Kolossi'en 3:5 - Fulfulde DC Bible

⁵ Sey on mbara kuuje duniyaaru gonɗe nder terɗe mooɗon, bana daakaareeku e coɓki e yiide kuuje cemtiniiɗe e kalluɗe e suuno, suuno ɗum rewugo lawru.

Fulfulde Bible

⁵ Sey on mbara kuuje duniyaaru gonɗe nder terɗe mooɗon, bana daakaareeku e coɓki e yiide kuuje cemtiniiɗe e kalluɗe e suuno, suuno ɗum rewugo lawru.

Kolossi'en 3:5 Iomraidhean Croise

Gurtaaki 37:22

Morle e lice e jo'inirɗum pittirlaaji fuu laati kuuwaaɗum gootum, ɗum kaŋŋeeri tappaandi laaɓndi.

Matta 15:19

Ngam haa ɓernde neɗɗo, numooji kalluɗi e mbar-hoore e njeenu e daakaareeku e nguyka e seedamkuuji pewooji e kuudi kalluɗi iwata.

Roma'en 1:26

Ngam maajum Allah yoofi ɓe haa suunooji cemtiniiɗi. Rewɓe maɓɓe cannji baaldal fodde ɗabiya, mbaɗi ko luuti ɗabiya.

Roma'en 1:29

Ɓe ɗon keewi sooynde adilaaku e halleende e suuno e nganyaandi e kaajal. Ɓe mbarooɓe ko'e, jokkirooɓe, waɗooɓe rikici e tufle.

Roma'en 6:13

Taa lii'ane hakke terɗe mon ngam haa ɗe laato kuuwtinirɗe halleende. Ammaa lii'ane Allah ko'e mooɗon ngam haa o huuwtinira terɗe mon waɗugo kuuɗe adilaaku ngam on ngurtake maayde, on nasti ngeendam.

Roma'en 6:6

En anndi fakat, ko laatiiɗen ɓooyma ɗum maaydi bee Almasiihu dow leggal gaafaaŋgal ngam haa ɓanndu hakkeeru natta, ngam taa en laato maccuɓe hakke fahin.

Roma'en 7:23

Ammaa baawɗe halleende ɗon kaɓa bee baawɗe am, min mo yerdoto tawreeta Allah nder hakkiilo am. Ɗum wartiri yam naŋngaaɗo baawɗe hakkewol gonŋgol nder terɗe am.

Roma'en 7:5

Yaake en ɗonno tokko numooji ko'e men, suunooji njaali ɓalli men, nastini en nder hakke. Tawreeta umminno suunooji man, en ngaɗi ko waddani en maayde.

Roma'en 8:13

Ngam to on tokkake suunooji mon, on maayan. Ammaa to on acci Ruuhu Allah mbara suunooji mon, nden kam on ngeeɗan,

1 Korintu'en 5:1

Ɗum ɗon nane koo toy woodi haala daakaareeku caka mooɗon. Irin daakaareeku maajum tawataake koo haa heefeerɓe maa. Ngam gooto mooɗon ɗon wonda bee debbo baaba muuɗum.

1 Korintu'en 6:11

Bana non woɗɓe mooɗon laatino naane. Ammaa jonta hakkeeji mooɗon lootaama, on cenaama, on adilinaama bee innde Jawmiraawo meeɗen Yeesu Almasiihu e Ruuhu Allah meeɗen.

1 Korintu'en 6:13

Woɗɓe ɗon mbi'a: “Nyaamdu ɗon ngam reedu, reedu boo ɗon ngam nyaamdu”. Ammaa Allah halkan ɗum ɗiɗi fuu. Ɓanndu neɗɗo laataaki ngam waɗugo daakaareeku, ndu ɗon ngam jagganaago Jawmiraawo e Jawmiraawo boo ɗon hakkila ndu.

1 Korintu'en 6:18

Ndaaye haala daakaareeku. Hakkewol goɗŋgol koo ngole ko neɗɗo waɗata, haaɗan haa yaasi ɓanndu maako. Ammaa baɗanɗo daakaareeku ɗon waɗa hakke dow ɓanndu muuɗum.

2 Korintu'en 12:21

Mi ɗon hula to mi wari kadiboo haa mooɗon, Allah am leesnammi, haa mi woya dow ɗuuɗɓe tokkotooɓe waɗugo hakke bana naane, saliiɓe accugo kuuɗe muuɗum'en cemtiniiɗe e daakaareeku.

Galaatiya'en 5:24

Koo moy laati goɗɗo Almasiihu Yeesu, tiggi ɓanndu mum bee giɗaaɗi e suunooji maaru haa gaafaaŋgal.

Efesu'en 4:19

Ɓe cemtataa, ɓe njoofi ko'e maɓɓe haa daakaareeku ngam huuwugo kuuɗe coɓɗe koo ɗeye bee suunooji maɓɓe fuu.

Kolossi'en 2:11

Nder kawtal bee maako, on keɓi juulnol ngol juŋngo goɗɗo waawataa waɗugo. Juulnol ittuŋgol baawɗe hakke nder neɗɗo, ɗum juulnol Almasiihu.

1 Tessaloniiki'en 4:3

Ngam ndaa muuyo Allah: O yiɗi on laato laaɓɓe, on ndaayo daakaareeku.

1 Tessaloniiki'en 4:5

taa acce suunooji kalluɗi laamano on bana yimɓe ɓe anndaa Allah.

1 Timote 6:10

Ngam suuno ceede woni ɗaɗol halleende fuu. Woɗɓe cuunaama ɗe, haa ɓe celi laawol nuɗɗinki, ɓe ngaddani ko'e maɓɓe torraaji naawɗi ɗuuɗɗi.

Ibraniŋke'en 12:16

Kakkile ngam taa koo moy mooɗon laato daakaareejo malla lasbinoowo bana Isuwa mo soorri daraja afaaku mum ngam o heɓa o nyaama nde woore tan.

Ibraniŋke'en 13:4

Sey yimɓe fuu camɗina teegal, te'aaɓe boo taa mbaɗa njeenu. Allah hiitoto daakaare'en e jeenooɓe.

Ibraniŋke'en 13:5

Taa cuune ceede, ammaa ceye bee ko on mari. Ngam Allah wi'i: “Mi accataa ma, mi wudintaa ma sam.”

Yaakuba 4:1

Haa toy kaɓe e jokkirli caka mooɗon iwata? Naa ɗum ɗon iwa haa suunooji mooɗon kaɓanɗi foroy nder terɗe mooɗon?

1 Piyer 2:11

Soobiraaɓe am, on laati bana hoɗɓe e jananɓe haa duniyaaru ndu'u. Ngam maajum mi ɗon waso on taa on accana suunooji ɓanndu laawol, ngam tum ɗi ɗon kona yoŋkiiji mooɗon.

Wahayu Yuhanna 21:8

Ammaa hulɓe, sooya-nuɗɗinki'en, waɗooɓe ko nyiddi, mbarooɓe ko'e, daakaare'en, waɗooɓe hiila, rewooɓe labbi e fewooɓe fuu, geɗal maɓɓe laatoto nder weendu wulanndu bee yiite e baruudu. Kanjum woni maayde ɗiɗawre.”

Wahayu Yuhanna 22:15

Ammaa soɓɓe bana dawaaɗi, waɗooɓe hiila, daakaare'en, mbarooɓe ko'e, rewooɓe labbi, yiɗɓe pewe e fewooɓe, doole ɓe njooɗo yaasi berniwol.