Yeremiya 8:2 - Fulfulde DC Bible

² Ɓe mbaŋginan ɗe les naaŋge e lewru e koode asama. Kanjum, ɓe ngiɗno ɗum masin, ɓe ndewi ɗum, ɓe tokki ɗum, ɓe ɗakkotiri bee maajum, ɓe cujidani ɗum. I'e maɓɓe meetataa mooɓteego koo uweego, ammaa ɗe laatoto bana koonal dow lesdi.

Fulfulde Bible

² Ɓe mbaŋginan ɗe les naaŋge e lewru e koode asama. Kanjum, ɓe ngiɗno ɗum masin, ɓe ndewi ɗum, ɓe tokki ɗum, ɓe ɗakkotiri bee maajum, ɓe cujidani ɗum. I'e maɓɓe meetataa mooɓteego koo uweego, ammaa ɗe laatoto bana koonal dow lesdi.

Yeremiya 8:2 Iomraidhean Croise

2 Laamiiɓe 17:16

Ɓe acci umrooje Allah Jawmiraawo maɓɓe fuu, ɓe mbaɗani ko'e maɓɓe suuraaji ɓolinaaɗi, nga'oy ɗiɗoy, ɓe mbaɗi suura Asera, ɓe cujidi yeeso jama'aare konu asama fuu, ɓe ndewi Ba'al.

2 Laamiiɓe 21:3

O nyiɓti nokkuuje towɗe ɗe baaba maako Hezekiya yibbinno go. O mahani Ba'al kirsirɗe, o waɗi suura Asera, bana Akab laamiiɗo Isra'iila waɗno ɗum. O sujidani tagle asama fuu, o rewi ɗe.

2 Laamiiɓe 21:5

O nyiɓani tagle asama fuu kirsirɗe haa dalde ɗiɗi nder haykaliiru Jawmiraawo.

2 Laamiiɓe 23:5

O nattini liman'en labbi, ɓe laamiiɓe Yahuuda njo'inno ngam wulugo uurle haa nokkuuje towɗe nder berniiji Yahuuda e taarde Urusaliima. E boo, o nattini wulooɓe uurle ngam Ba'al e naaŋge e lewru e burjuuji e jama'aare konu asama fuu.

Jabuura 53:5

“Waɗooɓe zunuuba ɓe'e fuu, ngalaa hakkiilo na? Ɓe ɗon nyaama ummaatoore am bana nyaamugo nyaamdu, ammaa ɓe ewnataa innde Allah.”

Jabuura 83:10

Waɗ ɓe ko mbaɗnoɗa Mediyan'en e Sisera e Yabin haa maayel Kison.

Jabuura 83:11

Kamɓe ɓe kalki haa En-Door, ɓalli maɓɓe nyoli, laati koonal.

Gaazoowo 6:3

Malla goɗɗo danyi ɓiɓɓe teemerre, yeeɗi duuɓi ɗuuɗɗi, koo to o heɓi juutal balɗe, ammaa o heƴnitoraaki hayru maako, o heɓaay uweeki booɗki boo. Nden kam mi ɗon wi'a: Ɓiŋngel dufaaŋgel ɓuran mo hayru,

Yeremiya 14:16

Yimɓe nanɓe annabaaku maɓɓe, kamɓe boo ɓe maayran bee konu e weelo, ɓe ngudinan ɓalli maɓɓe haa laabi Urusaliima, walaa uwanɗo ɓe. Non ɗum laatanto ɓe fuu, rewɓe maɓɓe e ɓikkoy maɓɓe ngorkoy e ndehoy. Mi lornan halleende maɓɓe dow ko'e maɓɓe.

Yeremiya 16:11

Nden yeccu ɓe: Jawmiraawo wi'i: Kaakiraaɓe mooɗon acci yam, tokki ɗowanteeɓe woɗɓe, njaggani ɓe, cujidani ɓe. Ammaa min, ɓe acci yam, ɓe ɗowtanaaki tawreeta am.

Yeremiya 16:4

Ɓe maayran nyawuji kalluɗi, walaa boyanɗo ɓe koo uwanɗo ɓe. Ɓe mbaaloto haa lesdi bana koonal. Ɓe kalkan bee kaafahi malla bee weelo, ɓalli maɓɓe laatoto nyaamdu colli e kuuje ladde.”

Yeremiya 16:6

Mawɓe e leesɓe nder lesdi ndi'i maayan, ammaa walaa mo uwata ɓe, walaa mo woyata ɓe. Walaa mo ƴarata ɓanndu mum malla mo laɓata hoore mum ngam maɓɓe.

Yeremiya 19:13

“Cuuɗi Urusaliima e cuuɗi laamiiɓe Yahuuda waato soorooji haa ɓe ngulani jama'aare asama fuu uurle dow muuɗum, haa ɓe ndufi dokke dufeteeɗe ngam ɗowanteeɓe jananɓe – ɗi fuu ɗi coɓan bana Tofet.”

Yeremiya 22:19

O heɓan uwol bana ngol wamnde. Ɓe ndasan ɓanndu maako yaasi dammuɗe Urusaliima, ɓe ngudina mo ton!”

Yeremiya 25:33

Nyalaade man mbaraaɓe Jawmiraawo mbaaloto dow lesdi, diga keerol duniyaaru ngo'ol haa ngola. Walaa mo woyata ɓe koo mooɓtata ɓe koo uwata ɓe. Ɓalli maɓɓe mbaaloto bana koonal haa lesdi.”

Yeremiya 31:40

Waadiwol nyawmanɗe e ndoondi e babe fuu haa yotto maayel Kederon, haa yotto Dammugal Pucci haa fuunaaŋge, ɗum fuu ɗum laatoto cenaaɗum ngam Jawmiraawo, ɗum meetataa yibbineego koo halkeego haa foroy.”

Yeremiya 36:30

Ngam maajum, ndaa nii Jawmiraawo wi'i dow Yooyakim, laamiiɗo Yahuuda: Walaa koo gooto mo danygol maako heɓata jooɗaago dow leeso laamu Daawuda. Ɓanndu maako, yimɓe ngudinan ndu yaasi, ndu waalo haa nguli naaŋge e jaaŋgol jemma.

Yeremiya 9:20

Ngam waade nasti gal burɗe cuuɗi men e laamorɗe men. Nde wifti ɓikkoy e laabi, suka'en boo e luuɓe.

Yeremiya 9:21

Ɓalli maayɓe mbaaloto haa ngesa bana koonal, bana ƴommbe ɓaawo codoowo, walaa mooɓtanɗo ɗe. Kanjum Jawmiraawo anndini yam.”

Yeremiya 9:22

Ndaa nii Jawmiraawo wi'i: “Hikmaajo, taa mantoro hikma mum. Cemmbiɗɗo, taa mantoro semmbe mum. Diskuɗo boo, taa mantoro risku mum!

Ezekiyel 29:5

Mi wudinte bee liɗɗi man fuu nder ladde. Ɓanndu ma yanan dow lesdi, walaa uwanɗo ma. Mi laatinte nyaamdu colli e kuuje ladde.

Ezekiyel 39:5

On njanan haa yaasi. Min Allah Jawmiraawo wi'i ɗum.

Ezekiyel 6:5

Mi wallinan ɓalli maayɓe mon yeeso labbi mon, mi saŋkitan i'e mon baŋnge kirsirɗe mon.

Ezekiyel 8:16

Nden o yahri yam haa daldal haykaliiru Jawmiraawo nderwal. Ton, baŋnge nastirde haykaliiru, hakkunde daŋki e hirsirde, worɓe baakin noogas e njowo ndokki ɓaawe haa haykaliiru Jawmiraawo, geese maɓɓe tiiti fuunaaŋge, ɓe ɗon cujidana naaŋge.

Sefaniya 1:17

Jawmiraawo wi'i: “Mi hulnan yimɓe haa ɓe njaha bana wumɓe, ngam ɓe mbaɗi hakke dow am. Ƴiiƴam maɓɓe waanjete koo toy bana mbulwuldi, teteki maɓɓe boo bana mbuuwri.”

Sefaniya 1:5

Mi halkan wa'otooɓe dow soorowol ngam sujidango jayli asamanji e sujidanooɓe hunortooɓe ndego bee innde Jawmiraawo e ndego boo bee innde lawru Milkom.

Kuuɗe Nelaaɓe 7:42

Ammaa Allah ɗoyli ɓe, acci ɓe ɓe cujidana koode asama, bana ko winnda nder deftere annabi'en: Onon Isra'iila'en! Nde on lii'i kirseteeɗi e dokke duuɓi cappanɗe nayi nder ladde, min on lii'ani na?

Tooktaaki Tawreeta 17:3

sujidani ɗowanteeɓe woɗɓe malla naaŋge malla lewru malla koode, luuti umroore Jawmiraawo.

Tooktaaki Tawreeta 4:19

To on tijjake asama, on ngi'i naaŋge e lewru e koode, taa ɗum esta on sujidango ɗi, njaggano ɗi. Jawmiraawo, Allah mooɗon yeɗani ɗi ummaatooje goɗɗe fuu, ɗe cujidana ɗi.