Mika 6:8 - Fulfulde DC Bible

⁸ An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Fulfulde Bible

⁸ An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Mika 6:8 Iomraidhean Croise

Balndi 21:3

Waɗugo adilaaku e pottuɗum ɓuri fottango Jawmiraawo dow kirseteeɗi.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

Yeremiya 22:3

Ndaa nii o wi'i: Mbaɗe kiita ngooŋɗuka e adilaaku. Kisne jaɓtaaɗo nder juŋngo toonyoowo. Taa ɓille hoɗɓe e atiime'en e rewɓe yurumɓe, taa toonye ɓe! Acce mbarugo yimɓe ɓe ngalaa aybe haa nokkuure nde'e!

Hose'a 6:6

Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.

Esaaya 66:2

Kuuje ɗe'e fuu, juŋngo am waɗi ɗe, nden ɗe fuu ɗe laati. Non Jawmiraawo wi'i. Ndaa ɓe'e ndaaranmi: Yaŋkiniiɓe e ta'a-ɓerɗe'en, diwnanɓe ngam wolde am.

1 Piyer 3:8

Dow ko mi wolwi fuu, mi ɗon wi'a fahin: Sey on fuu on mara numo wooto, njurmindire, ngiɗindire bana deerɗiraaɓe, enɗindire, laate yaŋkiniiɓe.

Luka 6:36

Laate enɗooɓe bana Baabiraawo mooɗon o enɗuɗo.”

Luka 11:42

Ammaa bone laatano on, onon Farisa'en! Ngam on ɗon itta zakka haako minti e haako jarne e haakooji nyaameteeɗi fuu e on ɗon ngeeba adilaaku e yiide Allah. Kanji ɗi kaandi jogeego, ammaa taa on ngejjita luttuɗi boo.

Amos 5:24

Ko ngiɗmi kam, haa kiita ngooŋɗuka ɓula bana ndiyam, gooŋgaaku boo bana maayel ngel jinnataa.

Matta 5:7

Barka laatanto enɗooɓe, ngam Allah enɗan ɓe.

Efesu'en 4:32

Mboonindire, enɗootire, njaafotire bana Allah yaaforani on nder Almasiihu.

Laataanooji 18:19

Mi suɓi mo ngam o umra ɓikkoy maako e saare maako ɓe kakkilana laawol am, ɓe mbaɗa pottuɗum e adiliijum ɓaawo maako, ngam mi hebbinana mo ko mi iinani mo.”

Gaazoowo 12:13

Ndaa timmoode ko wi'a fuu: Hul Allah, ɗowtana umrooje mum. Ɗum waajibi dow yimɓe fuu,

Hose'a 12:6

Kaŋko woni Jawmiraawo Allah honooɓe asama, bee innde nde yimɓe ewnorto mo.

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Matta 5:3

“Barka laatanto annduɓe ko'e muuɗum'en ɓe talaka'en fodde Ruuhu, ngam kamɓe njeyi laamu asamanji.

Sefaniya 2:3

Ɗakkotire bee Jawmiraawo, onon leesɓe nder lesdi, waɗanɓe muuyo maako! Ɗaɓɓite adilaaku! Ɗaɓɓite yaŋkinaare! Teema on kisan nyalaade nde tikkere Jawmiraawo waŋgata.

Jabuura 37:26

Koo ndey fuu o mo'anan yimɓe, o hokkan nyamaale, ɓikkoy maako keɓan barka.

Nehemiya 9:13

A jippi dow hooseere Sina, a wolwani ɓe diga asama. A hokki ɓe kiitaaji darnuɗi e sarɗiiji gooŋɗuɗi e farillaaji e umrooje booɗɗe.

Jabuura 112:4

Koo nder nyiɓre boo, annoora ɗon yaynana gooŋga'en, laatiiɓe enɗooɓe e hinnotooɓe e adili'en.

Gimi Boyki 3:26

Booɗɗum to goɗɗo sirwake, reeni kisndam Jawmiraawo.

Jabuura 112:9

O ɗon wallita laafuɓe bee caahaaki, adilaaku maako ɗon tabiti haa foroy, o heɓan baawɗe e tedduŋgal.

Jabuura 73:28

Ammaa min kam, ɓaditaago Allah wooɗani yam, mi hooli Allah Jawmiraawo, kaŋko woni hisrude am. Mi anndinan yimɓe kuuɗe ma fuu.

2 Habaruuji Nyalaaɗe 34:27

Ɗum meemi ɓernde ma, a leestini hoore ma yeeso am nde nanɗa bolle am dow Urusaliima e jooɗiiɓe ton. A seeki limce ma, a woyi yeeso am, min boo, mi jaɓi tornde ma, non Jawmiraawo wi'i.

Yaakuba 2:20

Paataaɗo! A yiɗi holleego nuɗɗinki bilaa kuuɗe nafataa sam na?

Roma'en 7:16

Nde mi ɗon waɗa ko mi yiɗaa, nden kam mi gooŋɗini tawreeta ka mbooɗka.

2 Habaruuji Nyalaaɗe 32:26

Nden Hezekiya e yimɓe Urusaliima leestini ko'e muuɗum'en. Ngam maajum Jawmiraawo ukkanaay ɓe tikkere mum, saa'i Hezekiya o geeto.

1 Samuyila 12:23

Min boo, taa mi waɗa aybe dow Jawmiraawo, mi acca do'anaago on. Koo yeeso boo mi anndinan on ko foti, ko wooɗi.

Roma'en 9:20

Kayya! An a moy haa a waabotira bee Allah? Kadi tagdi wi'an tagɗo ɗum: “Koni mbaɗɗa mi bana nii?”

Luka 10:42

Huunde woore tan wonete haandunde. Mariyama suɓi geɗal booɗŋgal, ngal hoosataake haa maako.”

Ezekiyel 16:63

ngam haa a siftora ko saali, a semta. A meetataa maɓɓititgo hunnduko ma ngam daliila toskaare ma. Ngam saa'i man njaafotoomi kuuɗe ma fuu.” Non Allah Jawmiraawo wi'i.

2 Habaruuji Nyalaaɗe 33:23

O leestinaay hoore maako yeeso Jawmiraawo bana baaba maako leestiniri nde. Amon ɗuɗɗini aybeeji mum.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

Laataanooji 5:22

Anuhu yahdi bee Allah duuɓi teemeɗɗe tati (300), ɓaawo o danyi Matusala. O danyi ɓiɓɓe worɓe e rewɓe.

Farillaaji Lewi'en 26:41

Daliila man mi honi ɓe, mi dahi ɓe nder lesɗe konne'en maɓɓe. Nden ɓe annditan sooynde ɗowtaare maɓɓe, ɓe leestinan ko'e maɓɓe, ɓe njaɓan kiita dow aybe maɓɓe.

2 Habaruuji Nyalaaɗe 33:19

Tornde laamiiɗo e jaawaabu Allah e haala hakkeeji mum e no o yewri umroore Allah e nokkuuje towɗe ɗe o nyiɓi e suuraaji Asera e labbi ɗi o waɗi hiddeko o leestina hoore maako, ɗum winndaama nder Habaruuji Hosay.

1 Korintu'en 7:16

An debbo, a waawan hisnugo gorko ma fakat na? Malla an gorko, a waawan hisnugo debbo ma fakat na?

2 Habaruuji Nyalaaɗe 30:11

Sey woɗɓe nder le'i Aser e Manassa e Zabulon tan leestini ko'e muuɗum'en, ngari haa Urusaliima.

Luka 12:14

Yeesu wi'i mo: “Hey an! Moy waɗi yam kiitoowo dow mooɗon malla cenndoowo jawdi mon?”

Tooktaaki Tawreeta 30:15

Ndaa, mi ɗon holla on hannde ngeendam e hayru, non boo maayde e sarru haa yeeso mooɗon.

Esaaya 56:1

Ndaa nii Jawmiraawo wi'i: “Kakkilane kiita ngooŋɗuka, mbaɗe kuuɗe adiliije. Ngam kisndam am ɓadake yottaago, adilaaku am ɓadake waŋgugo.

Ezekiyel 33:14

Non boo to mi wi'i kalluɗo: Fakat a maayan, ammaa kaŋko boo o acci waɗugo kalluɗum, o fuɗɗi waɗugo gooŋgaaku e adilaaku,

Mika 6:9

Jawmiraawo ɗon wolwana berniwol – Kulanɗo mo, o kakkilɗo: “Nane koŋngol elto e anndinɗo ngol!

Zekariya 7:9

Ndaa nii Jawmiraawo honooɓe asama wi'i: “Mbaɗe kiita ngooŋɗuka, mboonindire, enɗindire hakkunde mooɗon.

Tooktaaki Tawreeta 27:10

Nanane Jawmiraawo, Allah mooɗon, ɗowtane umrooje maako e kiitaaji maako ɗi umranmi on hannde.”

Yosuwa 24:14

Jonta, kule Jawmiraawo, njaggane mo bee gooŋgaaku timmuŋgu, bilaa feloore. Cottine labbi ɗi baabiraaɓe mon ndewi gaɗa maayo Efratis e haa Misra. Njaggane Jawmiraawo feere mum.

Jabuura 101:1

Yimre Daawuda. Mi yiman haala mbooɗeeŋga e kiita ngooŋɗuka, mi yiman ɗum ngam maaɗa, yaa Jawmiraawo.

Yeremiya 9:23

To goɗɗo yiɗi mantaago, sey o manto ngam o woodi hikma, o anndi yam boo. Ngam min Jawmiraawo mi ɗon waɗa haa duniyaaru fodde mbooɗeeŋga e kiita ndarnuka e adilaaku. Kanjum mi yerdoto.” Non Jawmiraawo wi'i.

Yeremiya 22:16

O jiŋngi laafuɗo e talakaajo, koo ɗume fuu yehi booɗɗum. Kanjum woni anndugo yam, non Jawmiraawo wi'i.