Fillitagol 20:3 - Dewtere Laamɗo Fulfulde Burkina Faso

³ wi'a ɓe: — Kettindee, onon yimɓe Israa'iila. Hannden on kawran e wayɓe mon ley wolde. Taa ɓerɗe mon ndiwna. Taa kulon ɓe, taa nesi mon taƴa yeeso maɓɓe.

Fillitagol 20:3 Iomraidhean Croise

Ibraninkooɓe 13:6

Saabe majjum, eɗen mbaawi haalude ɗum ɗo dow hoolaare: «Joomiraaɗo woni balloowo kam, mi hulataa. Ɗume neɗɗo waawata waɗude kam?»

Holleede 2:10

Taa hulu torra ɓadiiɗo hewtude ma. Ndaar, Ibiliisa ɓadake faɗɗude woɓɓe maaɗa ley kasu faa filoo jarribaade ma. A torrete balɗe sappo. Laatoɗaa koolniiɗo faa e maayde, de mi hokke nguurndam nduumiiɗam laatane kufune jaalorgal.

Yoosuwa 23:10

Neɗɗo mooɗon gooto tan ina waawi riiwude wayɓe ujunere, sabo Joomiraaɗo, Laamɗo mon ina honida e mooɗon, hono no o aadoraninoo on noon.

1 Timote 6:12

Ndurwaa ley durwo nafoowo, ndaraniingo goonɗinal ngoon. Tiigoɗaa nguurndam nduumiiɗam ɗam noddiraɗaa. Wo saabe majjam du ceedaniɗaa Almasiihu no wooɗiri yeeso yimɓe heewɓe.

Matta 10:28

Taa kulee warooɓe ɓanndu, de mbaawanaa yonkiiji. Wo Laamɗo kaanɗon hulude. Kam woni baawɗo halkude ɓanndu e yonki fuu ley jahannama.

Matta 10:31

Ndelle, taa kulee, sabo onon le, oɗon ɓuri pooli keewɗi teddude.

1 Tesaloniyankooɓe 5:15

Tinnoɗon taa fay gooto yomnitoo ko boni dow ko boni. Wakkati fuu piloɗon waɗundurde ko wooɗi, ngaɗanon yimɓe fuu hono noon.

Golle Nelaaɓe 27:24

Maleyka oon wi'i kam: «Pool, taa hulu, tilay a daroto yeeso kaananke Roma mawɗo oon. Laamɗo reenete, aan e yaadiraaɓe maa ɓeen fuu.»

Marka 16:18

ɓe nanngiran bolle e juuɗe maɓɓe. Fay si ɓe njari poson, fay huunde waɗataa ɓe. Ɓe njowan juuɗe maɓɓe e nyawɓe de cella.

Marka 16:6

O wi'i ɓe: — Taa kulee! Oɗon piloo Iisaa Nasaraatuujo tontanooɗo oon. O iirtake, o walaa ɗo. Inan nokku ɗo o wattanoo ɗoon.

Matta 10:16

— Kettindee! Miɗo nula on hono wo on baali hakkunde pobbi ni. Ndelle, ƴoƴiron hono bolle, wooɗi newroɗon hono buugaali du.

Matta 8:26

O jaabii ɓe, o wi'i: — Ko waɗi de kulɗon? Onon famɗuɓe hoolaare! Wakkati oon, o ummii, o sappani henndu e bempeƴƴe maayo ɗeen e semmbe. Ɗum fuu ɗum deƴƴinii siw!

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 20:2

Wakkati cegiliɗon faa puɗɗon wolde ndeen, almaami ɓattoo haalda e sordaasiiɓe ɓeen,

Ayuuba 23:16

Laamɗo waɗii ɓernde am taƴii, Jom Baawɗe hulɓinii kam.

Wurtagol 14:13

Muusaa jaabii yimɓe ɓeen, wi'i: — Taa kulee. Ndaree wooɗa, on nji'an no Joomiraaɗo hisinirta on hannden. Sabo Misirankooɓe ɓe nji'oton hannden ɓe, on nji'ataa ɓe katin faa abada.

Limle 14:9

Ammaa taa muurtanee Joomiraaɗo. Taa kulee yimɓe leydi ndiin sabo en njaaɓan ɓe. Ndeenaagu maɓɓe dilli yoppii ɓe, ammaa enen le, Joomiraaɗo na wondi e meeɗen. Taa kulee ɓe.

Fillitagol 1:21

Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

1 Samuwiila 17:32

Daawda wi'i Sawulu: — Taa fay gooto nesim taƴana Filistiyankeejo oon. Miin maccuɗo maaɗa mi yahan mi haɓowa e makko.