Ibraniŋke'en 6:19 - Fulfulde DC Bible

¹⁹ Tammunde nde'e laatani en bana tiggirgal yoŋki, nde dimmbataako, nde ɗon saalo gaɗa wiirndallo.

Fulfulde Bible

¹⁹ Tammunde nde'e laatani en bana tiggirgal yoŋki, nde dimmbataako, nde ɗon saalo gaɗa wiirndallo.

Ibraniŋke'en 6:19 Iomraidhean Croise

Jabuura 39:7

Fakat nder waancuru maako, o laati bana ɗowdi, o ɗon torro meere boo. O ɗon mooɓta jawdi, ammaa o anndaa mo nyaamata ndi.

Jabuura 42:11

Konne'en am ɗon kuɗammi. Foroy ɓe ɗon ƴamammi: “Toy Allah ma woni kadi?” Bana to ɓe ɗon ngewammi i'e.

Jabuura 42:5

Naane mi yahdi bee yimɓe haa haykaliiru Allah, mi ardi mooɓre maɓɓe mawnde, min mbaɗi juulde bee hoolo seyo e gime maŋgtooje. To mi siftori ɗum, ɓernde am naawan masin!

Jabuura 43:5

Ko nafata to mi sunake, to mi uumi bana non? Ndikka mi tammoro Jawmiraawo. Ngam mi anndi mi yettan mo fahin, ngam kaŋko woni kisnoowo yam e Allah am!

Esaaya 12:2

Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

Esaaya 28:16

Ngam maajum Allah Jawmiraawo wi'i: “Ndaa, mi ɗon wallina caɓɓawal dow Siyona. Nder maagal mi ɗon jo'ina hayre tabitinaande, hayre talkumoore, marnde saman, jo'inaande booɗɗum: Kooliiɗo nde fuu tabitan!

Farillaaji Lewi'en 16:15

Nden o hirsa njawdiri mbeewa ngam ittuki hakkeeji ummaatoore, o nastina ƴiiƴam maari nder nokkuure ɓurnde senaago gaɗa wiirndallo. O wicca ɗam dow jooɗorde ngam kefergal, non boo yeeso sundukru alkawal, bana o waaruno bee ƴiiƴam ngaari go.

Farillaaji Lewi'en 16:2

O wi'i: “Yeccu deerɗa Haruna taa o nasta nokkuure ɓurnde senaago ɓaawo wiirndallo, sey bee saa'iire fottannde tan. Ton mbaŋganmi nder ruulde haa dow jooɗorde ngam kefergal. To o ɗowtaaki, o maayan.

Zekariya 9:12

Onon haɓɓaaɓe heewɓe tammunde, ngarte haa berniwol cemmbiɗŋgol. Mi ɗon anndina on ɗum hanndeere nde'e: Mi warjoto on mbooɗeeŋga cowi ɗiɗi dow boneeji ɗi njarɗon.

Matta 27:51

Wakkati man wiirndallo nder haykaliiru seeki caka cak, diga dow haa les. Lesdi dimmbi, tapaaje ceeki,

Kuuɗe Nelaaɓe 23:6

Nde Pol anndi woɗɓe maɓɓe ɓe Saduki'en, woɗɓe boo Farisa'en, o wolwi nder dawriinde bee sawtu, o wi'i: “Deerɗiraaɓe am! Min mi Farisaajo, ɓii Farisaajo. Ɓe ngulli yam haa ɗo ngam mi woodi tammunde maayɓe ummititto diga maayde!”

Kuuɗe Nelaaɓe 27:29

Ɓe kuli taa henndu yahra koommbowal haa tapaaje, ngam maajum ɓe njippini jamɗe tiggirɗe nayi ɓaawo koommbowal. Ɓe ngeli baɓɓol waɗa law.

Kuuɗe Nelaaɓe 27:40

Ngam maajum ɓe ta'i ɓoggi jamɗe tiggirɗe, ɓe acci ɗe nder ndiyam. Nden ɓe piisti ɓoggi kaɓɓuɗi leɗɗe laanyirɗe. Nden ɓe ɓaŋgti leppol maŋngol gonŋgol yeeso koommbowal ngam haa henndu yahra ngal haa duunde.

Roma'en 4:16

Ngam maajum Allah darni iinawol ngo'ol dow nuɗɗinki, haa ɗum laato dokkal mo'ere maako. Iinawol ngo'ol ɗon ngam asŋgol Ibrahiima fuu, naa ngam marɓe tawreeta tan, ammaa ngam tokkiiɓe nuɗɗinki Ibrahiima boo. Ibrahiima o baaba meeɗen en fuu.

Roma'en 4:18

Ibrahiima nuɗɗini Allah bee tammaago huunde nde goɗɗo tammataako. Bana nii o laatori baaba ummaatooje ɗuuɗɗe fodde ko winnda: Non danygol ma laatoto.

Roma'en 5:4

munyal semmbiɗinan dartaare, dartaare boo tabitinan tammunde.

1 Korintu'en 13:13

Jonta kam, ndaa kuuje tati ɗon: nuɗɗinki e tammunde e yiide. Ammaa ko ɓuri mawnugo ɗum yiide.

1 Korintu'en 15:58

Ngam maajum, onon deerɗiraaɓe am yiɗaaɓe, laate on tabititɓe ɓe ndimmbataako. Tiine foroy nder kuugal Jawmiraawo, ngam on anndi torra mooɗon ngam Jawmiraawo laatataako meere.

Efesu'en 2:6

Allah ummitini en hawtaade bee Almasiihu, jo'ini en hawtaade bee maako haa asamanji,

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 3:1

Ngam maajum, nde nii on ummitake bee Almasiihu, ngele kuuje gonɗe haa asama, haa Almasiihu jooɗi haa nyaamo Allah.

2 Timote 2:19

Ammaa caɓɓawal cemmbiɗŋgal ngal Allah wallini, ɗon tabiti. Ndaa ko winnda dow maagal: “Jawmiraawo anndi yimɓe muuɗum.” Non boo: “Ewnotooɗo innde Jawmiraawo fuu, sey acca waɗugo halleende.”

Ibraniŋke'en 4:16

Ngam maajum en ɓadito bee hoolaare haa leeso laamu Allah haa mo'ere tawete, ngam heɓugo hinnuye e mo'ere e walliinde koo ndey nder wakkatiire haandunde.

Ibraniŋke'en 9:3

Ɓaawo wiirndallo ɗiɗaɓo, woodi yeɓre wi'eteende yeɓre ɓurnde senaago.

Ibraniŋke'en 9:7

Ammaa suudu ɗiɗawru nder laymaaru, sey hooreejo liman'en tan nastata ton, kaŋko boo hitaande fuu nde woore. O ɗon nasta bee ƴiiƴam ɗam o lii'anto Allah ngam hoore maako e ngam hakkeeji ɗi ummaatoore waɗi bilaa anniya.

1 Piyer 1:3

Ngetten Allah, Baabiraawo Jawmiraawo meeɗen Yeesu Almasiihu! O waɗani en enɗam ɗuuɗɗam, o laatini en danyaaɓe hesɓe barka ummitineeki Yeesu Almasiihu diga maayde. Ɗum hebbini ɓerɗe meeɗen bee tammunde gooŋgaare.