Ibraniŋke'en 5:9 - Fulfulde DC Bible

⁹ Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Fulfulde Bible

⁹ Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Ibraniŋke'en 5:9 Iomraidhean Croise

Jabuura 45:17

Barkaama, ɓiɓɓe ma njooɗoto dow leeso laamu kaakiraaɓe muuɗum'en, a ardinan ɓe dow lesdi fuu!

Jabuura 51:6

Dow maaɗa tan mbaɗmi aybe, mi waɗi kalluɗum yeeso ma. Ngam maajum, a adiliijo to a feli yam, a felataake to a hiitake yam.

Jabuura 51:8

Ammaa an, a ɗon seyora gooŋga nder lugguɗum ɓernde, hebbin numooji am bee hikma maaɗa.

Esaaya 45:22

“Kadi ngaylite haa am, kise, onon yimɓe haa keeri duniyaaru fuu! Ngam min woni Allah, walaa goɗɗo feere sam.

Esaaya 49:6

O wi'i: “Laataago suka am ummitinanɗo le'i Yaakubu, lortinanɗo luttuɓe Isra'iila, he'aay. Mi waɗete a annoora ummaatooje, haa kisndam am yotto keeri duniyaaru.”

Esaaya 50:10

Moy caka mooɗon ɗon hula Jawmiraawo bee nanugo sawtu suka maako? Koo moy jahanɗo nder nyiɓre, mo annoora yaynantaa ɗum, sey o hoolo innde Jawmiraawo, o tuugo dow Allah maako.

Esaaya 55:3

Keɗite! Ngare haa am. Nane! Nden on ngeeɗan. Mi haɓɓan alkawal duumiiŋgal bee mooɗon, mi mo'anan on mo'ere nde mi iinani Daawuda.

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Zekariya 6:15

Yimɓe ngaran diga daayiiɗum, ɓe nyiɓto haykaliiru Jawmiraawo. Non annditirton Jawmiraawo honooɓe asama neli yam haa mooɗon. Ɗum laatoto to on ɗowtanake wolde Jawmiraawo bee gooŋga.

Matta 17:5

Nde o ɗon wolwa tawon, ndaa ruuldere ɗelkannde wari, suddi ɓe, sawtu iwi haa ruulde man, wi'i: “Oo woni Ɓiɗɗo am giɗaaɗo, mi ɗon seyoro ɗum. Nanane mo.”

Luka 13:32

Yeesu wi'i ɓe: “Njehe, mbi'e doldolnde man, ndaa: Mi ɗon riiwa ruuhuuji coɓɗi, mi ɗon yamɗitina nyawɓe, hannde e jaŋngo, nyannde tataɓre boo ɗum timmoode kuugal am.

Yuhanna 19:30

Nde Yeesu metti lammuɗam, o wi'i: “Ɗum fuu ɗum timmidi.” Nden o turi hoore maako, o maayi.

Kuuɗe Nelaaɓe 3:15

Non on mbari jawmu ngeendam, ammaa Allah ummitini mo diga maayde. Minin boo min seedooɓe haala ka'a.

Kuuɗe Nelaaɓe 4:12

Haa maako tan keɓeten kisndam, ngam walaa goɗɗo feere haa duniyaaru sam, mo Allah hokki baawɗe haa en keɓa hisrugo bee muuɗum.”

Kuuɗe Nelaaɓe 5:32

Minin ngoni seedooɓe haala ka'a, non boo Ruuhu Ceniiɗo, mo Allah hokki ɗowtaniiɓe mo.”

Roma'en 1:5

Ngam barka maako min keɓi mo'ere, min laati nelaaɓe haa ummaatooje fuu nuɗɗina Linjiila, ɓe ɗowtano Allah, ɓe teddina innde maako.

Roma'en 10:16

Ammaa naa yimɓe fuu njaɓi Linjiila. Annabi Esaaya wi'i: “Yaa Jawmiraawo, moy nuɗɗini waazu amin?”

Roma'en 15:18

Mi walaa dartaare wolwugo haala feere, sey ko Almasiihu waɗi bee kuugal am: O waɗi yimɓe nder ummaatooje fuu ɗowtano Allah, o huuwtiniri bolle am e kuuɗe am,

Roma'en 2:8

Ammaa tuurtuɓe dow maako, salotooɓe gooŋga, tokkotooɓe halleende, o rufan tikkere maako saatunde fuu dow maɓɓe.

Roma'en 6:17

Yettoore laatano Allah! Naane on maccuɓe hakke, ammaa jonta on ɗowtani gooŋga ekkitinol ngol on nani bee ɓernde woore.

2 Korintu'en 10:5

min ɗon ngibbina ko dartanto anndal Allah nder mawnitaare mum fuu. Min ɗon njahra numooji yimɓe haa ɗi ɗowtano Almasiihu.

Filippi'en 2:12

Yiɗaaɓe am, saa'i mi ɗonno wondi bee mooɗon, on ɗowtani yam foroy. Koo jonta nde mi walaaɗon boo, ɗowtaneeɗam, mbaŋgine kisndam mon nder kulol e diwŋgol,

2 Tessaloniiki'en 1:8

O wardan bee yiite huɓɓanŋge ngam hiitaago heefeerɓe ɓe anndaa Allah e ɓe ɗowtanaaki linjiila Jawmiraawo meeɗen Yeesu.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

2 Timote 2:10

Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

Ibraniŋke'en 1:14

Ɓeye ngoni malaa'ika'en? Ɓe ruuhuuji, ɓe ɗon kuuwana Allah. Allah ɗon nela ɓe ngam haa ɓe mballa heɓanɓe kisndam.

Ibraniŋke'en 11:40

ngam o waɗi anniya hokkugo en ko ɓuri wooɗugo. Allah yiɗaa ɓe laato timmididɓe, sonaa hawtaade bee meeɗen.

Ibraniŋke'en 11:8

Bee nuɗɗinki, Ibrahiima ɗowtani Allah nde Allah ewni mo o yaha haa lesdi ndi Allah wi'no hokkanno mo, o rona. O dilli bilaa anndugo haa o yahata.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 2:10

Allah woni Jawmiraawo kuuje fuu. Bilaa maako, walaa ko daroto. Ngam maajum ɗum fottani mo o laatina Yeesu timmididɗo bee yarugo bone ngam o yahra ɓiɓɓe ɗuuɗɓe haa tedduŋgal maako. Ngam Yeesu yahrata ɓe haa kisndam.

Ibraniŋke'en 2:3

Kadi bana noy en kisrata to en ɗon ngeebi kisndam mawɗam ɗa'am? Jawmiraawo bee hoore muuɗum aarti anndingo en kisndam ɗa'am, nden nanɓe mo tabitinani en ɗam.

Ibraniŋke'en 9:12

Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

1 Piyer 1:22

Jonta nde on ceni ko'e mooɗon bee ɗowtanaago gooŋga, ngiɗe deerɗiraaɓe nder nuɗɗinki bilaa naafikaare. Ngam maajum ngiɗindire bee tiinaare e ɓerɗe laaɓɗe.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.

Yahuuda 1:21

tabite nder yiide Allah, nde on ɗon ndeena haa Jawmiraawo meeɗen Yeesu Almasiihu hinno on, hokka on ngeendam nduumiiɗam.