Fillitagol 4:10 - Dewtere Laamɗo Fulfulde Burkina Faso

¹⁰ Ciwtoron nyannde ndarinoɗon yeeso Joomiraaɗo, Laamɗo mooɗon tiinde waamnde Sinayi, nde Joomiraaɗo wi'annoo kam: — Kawrondinaa jamaare Israa'iila yeeso am faa mi waɗa ɓe nana konngol am de ɓe ekitoo hulude kam haddi nguurndam maɓɓe ley duuniyaaru fuu. Ɓe ekintina ngol ɓiɓɓe maɓɓe.

Fillitagol 4:10 Iomraidhean Croise

Wurtagol 19:9

Ndeen Joomiraaɗo wi'i Muusaa: — Mi waran to maa ley ruulde tekkunde faa yimɓe nana miɗo haalda e maaɗa heɓa ɓe koole faa abada. Muusaa haalani Joomiraaɗo ko yimɓe ɓeen mbi'i.

Fillitagol 17:19

O jogoo nde, imo jannga nde nyannde fuu haddi balɗe makko fuu faa o ekitoo kulol Joomiraaɗo, Laamɗo makko de o waɗa ko jamirooje ɗeen e sariyaaji ɗiin mbi'i fuu.

Fillitagol 5:2

Joomiraaɗo, Laamɗo meeɗen waɗidii e meeɗen amaana nde ngonnoɗen waamnde Sinayi.

Wurtagol 20:20

Muusaa wi'i yimɓe ɓeen: — Taa kulee sabo Laamɗo ina ndaartinoo on faa kulol mum wona ley ɓerɗe mooɗon, taa ngaɗon hakke.

Wurtagol 20:18

Yimɓe fuu nani pelnyaali e fuufaango luwal, ɓe nji'i maƴƴe e waamnde suurtoore. Nde ɓe nji'unoo ɗum fu, ɓe keddii iɓe ndiwna kulol, ɓe keedii to toowti, iɓe ndarii.

Wurtagol 19:16

Nyannde tataɓerde ndeen, gilla fajiri, pelnyaali e maƴƴe e ruulde tekkunde ngaɗi dow waamnde ndeen. Fuufaango luwal semmbiɗingo du nanaa. Yimɓe wonɓe ley hoɗorde ndeen fuu keddii na ndiwna kulol.

Tindinoowo 12:13

Jonkaa ɗum fuu ɗum nanaama, inan timmoode haala ka: Kulaa Laamɗo de kaybaa jamirooje muuɗum, sabo ɗuum woni fuu ko neɗɗo haani waɗude.

Holleede 19:5

Daande ƴuuri to jooɗorgal toon, ina wi'a: — Njettee Laamɗo meeɗen, onon maccuɓe muuɗum fuu, onon hulooɓe ɗum, tedduɓe e lo'uɓe!

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

Luuka 1:50

Yurmeende muuɗum ina woni dow hulooɓe ɗum jamaanu dow jamaanu.

1 Samuwiila 12:24

Ndelle kulee Joomiraaɗo tan, ɗowtanee ɗum ley laaɓal e ɓerɗe mon fuu, de miiloɗon kulle mawɗe ɗe o waɗani on.

Fillitagol 14:23

Njaaron ɗum yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Wo toon nyaamoton jakka alkama e inaboojam kesam e nebbam e ko laatii awru daabaaji mon mawɗi e pamari. Noon ekitortoɗon hulude Joomiraaɗo, Laamɗo mooɗon oon haddi nguurndam mon fuu.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Wurtagol 19:1

Nyannde go'o lewru tataɓuru caggal wurtagol Israa'iila'en leydi Misira, ɓe njottii ladde Sinayi yoornde.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 11:19

Ekintinon ɗe ɓiɓɓe mon, kaalon haala majje nde njooɗiɗon ley galleeji mon, nde njaaton e laawi, nde pukkotoɗon e nde ummotoɗon fuu.

Fillitagol 12:1

Inan kiite e sariyaaji ɗi tinnotoɗon e ɗowtanaade nyannde fuu ley leydi ndi Joomiraaɗo, Laamɗo maamiraaɓe mooɗon hokkata on faa laatoo jeyal mooɗon faa abada ndiin.

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Wurtagol 19:11

Ndeen ɓe cegiloo faa wooɗa sabo nyalaande tataɓerde miin Joomiraaɗo, mi jippoto dow waamnde Sinayi yeeso Israa'iila'en fuu.

Fillitagol 6:2

Noon waɗata faa kulon Joomiraaɗo, Laamɗo mooɗon de ndeenon sariyaaji e jamirooje ɗe ekintinanmi on ɗeen haddi nguurndam mon fuu, onon e ɓiɓɓe mon e taaniraaɓe mon faa balɗe mooɗon njuuta.

Fillitagol 6:7

Njannginaa ɗe ɓiɓɓe maaɗa, kaalaa haala majje nde njooɗiɗaa ley ɓaade maaɗa, nde njahataa e laawol, nde pukkotoɗaa e nde ummotoɗaa fuu.