Luka 24:44 - Fulfulde DC Bible

⁴⁴ Nden o wi'i: “Ɗum ko mbi'no mi on yaake mi ɗonno bee mooɗon tawon: Doole ko winnda dow am nder tawreeta Muusa e defte annabi'en e Jabuura fuu hebbitine.”

Fulfulde Bible

⁴⁴ Nden o wi'i: “Ɗum ko mbi'no mi on yaake mi ɗonno bee mooɗon tawon: Doole ko winnda dow am nder tawreeta Muusa e defte annabi'en e Jabuura fuu hebbitine.”

Luka 24:44 Iomraidhean Croise

Laataanooji 14:18

Malkisadaka, laamiiɗo Salaama waddi tamseere e inaboojam. O limanjo Allah Ɓaŋiiɗo.

Laataanooji 22:18

Daliila danygol ma mi barkiɗinan ummaatooje duniyaaru fuu, ngam a ɗowtani koŋngol am.”

Laataanooji 3:15

Mi waɗan konnaagu hakkunde maaɗa e debbo, hakkunde danygol maaɗa e danygol maako. Goɗɗo danygol maako namete hoore, an boo a ŋatan mo teppere.”

Laataanooji 49:10

Sawru laamu daayataako Yahuuda. Ndu wonoto tum caka danygol maako. O maran baawɗe haa yotto mo sawru man laatanto ɗum wara, mo ummaatooje ɗowtanto ɗum.

Jabuura 118:22

Hayre nde mahooɓe ngudini, laati hayre talkumoore ɓurnde saman.

Esaaya 28:16

Ngam maajum Allah Jawmiraawo wi'i: “Ndaa, mi ɗon wallina caɓɓawal dow Siyona. Nder maagal mi ɗon jo'ina hayre tabitinaande, hayre talkumoore, marnde saman, jo'inaande booɗɗum: Kooliiɗo nde fuu tabitan!

Esaaya 52:13

Jawmiraawo wi'i: “Suka am heɓan hayru. O heɓan maŋngu, o ɓaŋgoto ɓaŋgiiɗum masin.

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 23:5

Jawmiraawo wi'i: “Saa'i ɗon wara haa mi suɓa goɗɗo mo danygol Daawuda bi'eteeɗo Fuɗŋgo, o adiliijo. O laatoto laamiiɗo, o laamoto bee faamu, o tabitinan kiita ngooŋɗuka e adilaaku nder lesdi.

Yeremiya 33:14

Jawmiraawo wi'i: “Saa'i ɗon wara haa mi hiɓɓina iinaaji ɗi mi iinani yimɓe Isra'iila e Yahuuda.

Ezekiyel 17:22

Ndaa nii Allah Jawmiraawo wi'i: “Min boo mi hoo'an lisel keccel ɓurŋgel towugo haa lekki cemmbiɗki, mi yewan ngel, mi jubo ngel dow hooseere townde,

Ezekiyel 34:23

Mi darnanan ɗi gaynaako gooto duranɗo ɗi, jaggiiɗo am Daawuda, kaŋko o laatoto gaynaako maaji kakkilananɗo ɗi.

Daniyel 2:44

Saa'i laamiiɓe ɓe'e, Allah mo asama darnan laamu feere ngu halkataa haa foroy. Walaa ummaatoore woɗnde hoosata laamu man. Ngu nattinan laamuuji goɗɗi fuu, ammaa kaŋgu ngu duumoto.

Daniyel 7:13

Jemma man ndaa boo ko ngi'mi nder wahayuuji am: Goɗɗo bana ɓii neɗɗo wardi bee duule. O yehi haa geeto diga ɓooyma go, woɗɓe njahri mo yeeso maako.

Hose'a 3:5

Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Amos 9:11

“Nyalaade man nyiɓtotoomi suudu Daawuda yibbunoondu. Mi sukka ceekli maaru, mi ummitina bille maaru. Mi nyiɓtoto ndu bana ndu wa'no.

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Zekariya 13:7

Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Zekariya 14:4

Nyalaade man kosɗe maako ndaroto dow Hooseere Jaytunje, kommbi Urusaliima, gal fuunaaŋge. Hooseere Jaytunje seekan caka cak, waadiwol maŋngol masin waŋgan gal fuunaaŋge dilla hiirnaaŋge. Reeta hooseere daayoto gal woyla, reeta feere boo gal fombina.

Zekariya 6:12

Nden wi' mo: Ndaa nii Jawmiraawo honooɓe asama wi'i: Woodi goɗɗo mo innde muuɗum Fuɗŋgo haa ɗo. O fuɗan haa nokkuure nde o daroto, o nyiɓan haykaliiru Jawmiraawo.

Zekariya 9:9

An berniwol Siyona, yimu bee seyo! An Urusaliima, welwelta! Ndaa, laamiiɗo maaɗa ɗon wara haa ma. O adiliijo, o jaaliiɗo. O jaŋkiniiɗo, ba'iiɗo wamnde, waato wamnde molde.

Limle 21:8

Jawmiraawo wi'i mo: “Sey a waɗa mboodi njamndi mboɗeeri, a ɓila ndi dow leggal haa koo moy ŋataaɗo laara ndi, hisa maayugo.”

Limle 35:25

Sey jama'aare hisna mbarɗo, taa juŋngo baatoowo heɓa mo. Jama'aare lortina mo haa wuro hisrude ngo o dogguno e mum. O jooɗo ton, haa hooreejo liman'en gujaaɗo nebbam ceniiɗam maaya.

Matta 1:22

Ɗum fuu ɗum laati ngam hiɓɓingo ko Jawmiraawo wi'no bee hunnduko annabiijo:

Matta 16:21

Diga saa'i man Yeesu fuɗɗi faamtingo pukara'en muuɗum, o wi'i: “Doole mi yaha Urusaliima, mi yara bone ɗuuɗɗum diga ndotti'en e mawɓe liman'en e moodiɓɓe tawreeta, ɓe mbarammi, ammaa mi ummito diga maayde nyalaade tataɓre.”

Matta 26:54

Ammaa to non kam, noy ko winnda nder Defte Ceniiɗe gooŋɗirta? Ngam ɗe mbi'i sey ɗum laato bana nii.”

Matta 26:56

Ammaa ɗum fuu ɗum waɗi ngam haa ko winnda nder defte annabi'en ngooŋɗa.” Nden pukara'en fuu acci mo, ndoggi.

Markus 9:31

Ngam o ɗon anndina pukara'en maako, o wi'i ɓe: “Ɓe ndokkan Ɓii-neɗɗo haa juuɗe yimɓe. Kamɓe ɓe mbaran mo, ammaa ɓaawo nyalɗe tati o ummititto.”

Luka 21:22

Ngam ɗum laatoto nyalɗe baatol ngam hiɓɓingo ko winnda fuu.

Luka 22:37

Ngam mi ɗon wi'a on, sey binndaaɗum dow am gooŋɗa: O limaama caka halluɓe. Ngam ko waajibi dow am ɗon laato.”

Luka 24:46

o wi'i ɓe: “Bana nii ɗum winnda: Almasiihu torroto, o ummititto diga maayde nyalaade tataɓre,

Luka 9:22

O ɓesdi wi'ugo: “Haani Ɓii-neɗɗo yara bone ɗuuɗɗum, ndotti'en e mawɓe liman'en e moodiɓɓe tawreeta ngudina mo. Ɓe mbaran mo, ammaa nyalaade tataɓre ɓaawoɗon, o ummititto.”

Luka 9:44

“Keɗite booɗɗum ko mbi'anmi on jonta: Ɓe ndokkan Ɓii-neɗɗo haa juuɗe yimɓe.”

Yuhanna 3:14

Bana no Muusa ɓiliri mboodi njamndi mboɗeeri dow leggal nder ladde, bana non boo sey Ɓii-neɗɗo ɓile,

Yuhanna 5:39

On ɗon njaŋnga Defte Ceniiɗe, ngam on ɗon tammo heɓugo ngeendam nduumiiɗam nder maaje. Defte Ceniiɗe man ɗon ceedano yam.

Yuhanna 5:46

Ngam to on nuɗɗinno Muusa, on nuɗɗintam min boo, ngam dow am o winndi.

Kuuɗe Nelaaɓe 13:33

o hebbitinani en ɗum fuu, enen ɓiɓɓe maɓɓe, nde o ummitini Yeesu, bana ko winnda haa Yimre Jabuura ɗiɗawre: An woni Ɓiɗɗo am, hannde mi danyi ma.

Kuuɗe Nelaaɓe 13:40

Kadi, kakkile, taa ko annabi'en mbi'no heɓa on:

Kuuɗe Nelaaɓe 2:27

Ngam an, yaa Allah, a wudintaa yoŋki am haa joonde maayɓe, a accataa ceniiɗo maaɗa nyola.

Kuuɗe Nelaaɓe 3:18

Diga ɓooyma bee kunnduɗe annabi'en fuu, Allah anndini no Almasiihu muuɗum torroto. Bana nii o gooŋɗiniri ko o wi'no.

Kuuɗe Nelaaɓe 7:37

Muusa wi'i Isra'iila'en: Allah umminanan on annabiijo bana am caka deerɗiraaɓe mooɗon.

Ibraniŋke'en 10:1

Tawreeta laati ɗowdi kuuje booɗɗe tammiiɗe wargo, ɗum misaalu maaje tan. Ka hollataa ko laaɓi nder timmuɗum. Hitaande fuu ɓe tokki lii'anaago Allah kirseteeɗi. Kadi bee kirseteeɗi bana ɗi'i, noy tawreeta waawri timmidingo waddanɓe ɗi haa Allah?

Ibraniŋke'en 3:5

Muusa kam, o jaggiiɗo Allah, o laati koolaaɗo nder saare Allah fuu. O seedi haala kuuje ɗe Allah tammino wolwugo dow maajum.

Ibraniŋke'en 7:1

Malkisadaka oo, o ɗonno laamiiɗo Saliima, o limanjo Allah Ɓaŋiiɗo. Ibrahiima ɗonno warta diga konu haa o mbarino laamiiɓe go. Malkisadaka yehi fotti bee maako, barkiɗini mo.

Ibraniŋke'en 9:8

Ndaa ko Ruuhu Ceniiɗo anndinta bee kuuje ɗe'e: Yaake suudu aranndu nder laymaaru ɗon dari tawon, laawol nastugo suudu ɗiɗawru nder laymaaru maɓɓitaaki tawon.

Wahayu Yuhanna 19:10

Mi hofi yeeso maako haa mi sujidana mo, ammaa o wi'i yam: “Taa waɗ ɗum! Min mi maccuɗo Allah bana maaɗa e bana deerɗiraaɓe ma heɓɓe seedamku Yeesu. Sujidan Allah!” Ngam seedamku ngu Yeesu seedi, ɗum Ruuhu baɗanɗo annabaaku.