Mika 3:2 - Fulfulde DC Bible

² Ammaa on ɗon nganya ko wooɗi, on ngiɗi ko halli. On ɗon itta laral e kusel dow i'e yimɓe ummaatoore am.

Fulfulde Bible

² Ammaa on ɗon nganya ko wooɗi, on ngiɗi ko halli. On ɗon itta laral e kusel dow i'e yimɓe ummaatoore am.

Mika 3:2 Iomraidhean Croise

1 Laamiiɓe 21:20

Akab wi'i Eliya: “A heɓti yam na, an konneejo am?” O jaabi: “Mi heɓti ma, ngam a waɗi anniya huuwugo kalluɗum yeeso Jawmiraawo.”

2 Habaruuji Nyalaaɗe 19:2

Yeehu ɓii Hanani gi'oowo yehi, fotti bee maako, wi'i mo: “Haanino a walla kalluɗo, a yiɗa wanyɓe Jawmiraawo na? Ngam man tikkere Jawmiraawo wari dow hoore ma.

Jabuura 15:4

O yawoto mo Allah wudini, ammaa o teddinan hulɓe Jawmiraawo. O hebbinan kunayeeje maako, koo to ɗum waɗan mo asar.

Jabuura 53:4

Ammaa ɓe fuu ɓe celi laawol gooŋga, ɓe mbonnake. Walaa baɗanɗo ko wooɗi, walaa koo gooto!

Balndi 28:4

Accuɓe tawreeta maŋgtan halluɓe, ammaa ɗowtantooɓe tawreeta konan ɓe.

Esaaya 3:15

Koni njaaɓoton ummaatoore am? Koni namoton geese talaka'en?” Nii Jawmiraawo Allah, honooɓe asama wi'i.

Esaaya 5:20

Bone laatanto wi'ooɓe kalluɗum ɗum booɗɗum e booɗɗum boo ɗum kalluɗum, sannjooɓe nyiɓre bee jayŋgol nden jayŋgol boo bee nyiɓre, wartirooɓe kaaɗɗum belɗum e belɗum boo kaaɗɗum.

Esaaya 57:12

Ammaa mi waŋginan adilaaku mon e kuuɗe mon. On naftortaako ɗum sam.

Ezekiyel 11:7

Ngam maajum min Allah Jawmiraawo mbi'anmi bana ni'i: Yimɓe ɓe mbarɗon nder berniwol, kamɓe ngoni kusel, berniwol boo woni fayannde. Ammaa onon, mi wurtinan on diga maagol.

Ezekiyel 22:27

Mawɓe caka maɓɓe nanndi bee caafaali ceekanɗi ko ɗi paɗɗi. Ɓe ɗon mbara yimɓe ngam ɓe keɓa riba kalluka.

Ezekiyel 24:4

Wallin ta'e kusel ɓurɗe wooɗugo fuu nder maare, waato kosɗe e balbe, hebbin nde i'e booɗɗe.

Ezekiyel 34:3

On ɗon nyaama ɓellere maare, on ɗon ɓorno limce kuuwraaɗe bee gaasa maare, on ɗon kirsa dabbaaji payɗi, ammaa on ndurataa tokkere.

Amos 4:1

Nane wolde nde'e, onon rewɓe fayɓe bana na'i Baasan, wonɓe dow hooseere Samariya: On ɗon toonya laafuɓe, on ɗon torra talaka'en, on ɗon mbi'a worɓe mooɗon: “Ngadde njaram, min njara!”

Amos 5:15

Nganye halleende, ngiɗe mbooɗeeŋga, mbaɗe kiita ngooŋɗuka haa hiitordu. Teema Jawmiraawo, Allah honooɓe asama hinnoto luttuɓe Yusufu.

Mika 2:8

Jawmiraawo wi'i: “Onon on laatakeno konne'en ummaatoore am. To yimɓe ɗon ngarta konu, ɗon koota jam, on njaɓti ɓe alkibbaaje maɓɓe.

Mika 7:2

Hoolaaɓe ngalaa nder lesdi, walaa gooŋɗuɓe caka yimɓe. Ɓe fuu ɓe ɗon mbaalto ngam rufugo ƴiiƴam, koo moy maɓɓe ɗon looho deerɗum bee tuuforgol.

Mika 7:3

Juuɗe maɓɓe anndi waɗugo kalluɗum masin. Ardiiɓe e hiitooɓe ɗon ƴama dokke, mawɓe ɗon mbaŋgina suuno muuɗum'en.

Sefaniya 3:3

Saraaki'en caka maagol ɓe barooɗe ngurɓotooɗe, hiitooɓe maagol boo caafaali jaɓtanɗi saa'i kiikiiɗe, ɓe luttataa koo i'al gootal haa fajiri.

Luka 19:14

Ammaa yimɓe lesdi maako nganyi mo, ɓe neli nelaaɓe ɓaawo maako ngam ɓe mbi'a: Min ngiɗaa gorko oo laamano min.

Yuhanna 18:40

Ammaa ɓe ngooki fahin, ɓe mbi'i: “Aa'a, naa kaŋko a yoofata, min ngiɗi a yoofana min Barabbas!” Barabbas man o pasoowo.

Yuhanna 7:7

Duniyaaru waawataa wanyugo on, ammaa ndu wanyatam min, ngam mi ɗon seedano ndu no kuuɗe maaru ɗe kalluɗe.

Roma'en 1:32

Ɓe anndi fakat tawreeta Allah hiiti waɗanɓe irin kuuɗe ɗe'e kiita mbareego. Bee man fuu ɓe ɗon tokko waɗgo ɗe. Ko tulliti boo, ɓe ɗon ngerdo waɗanɓe ɗe fuu.

Roma'en 12:9

Yiide mon laato laaɓnde, nde walaa faasikaare. Nganye halleende koo ndeye, taa acce waɗgo mbooɗeeŋga.

2 Timote 3:3

ɓe marataa yiide, ɓe marataa enɗam, ɓe mbolwan kalluka dow woɗɓe, ɓe marataa naŋgtaare, ɓe saatuɓe, ɓe nganyan mbooɗeeŋga,