaɗa. A neldan tikkere maa mawnde ndeen, de ɓe kuɓɓa hono yiite heɓi nyoomal.


Mi nelan jabbatti keewɗi ardoo on faa ndiiwa Hewinkooɓe e Kanaaninkooɓe e Hittiyankooɓe yeeso mooɗon.


Taa kaɓɓidon e maɓɓe kamɓe e tooruuji maɓɓe fuu amaana.


Taa ɓe njooɗoo ley leydi mooɗon de ɓe mbosina on, sabo ɗuum waddanan on waɗude hakke yeeso am. Si on ɗowtanake allaaji maɓɓe fu, ɗum laatanto on fergorde.


Mi nelan maleyka ardoo on de mi riiwa Kanaaninkooɓe e Amorinkooɓe e Hittiyankooɓe e Perisinkooɓe e Hewinkooɓe e Yebusinkooɓe.


Mi nannan on leydi ndi kunaniimi Ibrahiima e Isiyaaka e Yaakuuba mi hokkan ɗum'en ndiin. Mi hokkan on ndi, ndi laatoo ndongu mooɗon. Wo miin Joomiraaɗo wi'i on ɗum!


Nde njottoyɗon Kanaana, leydi ndi kokkammi on njooɗoɗon ndiin, si mi wattii puundi gomma dow maadi suudu ley leydi ndi njeytoyton ndiin fu,


Amalekinkooɓe na njooɗii horɗoore, Hittiyankooɓe e Yebusinkooɓe e Amorinkooɓe na njooɗii faro baamle. Kanaaninkooɓe du na njooɗii daande maayo Manngo e daande gooruwol Urdun.


Ammaa ɓiɓɓe mon ɓe mbiiɗon nanngete ɓeen, mi nannan ɗum'en leydi ndi kuyfinɗon ndiin.


Caggal ko o halki lenyi jeɗɗi e ley leydi Kanaana, o hokki ndi yimɓe makko ndona ndi.


Nde Joomiraaɗo, Laamɗo mooɗon nannowi on leydi ndi njeytoton ndiin fu, mbarkinon dow waamnde Garijim de kuɗon dow waamnde Ebal.


Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.


Ammaa galluuje gonɗe ley leydi ndi Joomiraaɗo, Laamɗo mooɗon hokkata on laatoo ndonngu mooɗon ɗeen kaa, taa accidon fay gooto e yonki.


Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.


Joomiraaɗo, Laamɗo mooɗon ardoto on kam e hoorem. Wo kam halkata lenyi ɗiin fuu yeeso mooɗon de njeyton leyɗe muɓɓen. Wo Yoosuwa ardotoo on fodde no Joomiraaɗo wi'iri noon.


O riiwii lenyi ɓurɗi on manngu e semmbe fuu faa o nanna on leydi muɓɓen ndi o hokkata on laatoo ndongu mooɗon hono no worri hannden ni.


Inan jamirooje e sariyaaji e kiite ɗe Joomiraaɗo, Laamɗo mooɗon yamiri njanngineɗon faa ɗowtanoɗon ko wi'i ley leydi ndi ponndiɗon faa laatoo jeyal mooɗon ndiin.


Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.


O riiwan wayɓe on fuu yeeso mooɗon fodde no o wi'iri noon.


O wurtini en toon faa o wadda en leydi ndi o hunaninoo maamiraaɓe men o hokkan en ndiin.


Kettinee, onon Israa'iila'en! Hannden on peƴƴitan Urdun faa teeton leyɗe ɓurɗe on manngu e semmbe, galluuje mawɗe piilniraaɗe kokuuji toowɗi faa na tukkowi kammu ɗeen.


Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.


Nde Joomiraaɗo, Laamɗo mooɗon riiwoy ɓe yeeso mooɗon fu, taa mbi'on ley ɓerɗe mon: — Wo saabe min dartiiɓe waɗi de Joomiraaɗo hokki min leydi ndii faa laatoo ndongu amin! Wo saabe bonde lenyi ɗiin de Joomiraaɗo na teeta leydi muɓɓen yeeso mon.


to Kanaaninkooɓe wonɓe lettugal e gorgal e to Amorinkooɓe e Hittiyankooɓe e Perisinkooɓe e Yebusinkooɓe wonɓe dow waamnde, e Hiwinkooɓe wonɓe ley waamnde Hermon nder leydi Mispa.


Caggal majjum, eggirɗon gooruwol Urdun, ngarɗon Yeriko. Yimɓe jooɗinooɓe toon ɓeen kaɓdi e mooɗon, kamɓe e Amorinkooɓe e Perisinkooɓe e Kanaaninkooɓe e Hittiyankooɓe e Girgasinkooɓe e Hiwinkooɓe e Yebusinkooɓe. Ɓeen fuu mi watti ɗum'en e juuɗe mon.


Inan no paamirton Laamɗo Buurɗo oon ina wondi e mooɗon. Kanko e hoore makko riiwata Kanaaninkooɓe e Hittiyankooɓe e Hiwinkooɓe e Perisinkooɓe e Girgasinkooɓe e Amorinkooɓe e Yebusinkooɓe yeeso mooɗon.


Lean sinn:

Sanasan


Sanasan