Luka 8:13 - Fulfulde DC Bible

¹³ Woɗɓe boo nanndi bee pellel kaa'e, ɗum nananɓe wolde, ɓe njaɓa nde bee seyo. Ammaa nde walaa ɗaɗi nder maɓɓe, ɓe nuɗɗina ngam wakkati seɗɗa. To jarribeeki wari, ɓe njoofa.

Fulfulde Bible

¹³ Woɗɓe boo nanndi bee pellel kaa'e, ɗum nananɓe wolde, ɓe njaɓa nde bee seyo. Ammaa nde walaa ɗaɗi nder maɓɓe, ɓe nuɗɗina ngam wakkati seɗɗa. To jarribeeki wari, ɓe njoofa.

Luka 8:13 Iomraidhean Croise

Ayuba 19:28

On ɗon mbi'a: “Ngam ɗume taasneten mo? Sey en keɓa daliila wullaago mo.”

Balndi 12:12

Suuno kalluɗo ɗum taasnugo kuuje kalluɗe, ammaa tiinaare adili'en waɗan nafuuda.

Balndi 12:3

Neɗɗo tabitittaa bee halleende, ammaa adiliijo dimmbataako sam.

Esaaya 58:2

Ɓe ɗon ƴama muuyo am nde weeti fuu, ɓe ɗon ɗaɓɓa anndugo laabi am. Ɓe ɗon bana ummaatoore waɗannde koo ɗume fodde adilaaku, nde accaay gooŋga Allah maare boo. Ɓe ɗon ƴamammi kiitaaji gooŋɗuɗi, ɓe ngiɗi mi ɓadito ɓe.”

Ezekiyel 33:32

A laatani ɓe bana bammbaaɗo malla piyoowo moolooru. Ɓe nanan bolle ma fuu, ammaa ɓe tokkataako koo woore maaje.

Hose'a 6:4

Jawmiraawo wi'i: “An Efrayim, ɗume mi waɗante? An Yahuuda, ko mbaɗanmi ngam ma? Mbooɗeeŋga mooɗon ɗon nanndi bee ruulde fajiri, bana saawawre fajiri sottannde law.

Markus 6:20

ngam Hirudus huli Yuhanna, ngam o anndi o gooŋgaajo, o cenaaɗo. O ayni mo booɗɗum. Ammaa nde o nani mo fuu, o wemmboto masin, bee non fuu, o yiɗi nanugo haala maako.

Luka 8:12

Woɗɓe feere nanndi bee sera laawol haa aawdi soli. Ɗum nananɓe, nden Iblisa wara wifta bolle man nder ɓerɗe maɓɓe, ngam taa ɓe nuɗɗina, ɓe kisa.

Luka 8:14

Aawdi colndi caka gi'e boo, nanndi bee nananɓe wolde. Ammaa ɓe acca laruuraaji, yiɗugo risku e belɗum duniyaaru ɓiɗɗa wolde go, nde waɗataa nafuuda.

Yuhanna 15:2

Lisal koo ngale haa am ngal rimataa ɓiɓɓe, o ta'an ngal. Ammaa lisal dimanŋgal ɓiɓɓe, o mo'inan ngal haa ngal ɓesda rimugo ɓiɓɓe fahin.

Yuhanna 15:6

To goɗɗo tabitaay nder kawtal bee am, o wudinteeɗo yaasi bana lisal ta'aaŋgal, ngal yooran, nden ɓe koocan ngal ɓe ngudina ngal nder yiite, ngal wula.

Yuhanna 5:35

Yuhanna laatino bana pittirla kuɓɓaaŋga, ɗonno yayna, on ceyori annoora maako wakkati seɗɗa.

1 Korintu'en 13:2

To mi woodi dokkal waɗugo annabaaku malla to mi faami sirriiji Allah fuu, to mi anndi koo ɗume fuu, to mi woodi nuɗɗinki haa mi waawi sottingo kooseeje boo, ammaa to mi walaa yiide, nden kam mi huunde meere.

1 Korintu'en 15:2

Linjiila ka'a hisnan on to on njogitake ka bana ngaazirmi on ka. To naa non nuɗɗinki mooɗon laati meere.

Galaatiya'en 3:1

Kayto! Galaatiya'en faataaɓe, moy hiili on? Naa min anndini on habaru Yeesu Almasiihu gaafaaɗo?

Galaatiya'en 3:4

Torraaji ɗi njarɗon, ɗum fuu ɗum meere na? Fakat, ɗum laatataako meere!

Efesu'en 3:17

haa Almasiihu jooɗo nder ɓerɗe mon daliila nuɗɗinki mon, on tabita dow yiide, on cemmbiɗa nder maare,

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 2:7

Tabite nder maako bana no lekki darorto nder lesdi bee ɗaɗi maaki, ndarne yoŋkiiji mooɗon dow maako, cemmbiɗine nuɗɗinki mon fodde ekkitinol ngol keɓɗon, ngette Allah bee gettooje ɗuuɗɗe.

1 Tessaloniiki'en 3:5

Ngam maajum nde mi waawaay mi tokko munyugo, mi neli Timote haa mooɗon, haa o heɓa kubar nuɗɗinki mooɗon. Mi hultorno teema jarriboowo heɓi do'ugo on, nden kuugal amin laatakeno meere.

1 Timote 1:19

a joga nuɗɗinki ma e numo ɓernde ma laaɓŋgo. Numo ngo'o, woɗɓe ngudini ngo, nuɗɗinki maɓɓe waati.

Ibraniŋke'en 10:39

Enen kam, en laataaki nder loriiɓe ɓaawo halkanɓe. Ammaa en ɗon nder nuɗɗinɓe ngam hisugo.

Yaakuba 2:26

Bana no goɗɗo bilaa yoŋki laatake maayɗo, non nuɗɗinki bilaa kuuɗe boo ki baatki.

2 Piyer 2:20

To yimɓe ngurtake coɓe duniyaaru ngam ɓe anndi Jawmiraawo e Kisnoowo meeɗen Yeesu Almasiihu, nden ɓe ndokki ɗe laawol fahin, ɗe njaali ɓe, joonde maɓɓe jontaare halli ɓuri nde naane.

2 Piyer 2:22

Ko waɗi ɓe, gooŋɗini balndol ngo'ol: “Rawaandu lorake haa tuure mum” malla: “Gaduuru yiiwaandu lorake, talliti nder loope.”

1 Yuhanna 2:19

Caka meeɗen yimɓe ɓe'e ngurti, ammaa ɓe laataakino ɓe meeɗen. Ngam to ɓe laatino ɓe meeɗen bee gooŋga, ɓe tokkotono jooɗodaago bee meeɗen. Ammaa ɓe acci en ngam haa ɗum waŋga laaɓɗum no fuu maɓɓe ɓe laataakino ɓe meeɗen.

Yahuuda 1:12

Saa'i on ɗon nyaamda, ɓe ɗon njiiɓa kawtal mooɗon, ɓe cemtataa sam, ɓe ɗon kebbina deeɗi maɓɓe tan. Ɓe nanndi bee duule ɗe henndu soggata meere, ɗe ngalaa iyeende. Ɓe nanndi bee leɗɗe ɗe ndimataa koo to saa'i rimugo yottake. Ɓe nanndi bee leɗɗe ɗoofaaɗe, baatɗe.