Mika 4:4 - Fulfulde DC Bible

⁴ Koo moy jooɗoto les inabohi muuɗum e ibbi muuɗum, walaa mo ɓillata ɗum. Ɗum koŋngol Jawmiraawo honooɓe asama.

Fulfulde Bible

⁴ Koo moy jooɗoto les inabohi muuɗum e ibbi muuɗum, walaa mo ɓillata ɗum. Ɗum koŋngol Jawmiraawo honooɓe asama.

Mika 4:4 Iomraidhean Croise

1 Laamiiɓe 5:5

Wakkati laamu Suleymaanu fuu, yimɓe Yahuuda e Isra'iila njooɗi jam nder lesɗe maɓɓe fuu. Koo moy mari inabooje e ibbi muuɗum, diga Dan haa yotti Beersaba.

Ayuba 11:19

Walaa ɓillanɗo ma to a ɗon siwto, yimɓe ɗuuɗɓe boo ɗaɓɓitan yerduye ma.

Jabuura 72:3

Sey kooseeje ngaddana ummaatooje salaaman, towndiije boo ngaddana ɗe adilaaku.

Balndi 3:25

Kultoreeŋgol juhataa ma, ko halkata halluɓe ukkantaako ma.

Esaaya 1:20

Ammaa to on calake, on tuurti, nden kam kaafahi nyaaman on.” Min Jawmiraawo wi'i ɗum.

Esaaya 17:2

Berniiji Aro'er perwan haa foroy, ɗi laatoto durduɗe dabbaaji. Tokke mbaaloto ton, walaa kulnanɗo ɗe.

Esaaya 22:25

Jawmiraawo honooɓe asama wi'i: “Saa'i man suufuure ɗisiinde haa nokkuure saatunde ɗistoto, yanan. Doŋngal ɓilaaŋgal dow maare nattan.” Jawmiraawo wi'i ɗum.

Esaaya 26:16

Yaa Jawmiraawo, nde yimɓe ma ɗon nder ɓillaare, ɓe ɗakkotiri bee ma. Nde elto ma heɓi ɓe, ɓe ɗuɗɗini do'aaje.

Esaaya 32:17

Adilaaku waddan salaaman e de'ere e hoolaare ngam foroy.

Esaaya 36:16

Taa nanane Hezekiya, ngam laamiiɗo Assuura wi'i: Culhotire bee am, ngarte haa am. Nden koo moy mooɗon nyaaman inabooje muuɗum e ibbi muuɗum, koo moy yaran ndiyam ɓulndu muuɗum,

Esaaya 40:5

Tedduŋgal Jawmiraawo waŋgan, yimɓe fuu ngi'an ɗum, ngam hunnduko Jawmiraawo wi'i ɗum.”

Esaaya 54:14

A tabitan bee adilaaku. A daayoto ɓillaare, a hulataa fahin. A daayoto kultoreeŋgol boo, ngol ɓaditittaako ma.

Esaaya 58:14

nden kam ɓerɗe mon keɓan welwelo haa am. Mi daaynan on cakle duniyaaru fuu. Mi laatinan on jaaliiɓe, on caaloto dow kooseeje lesdi. Mi nyaamnan on nder maral ngal ndokkumi kaaka mon Yaakubu. Min Jawmiraawo wi'i ɗum.”

Yeremiya 23:4

Mi darnan ardiiɓe dow maɓɓe ngam hakkilango ɓe, ngam taa ɓe meeta hulugo koo hultorgo koo majjugo.” Non Jawmiraawo wi'i.

Yeremiya 30:10

Onon yimɓe danygol suka am Yaakubu, taa kule! Onon yimɓe Isra'iila, taa kultore! Ndaa mi hisnan on e lesdi ndaayiindi ndi daheeki, ndi laatiiɗon haɓɓaaɓe e muuɗum. Danygol Yaakubu wartan, jooɗoto bee jam e de'ere, walaa kulnanɗo ɓe.”

Ezekiyel 34:25

Mi haɓɓan alkawal salaaman bee maɓɓe. Mi nattinan dabbaaji kalluɗi diga lesdi, haa baali am nguura nder ladde, ɗi mbaalo nder layɗe bee jam.

Ezekiyel 34:28

Ummaatooje goɗɗe meetataa jaɓtugo ɓe, kuuje ladde kalluɗe meetataa nyaamugo ɓe. Ɓe njooɗoto jam, walaa kulnanɗo ɓe.

Ezekiyel 38:11

A waɗan anniya nastugo lesdi ndi walaa faddoode, a ukkano yimɓe hoolɗiniiɓe, jooɗiiɓe nder gure ɗe ngalaa mahi taariiɗi ɗe, walaa dammuɗe bee palduɗe boo.

Ezekiyel 39:26

Nden kam, ɓe ngejjitan yawaare maɓɓe e kuuɗe ɗe ɓe kuuwi ngam yewugo umrooje am. Ɓe njooɗoto nder lesdi maɓɓe bee jam, walaa kulnanɗo ɓe.

Farillaaji Lewi'en 26:6

Mi hokkan on salaaman nder lesdi mon. On mbaaloto jam, walaa kulnanɗo on. Mi nattinan dabbaaji mbarooji nder lesdi, konu meetataa laataago nder lesdi mon.

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Sefaniya 3:13

Luttuɓe Isra'iila mbaɗataa kalluɗum, ɓe mbolwataa fewre, walaa bolle cargooje nder kunnduɗe maɓɓe. Bana tokkere ɓe ndurata, ɓe mbaaloto, walaa kulnanɗo ɓe.”

Zekariya 3:10

Nyalaade man on ewnotirto ngam jooɗaago jam les inabooje mooɗon e les ibbe mooɗon. Non Jawmiraawo honooɓe asama wi'i.”