Luka 10:15 - Fulfulde DC Bible

¹⁵ An Kafarnahum, a ɗon tammo Allah ɓaŋgtete haa yotto asama na? Kayya! A leestinteeɗo haa a nasta joonde maayɓe!”

Fulfulde Bible

¹⁵ An Kafarnahum, a ɗon tammo Allah ɓaŋgtete haa yotto asama na? Kayya! A leestinteeɗo haa a nasta joonde maayɓe!”

Luka 10:15 Iomraidhean Croise

Laataanooji 11:4

Ɓe mbi'i: “Ndillen! Nyiɓen berniwol e suudu towndu, haa hoore suudu ndu'u yotto asama, ngam haa mbaɗanen ko'e meeɗen innde, taa en caŋkito nder duniyaaru fuu.”

Esaaya 5:14

Ngam man joonde maayɓe maɓɓititto masin, nde maɓɓitan hunnduko jaasɗum. Tedduɓe Urusaliima e mooɓre berniwol fuu nastan nde bee hoolo seyo nder juulde maɓɓe.

Yeremiya 51:53

Koo to Baabila eeŋgi haa yotto asama, ngol nyiɓi cuuɗi cemmbiɗɗi towɗi, min kam mi nelan yimɓe ngam nattingo ngol.” Non Jawmiraawo wi'i.

Ezekiyel 26:20

Mi diirtinte haa diirtuɓe nder ngaska lugguka, haa yimɓe yeeɗunooɓe ɓooyma ngoni. Mi hokkete joonde hawtaade bee maayɓe caka bille duumiiɗe ton nder ngaska lugguka. A meetataa loraago haa nokkuure ma haa lesdi yeeɗɓe.

Ezekiyel 31:18

Koo leɗɗe Adnin boo mawnaay, mbooɗaay bana maaɗa. Ammaa jonta a jippoto haa joonde maayɓe kal-kal bee leɗɗe Adnin, a hawtoya bee saadooni'en mbaraaɓe bee kaafahi. Ɗum laarani Firawna e mooɓre muuɗum fuu.” Non Allah Jawmiraawo wi'i.

Ezekiyel 32:18

“Ɓii-Aadama, sey a woya yimɓe jama'aaje Misra. Hawtu ɓe bee ummaatooje cemmbiɗɗe goɗɗe, nastin ɓe joonde maayɓe, nder ngaska lugguka.

Ezekiyel 32:20

Ɓe njanan caka mbaraaɓe bee kaafahi. Kaafahi taaskake! Mbare mooɓre lesdi Misra fuu!

Ezekiyel 32:27

Ɓe keɓaay uwol tedduŋgol bana honooɓe semmbiɗɓe mbaraaɓe caka saadooni'en. Kamɓe ɓe nastino joonde maayɓe bee balmi maɓɓe fuu, kaafaaje maɓɓe les ko'e maɓɓe, bawarɗe maɓɓe boo dow ɓalli maɓɓe. Ɓe marno baawɗe hulnugo lesdi yeeɗɓe.

Obadiya 1:4

Koo to on towti bana dutal, koo to saɓɓo mooɗon ɗon caka koode, mi jippinan on diga ton.” Nii Jawmiraawo wi'i.

Matta 10:28

Taa kule yimɓe ngam koo ɓe mbaawan mbarugo ɓalli mooɗon, ɓe mbaawataa mbarugo yoŋki. Ammaa kule Allah baawɗo halkugo ɓanndu e yoŋki fuu nder yiite jahannama.

Matta 11:23

An Kafarnahum, a ɗon tammo Allah ɓaŋgtete haa yotto asama na? Kayya! O sakkinte haa joonde maayɓe. Ngam kaayeefiiji baɗaaɗi nder maaɗa, to ɗi mbaɗano nder Sodoma, wuro ngo luttanno haa wargo hannde.

Matta 4:13

O wurti Nasaratu, o yehi, o jooɗoyi haa Kafarnahum kommbi fomoonde weendu Galiili, nder lesɗe Zabulon e Neftali,

Luka 13:28

On mboyan, on kirƴindiran nyii'e haa ton, yaake on ngi'ata Ibrahiima, Isiyaaku e Yaakubu bee annabi'en fuu nder laamu Allah e onon boo on ngudinaama yaasi.

Luka 16:23

Nde o ɗon yaŋgito haa joonde maayɓe, o ɓaŋgti gite, o yi'i Ibrahiima daayiiɗum bee Laazarus haa kommbi muuɗum.

Tooktaaki Tawreeta 1:28

Toy njahten? Banndiraaɓe meeɗen nelaaɓe tampini en bee wi'ugo: Yimɓe ummaatoore nde'e ɓurdi en ɗuuɗeeŋga e semmbe. Berniiji maɓɓe mawni, mahi maaji towi haa njotti asama. Ɓe ngi'i Enaki'en, waato maapinndi'en boo.

2 Piyer 2:4

Koo malaa'ika'en waɗɓe hakke maa ndaɗaay, Allah sakkini ɓe haa yiite jahannama, ɓe maɓɓaama nder nyiɓre bee callalluuji, ɓe ɗon ndeena nyannde kiita.