Yosuwa 1:4 - Fulfulde DC Bible

⁴ Diga ladde e Libanon ɗo yahugo fuunaaŋge haa yotto maayo maŋngo wi'eteeŋgo Efratis, waato lesdi Heti'en fuu, yahugo hiirnaaŋge boo haa yotto mbeela, ɗum fuu ɗum laato maral mooɗon.

Fulfulde Bible

⁴ Diga ladde e Libanon ɗo yahugo fuunaaŋge haa yotto maayo maŋngo wi'eteeŋgo Efratis, waato lesdi Heti'en fuu, yahugo hiirnaaŋge boo haa yotto mbeela, ɗum fuu ɗum laato maral mooɗon.

Yosuwa 1:4 Iomraidhean Croise

1 Laamiiɓe 10:29

Haa Misra, ɓe coodoyi mootaaji pucci, ngoota fuu baakin ceede cardi teemeɗɗe joweego (600), pucci boo, ngootu fuu ceede cardi teemerre e cappanɗe jowi (150). Ɓe coodani boo laamiiɓe Heti'en fuu e laamiiɓe Siriya boo.

1 Habaruuji Nyalaaɗe 18:3

Nden o jaali boo Hadad'ezer, laamiiɗo Soba, haa Hamat. Laamiiɗo oo yahno semmbiɗingo laamu maako haa maayo Efratis.

1 Habaruuji Nyalaaɗe 5:9

Heedi fuunaaŋge o jooɗi haa yotti nastirde ladde gaa'e maayo Efratis, ngam yimɓe maako marno tokke ɗuuɗɗe nder lesdi Gile'at.

Esira 4:20

Laamiiɓe marɓe baawɗe laami haa Urusaliima naane, mari lesdi hiirnaaŋge maayo Efratis fuu. Ɓe njaɓi jomorli dow yimɓe e kuuje coggu e jahaale.

Gurtaaki 23:31

Mi waɗan keerol lesdi mon diga maayo Maaliya haa maayo Filisti'en, diga ladde haa maayo Efratis. Mi hokkan on jooɗiiɓe ton, on ndiiwa ɓe yeeso mooɗon.

Tooktaaki Tawreeta 1:7

Umme, lorte dow laawol mon. Njehe haa lesdi kooseeje Amoori'en e haa heeddiɗɗiraaɓe maɓɓe fuu, haa Araba dow kooseeje e haa lesdi leesndi e haa Lesdi Fombina e haa sera mbeela, lesdi Kanaani'en e Libanon haa on njotto maayo maŋngo ngo Efratis.

Tooktaaki Tawreeta 11:24

Lesdi ndi kosɗe mooɗon njaaɓata fuu, on maran ndi, diga ladde fombina haa yotto hooseere Libanon haa woyla, diga maayo Efratis haa fuunaaŋge haa yotto Mbeela haa hiirnaaŋge.

Tooktaaki Tawreeta 3:25

Accu mi eero maayo Urdun, mi yi'a lesdi mboondi gaɗa maayo e lesdi kooseeje booɗɗe e kooseeje Libanon.

Wahayu Yuhanna 9:14

Sawtu go wolwani malaa'ikaajo njoweegoojo jogiiɗo luwal, wi'i: “Fiistu malaa'ika'en nayo haɓɓaaɓe haa Efratis, maayo maŋngo!”