Yosuwa 1:8 - Fulfulde DC Bible

⁸ Tokka jaŋngugo deftere tawreeta nde'e tum, numtu nde jemma bee nyalawma fuu, ngam haa a ɗowtano ko winnda nder maare. Nden kam nufayeeje ma kiɓɓoto, a heɓan hayru.

Fulfulde Bible

⁸ Tokka jaŋngugo deftere tawreeta nde'e tum, numtu nde jemma bee nyalawma fuu, ngam haa a ɗowtano ko winnda nder maare. Nden kam nufayeeje ma kiɓɓoto, a heɓan hayru.

Yosuwa 1:8 Iomraidhean Croise

Laataanooji 24:63

O wurti asiriire woɗnde waancoyaago nder gese. O ɓaŋgti gite, o yi'i geelooɗi ɗon ngara.

2 Habaruuji Nyalaaɗe 26:5

Saa'i Zekariya, ekkitinɗo mo hulugo Allah ɗonno geeto tawon, Uzziya ɗakkotiri bee Allah Jawmiraawo. Ngam maajum Allah hokki mo hayru.

Jabuura 119:11

Mi ɗon jogi wolde ma nder ɓernde am, ngam taa mi waɗa hakke dow maaɗa.

Jabuura 119:15

Mi numtan sarɗiiji ma, mi hakkilanan laabi ma.

Jabuura 119:97

Mi yiɗi tawreeta ma masin, mi ɗon nyalla numtugo ka.

Jabuura 119:99

Mi heɓi hakkiilo ko ɓuri ekkitinooɓe yam fuu, ngam mi ɗon numta seedamkuuji ma.

Jabuura 19:14

Aynu jaggiiɗo ma diga mawnitaare, taa nde laamano yam. Nden kam mi laatoto timmuɗo, mi marataa aybewol maŋngol.

Jabuura 40:10

Mi wooynan adilaaku ma nder mooɓtorde mawnde, yaa Jawmiraawo, an, a anndi mi accataa wooynugo ɗum.

Balndi 3:1

Ɓiŋngel am, taa yejjitit ekkitinol am, ɓernde ma jogo umrooje am.

Esaaya 59:21

Ndaa alkawal am bee maɓɓe: Mi waɗi Ruuhu am dow mooɗon, mi nastini bolle am nder kunnduɗe mooɗon. Mi ittataa ɗe diga kunnduɗe mon e diga kunnduɗe ɓikkoy mon e diga kunnduɗe taaniraaɓe mon, diga jonta haa foroy.” Non Jawmiraawo wi'i.

Matta 12:35

Neɗɗo booɗɗo ɗon wurtina kuuje booɗɗe nder siga mum mbooɗka, neɗɗo kalluɗo boo ɗon wurtina kuuje kalluɗe nder siga mum kalluka.

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Matta 7:21

“Annde, naa wi'anɓe yam: Jawmiraawo, Jawmiraawo fuu nastata laamu asamanji, sey waɗanɓe muuyo Baabiraawo am mo asama.

Matta 7:24

“Ngam maajum koo moy nani bolle ɗe'e, ɗowtani ɗe, nanndi bee goɗɗo marɗo hakkiilo, mahɗo suudu mum dow tapaare.

Luka 11:28

Ammaa kaŋko o wi'i: “Barka laatanto nananɓe wolde Allah, ɗowtantooɓe nde!”

Yuhanna 13:17

To on anndi ɗum, barka laatanto on to on mbaɗi ɗum.

Yuhanna 14:21

Mo jogi umrooje am, ɗowtani ɗe, kaŋko woni giɗɗo yam. Baabiraawo yiɗan giɗɗo yam, min boo mi yiɗan mo, mi waŋginanan mo hoore am.”

Efesu'en 4:29

Taa mbolwe bolle naawɗe, sey nafooje, mawninooje, kaanduɗe, haa on mo'ana nananɓe on.

Tooktaaki Tawreeta 29:8

Kakkilane bolle alkawal nga'al, ɗowtane ɗe, ngam keɓon hayru nder kuuɗe mon fuu.

Tooktaaki Tawreeta 29:9

Hannde on fuu on ɗon ndari yeeso Jawmiraawo, Allah mooɗon, hoore'en e ardiiɓe e ndotti'en e winndooɓe e worɓe Isra'iila fuu

Tooktaaki Tawreeta 30:14

Ngam nde ɗon ɓadi on masin, nder kunnduɗe mon e ɓerɗe mon nde woni ngam on ɗowtano nde!

Tooktaaki Tawreeta 31:11

Njaŋngane ka Isra'iila'en fuu mooɓtotooɓe ngam ɓe cujidana Jawmiraawo, Allah mooɗon haa nokkuure nde o suɓata, ɓe nana ka.

Tooktaaki Tawreeta 31:24

Nde Muusa timmini winndugo bolle tawreeta go fuu nder deftere,

Tooktaaki Tawreeta 5:1

Muusa mooɓti Isra'iila'en fuu, wi'i ɓe: “Onon Isra'iila'en, nane farillaaji e kiitaaji fuu ɗi umranmi on hannde! Ekkite ɗi, kakkilane ɗi, ɗowtane ɗi.

Tooktaaki Tawreeta 5:29

Mi yiɗi ɓerɗe maɓɓe tabita bana non, ɓe kulammi foroy, ɓe ɗowtano umrooje am fuu, ngam ɓe keɓa hayru kamɓe e ɓikkoy maɓɓe haa foroy.

Tooktaaki Tawreeta 5:32

“Ngam maajum kakkile, ɗowtane ko Jawmiraawo, Allah mooɗon umri on fuu. Taa cele laawol umrooje maako, koo haa nyaamo koo haa nano.

Kolossi'en 3:16

Acce wolde Almasiihu jooɗo nder ɓerɗe mooɗon bee risku maare fuu. Ngaajindire bee hikma fuu, ndeentindire. Ngimane Allah bee yettoore nder ɓerɗe mon. Ngimane mo maŋgtooje e gime ɗe Ruuhu maako hokkata.

Yosuwa 1:7

Sey a semmbiɗa, a laato cuusɗo masin, a ɗowtano tawreeta ka Muusa jaggiiɗo am umri ma fuu. Taa sel laawol maaka, koo haa nyaamo koo haa nano, ngam keɓa hayru koo toy njahata fuu.

Yosuwa 8:34

Ɓaawoɗon Yosuwa jaŋngi bolle tawreeta fuu, barka e naaloore, bana ko winnda haa deftere tawreeta.

Wahayu Yuhanna 22:14

Barka laatanto lootɓe ngapaleeji muuɗum'en. Kamɓe ɓe keɓan jarfu nyaamugo ɓiɓɓe lekki ngeendam, ɓe nastiran berniwol gal dammuɗe.