Fillitagol 4:9 - Dewtere Laamɗo Fulfulde Burkina Faso

⁹ Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 4:9 Iomraidhean Croise

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Wurtagol 10:2

Mi waɗii ɗum faa pillanoɗaa ɓiɓɓe maa e taaniraaɓe maa no torrirmi yimɓe Misira e no ngaɗirmi maandeeji am kaayniiɗi hakkunde muɓɓen. Noon paamirton miin woni Joomiraaɗo.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Banndi 1:8

Ɓiyam, jaɓu tindinoore baaba maa, taa yoppu ekintinol inna maa,

Banndi 23:26

Ɓiyam, hokkam ɓernde maa, laabi am mbela gite maa.

Banndi 3:21

Ɓiyam, joga dabare lobbere e taykagol, taa jaɓu ɗum woɗɗoo e gite maa.

Banndi 7:1

Ɓiyam, joga haalaaji am, Korsinaa jamirooje am faa wooɗa.

Luuka 8:18

Ndelle, tinnee no nanirɗon ni, sabo neɗɗo fuu jogiiɗo paamal dow laamu Laamɗo, ɓeydante. Ammaa mo walaa paamal oon, fay ko miilata ina jogii ɗuum, teetete.

Efeesunkooɓe 6:4

Onon saaraaɓe, taa ɓerninee ɓiɓɓe mon, ammaa ndartinon ɓe, tindinon ɓe, faa ɓe mawna dow laawol Joomiraaɗo.

Fillitagol 11:19

Ekintinon ɗe ɓiɓɓe mon, kaalon haala majje nde njooɗiɗon ley galleeji mon, nde njaaton e laawi, nde pukkotoɗon e nde ummotoɗon fuu.

Fillitagol 12:1

Inan kiite e sariyaaji ɗi tinnotoɗon e ɗowtanaade nyannde fuu ley leydi ndi Joomiraaɗo, Laamɗo maamiraaɓe mooɗon hokkata on faa laatoo jeyal mooɗon faa abada ndiin.

Fillitagol 16:3

Wakkati iidi oon fuu, taa nyaamon ko jillaa rabilla. Ley balɗe jeɗɗi ɗeen fuu, nyaamon buuru mo jillaaka rabilla. Buuru oon wo miccintinoowo on torra, sabo e henyaare mburtoriɗon leydi Misira. Noon ngatton faa miccitoɗon nyannde mburtinoɗon leydi Misira faa haddi balɗe mon fuu.

Fillitagol 17:19

O jogoo nde, imo jannga nde nyannde fuu haddi balɗe makko fuu faa o ekitoo kulol Joomiraaɗo, Laamɗo makko de o waɗa ko jamirooje ɗeen e sariyaaji ɗiin mbi'i fuu.

Fillitagol 31:19

Joonin kaa, mbinndaa jimol ngol. Ekintinaa ngol Israa'iila'en, ngatton ngol e kunnduɗe maɓɓe, ɓe ndursitoo ngol, ngol laatoo seedee hakkunde am e maɓɓe.

Fillitagol 32:46

Ngatton haalaaji ɗi cappanmi on hannden ɗiin fuu ley ɓerɗe mooɗon, ekintinon ɗi ɓiɓɓe mon, faa ngaɗa huunde fuu ko winndaa ley dewtere jamirooje nde.

Fillitagol 4:10

Ciwtoron nyannde ndarinoɗon yeeso Joomiraaɗo, Laamɗo mooɗon tiinde waamnde Sinayi, nde Joomiraaɗo wi'annoo kam: — Kawrondinaa jamaare Israa'iila yeeso am faa mi waɗa ɓe nana konngol am de ɓe ekitoo hulude kam haddi nguurndam maɓɓe ley duuniyaaru fuu. Ɓe ekintina ngol ɓiɓɓe maɓɓe.

Fillitagol 4:15

Ndeentoɗon sanne sabo on nji'aay alhaali fay gooto nyannde Joomiraaɗo haaldannoo e mooɗon ley yiite dow waamnde Sinayi ndeen.

Fillitagol 4:23

Ndeentee, taa njeggiton amaana mo Joomiraaɗo, Laamɗo mooɗon waddi e mooɗon de ngaɗanon ko'e mooɗon tooru gomma, natal nanndinaangal e ko Joomiraaɗo, Laamɗo mooɗon haɗi ɗuum fuu.

Fillitagol 6:12

tinnoɗon taa njeggiton Joomiraaɗo burtinɗo on leydi Misira, ley suudu maccungaaku oon.

Fillitagol 6:2

Noon waɗata faa kulon Joomiraaɗo, Laamɗo mooɗon de ndeenon sariyaaji e jamirooje ɗe ekintinanmi on ɗeen haddi nguurndam mon fuu, onon e ɓiɓɓe mon e taaniraaɓe mon faa balɗe mooɗon njuuta.

Fillitagol 6:20

Si ley ko warata ɓiɓɓe mooɗon ƴamowii on mbi'i: — Ɗume kiite e jamirooje e sariyaaji ɗi Joomiraaɗo, Laamɗo meeɗen hokki on ɗiin njiɗi wi'ude?

Fillitagol 6:7

Njannginaa ɗe ɓiɓɓe maaɗa, kaalaa haala majje nde njooɗiɗaa ley ɓaade maaɗa, nde njahataa e laawol, nde pukkotoɗaa e nde ummotoɗaa fuu.

Fillitagol 8:11

Kakkilon, taa njeggiton Joomiraaɗo, Laamɗo mooɗon de kunngoɗon ɗowtanaade jamirooje e kiite e sariyaaji muuɗum fodde no ekintiniranmi on hannden noon.

Fillitagol 8:14

kakkilon taa mawninkinoɗon de njeggiton Joomiraaɗo, Laamɗo mooɗon, burtinɗo on leydi Misira, ley suudu maccungaaku oon.

Ibraninkooɓe 2:1

Ndelle, eɗen kaani wattude hakkillooji meeɗen sanne e ko nanɗen ɗuum, taa mbosoɗen goonga.

Ibraninkooɓe 2:3

Si wo hono nii, noy ndaɗirten enen si en njeebake kisindam mawɗam hono ɗam? Kisindam ɗam, Joomiraaɗo artii haalude haala majjam, de hettindantooɓe mo ɓeen laamni haala makko.

Yaakuuba 2:22

A yi'ii goonɗinal Ibrahiima e golle muuɗum fuu ina hawri. Wooɗi du, golle makko hiɓɓini goonɗinal makko.

Yoosuwa 1:18

Neɗɗo fuu luttuɗo jamirooje maa, mo ɗowtanaaki ko njamirɗaa ɗum fu, wo bareteeɗo. Ammaa aan kaa, semmbin hoore maa, cemmbinɗinaa ɓernde maa du.

Yoosuwa 23:11

Saabe majjum kakkilee, njiɗee Joomiraaɗo, Laamɗo mon.

Yoosuwa 4:21

O wi'i yimɓe Israa'iila: — Nyannde fuu ɓiɓɓe mooɗon ƴami on maanaa kaaƴe ɗe,

Holleede 3:3

Ndelle, miccita no keɓirɗaa e no nanirɗaa Kabaaru Lobbo oon. Tuubu, de ngolliraa ɗum. Si a hakkilaay, mi wardan hono no gujjo ni, de a anndataa wakkati mo ngarammi maɓɓude ma.

Ardiiɓe 3:7

Wooɗi, Israa'iilankooɓe ngaɗi ko boni yeeso Joomiraaɗo. Ɓe njeggiti Joomiraaɗo, Laamɗo maɓɓe, ɓe cujidani tooruuji bi'eteeɗi Ba'al e tooruuji dewi bi'eteeɗi Asera.

Ardiiɓe 8:34

Ɓe njeggiti Joomiraaɗo, Laamɗo maɓɓe, kisinɗo ɓe e wayɓe maɓɓe e yimɓe fiiliiɓe ɓe, na torra ɓe ɓeen.