Ibraniŋke'en 13:5 - Fulfulde DC Bible

⁵ Taa cuune ceede, ammaa ceye bee ko on mari. Ngam Allah wi'i: “Mi accataa ma, mi wudintaa ma sam.”

Fulfulde Bible

⁵ Taa cuune ceede, ammaa ceye bee ko on mari. Ngam Allah wi'i: “Mi accataa ma, mi wudintaa ma sam.”

Ibraniŋke'en 13:5 Iomraidhean Croise

Laataanooji 28:15

Anndu, mi ɗon wondi bee ma. Mi aynete haa njahata fuu. Mi lornete nder lesdi ndi'i, ngam mi wudintaa ma, sey to mi hiɓɓini ko mbi'maami.”

Laataanooji 30:31

Laban ƴami: “Ɗume ndokkanmaami?” Yaakubu jaabi: “Taa hokkam koo ɗume! To a waɗani yam ko mi tammi ƴamugo ma, mi fuɗɗitan durugo dammooji ma, mi aynan ɗi.

Laataanooji 31:5

O wi'i ɓe: “Mi ɗon faama no baaba mooɗon wondaay bee am bana naane. Ammaa Allah, mo baaba am ɗon wondi bee am.

1 Laamiiɓe 6:13

Mi waran mi jooɗo caka mooɗon nder haykaliiru ndu e mi wudintaa Isra'iila ummaatoore am sam.”

1 Laamiiɓe 8:57

Jonta mi ɗon toro Jawmiraawo, Allah meeɗen, o wonda bee meeɗen bana o wonduno bee baabiraaɓe meeɗen, taa o wudina en, taa o acca wallugo en.

1 Habaruuji Nyalaaɗe 28:20

Nden Daawuda wi'i ɓiyum Suleymaanu: “Sey a semmbiɗa, a laato cuusɗo, a naŋnga kuugal. Taa hul, taa tampu sam, ngam Allah Jawmiraawo, Allah am wondan bee maaɗa. O accataa ma, o wudintaa ma, haa kuugal nder haykaliiru Jawmiraawo fuu timma.

Jabuura 10:3

Kalluɗo ɗon mantoro suunooji mum. Cuunaaɗo riba ɗon hallina Jawmiraawo, ɗon yawo mo.

Jabuura 119:36

Huusitin ɓernde am dow umrooje ma, naa dow riba kalluka.

Jabuura 37:25

Diga mi derke haa mi naywi mi meeɗaay yi'ugo adiliijo mo Allah wudini malla mo ɓikkoy mum ndooki nyaamdu.

Jabuura 37:28

Ngam Jawmiraawo yiɗi ko fotti, o wudintaa hoolaaɓe maako, o ɗon ayna ɓe foroy. Ammaa o wilan danygol halluɓe.

Gurtaaki 2:21

Muusa yerdi jooɗaago haa gorko oo. O te'ani mo Cifuura, ɓiyiiko debbo.

Gurtaaki 20:17

Taa suunu saare keeddiɗɗa. Taa suunu debbo keeddiɗɗa, koo maccuɗo maako, koo korɗo maako, koo nagge maako, koo wamnde maako, koo ɗume ko keeddiɗɗa mari fuu.”

Balndi 23:4

Taa somnu hoore ma ngam riskugo, accu numugo haala man.

Esaaya 41:10

Taa hul, ngam mi ɗon wondi bee ma! Taa laar koo toy bee kulol, ngam min woni Allah maaɗa. Mi semmbiɗinte, mi yiidete, mi jogoto ma bee nyaamo am jaalotooŋgo.

Esaaya 41:17

Laafuɓe e yurumɓe ɗon ɗaɓɓita ndiyam, ɗam woodaa. Ɗemɗe maɓɓe ɗon njoora ngam ɗomka. Min Jawmiraawo mi jaɓanan ɓe tornde maɓɓe. Min Allah Isra'iila mi accataa ɓe.

Esaaya 42:16

Mi yahran wumɓe dow laawol ngol ɓe anndaa, mi ɗowan ɓe dow laabi ɗi ɓe anndaa. Nyiɓre yeeso maɓɓe, mi wartiran nde jayŋgol, laawol leliiŋgol boo darnuŋgol. Kanjum mbaɗanmi, mi accataa ɗum sam.

Yeremiya 6:13

“Ɓe fuu maɓɓe, mawɓe e leesɓe, ɗon ɗaɓɓa riba kalluka. Annabi'en e liman'en fuu ɗon mbaɗa rikici.

Ezekiyel 33:31

Nden yimɓe am ngaran, ɓe mooɓo haa maaɗa, ɓe njooɗo yeeso ma ngam nanugo ko mbi'ata. Ammaa ɓe mbaɗataa ko a wi'ata ɓe. Ɓe ɗon mbaɗa ko fottanta ɓe tan, ɓerɗe maɓɓe ɗon ɗaɓɓa ko nafata ɓe tan.

Matta 6:19

“Taa paggane ko'e mooɗon jawdi haa duniyaaru, haa gilɗi e peewol mbonnata ɗum, haa wuyɓe boo ngasata cuuɗi, ngujja ɗum.

Matta 6:25

“Ngam maajum mi ɗon wi'a on: Taa caklane nguure mooɗon, waato ko on nyaamata malla ko on njarata malla ko on ɓornoto. Yoŋki ɓuri nyaamdu saman, ɓanndu boo ɓuri limce saman, naa non na?

Matta 6:34

Taa caklane haala jaŋngo, ngam jaŋngo saklanto hoore muuɗum. Nyalaade fuu, torra maare he'i nde.”

Markus 7:22

e njeenu e suuno e halleende e fewjere e kuuje cemtiniiɗe e kaajal e kuudi kallundi e mawnitaare e faataare.

Luka 3:14

Sooje'en boo ngari, ƴami mo bana non, ɓe mbi'i: “Minin boo, ko haani min mbaɗa?” O jaabi ɓe: “Taa on njaɓta jawdi koo moy malla on kooca ndi dow seedamku fewre. Ammaa ceyore ngeenaari mooɗon tan.”

Luka 8:14

Aawdi colndi caka gi'e boo, nanndi bee nananɓe wolde. Ammaa ɓe acca laruuraaji, yiɗugo risku e belɗum duniyaaru ɓiɗɗa wolde go, nde waɗataa nafuuda.

Roma'en 1:29

Ɓe ɗon keewi sooynde adilaaku e halleende e suuno e nganyaandi e kaajal. Ɓe mbarooɓe ko'e, jokkirooɓe, waɗooɓe rikici e tufle.

1 Korintu'en 5:11

Ndaa ko mi winndani on jonta: Taa kawte bee goɗɗo bi'anɗo o Masiihiŋkeejo, ammaa o daakaareejo malla cuunaaɗo ceede malla dewoowo labbi malla baɗoowo tufle malla guykoowo malla gujjo. Taa nyaamde maa bee irin goɗɗo oo!

1 Korintu'en 6:10

non boo wuyɓe e suunaaɓe riba e wuykooɓe e waɗooɓe tufle e jaɓtooɓe, ɓe fuu ɓe ndonataa laamu Allah.

2 Korintu'en 4:9

Min toonyaaɓe, ammaa Allah wudinaay min. Min do'aaɓe haa lesdi, ammaa min kalkaay.

Efesu'en 5:3

Bana no ɗum haandani senaaɓe, taa haala daakaareeku e coɓki koo kiye e suuno wolwe caka mooɗon.

Efesu'en 5:5

On anndi, walaa daakaareejo malla coɓɗo malla cuunaaɗo, waato dewoowo labbi, heɓata ndonŋgu nder laamu Almasiihu e Allah.

Tooktaaki Tawreeta 31:6

Cemmbiɗe, cuusɗine ɓerɗe mon, taa kule sam, taa kultoreeŋgol naŋnga on yeeso maɓɓe! Ngam Jawmiraawo, Allah mooɗon yahdan bee mooɗon, o accataa on, o wudintaa on.”

Tooktaaki Tawreeta 31:8

Jawmiraawo bee hoore mum ardoto ma, wondan bee ma. O accataa ma, o wudintaa ma. Ngam maajum taa hul, taa tampu sam.”

Tooktaaki Tawreeta 4:31

Ngam Jawmiraawo, Allah mooɗon o marɗo enɗam. O accataa on, o halkataa on, o yejjitittaa alkawal ngal o haɓɓi bee kaakiraaɓe mon.

Kolossi'en 3:5

Sey on mbara kuuje duniyaaru gonɗe nder terɗe mooɗon, bana daakaareeku e coɓki e yiide kuuje cemtiniiɗe e kalluɗe e suuno, suuno ɗum rewugo lawru.

1 Timote 3:3

Taa o laato guykoowo malla toonyoowo, ammaa o laato ɗelma-gikkuujo, naa o jokkiroowo malla cuunaaɗo ceede.

Yosuwa 1:5

Balɗe ma fuu walaa dartantooɗo ma. Bana mi wonduno bee Muusa, bana non ngondiranmi bee maaɗa boo. Mi accataa ma e mi wudintaa ma sam.

Yosuwa 7:21

Nder keɓal konu ngi'mi alkibbaare woonde iwnde haa Sine'ar e ceede cardi teemeɗɗe ɗiɗi e tayre kaŋŋeeri nde teddeeŋga mum woni baakin reeta kilo. Suuno waɗi yam, mi hooci ɗum. Mi iri alkibbaare man nder lesdi haa caka laymaaru am, cardi boo haa les maare.”

2 Piyer 2:14

Ɓe ɗon keewi suuno to ɓe ngi'i rewɓe fuu, ɓe comataa waɗugo hakke sam. Ɓe ɗon esta tampuɓe. Ɓerɗe maɓɓe keewi suuno, ɓe naalaaɓe!

2 Piyer 2:3

Daliila suuno, fewooɓe ɓe'e estan on bee bolle rikiciije ngam heɓugo riba. Diga naane, kiita maɓɓe taaskaama, halkere maɓɓe neeɓataa!

Yahuuda 1:11

Kayto! Bone laatanto ɓe ngam ɓe tokkake laawol Kayinu. Kadiboo ɓe njoofi ko'e maɓɓe nder majjere ngam heɓugo ceede bana ko Balaama waɗno. Ɓe tuurti bana Koora tuurtirno, ɓe kalki.

1 Samuyila 10:7

To alaamaaji ɗi mbaŋgi yeeso maaɗa kam, waɗ ko warani ma fuu, ngam Allah ɗon wondi bee maaɗa.

1 Samuyila 12:22

Ammaa Jawmiraawo, ngam daliila innde mum mawnde, accataa yimɓe mum. Ɗum fottani mo o waɗa on ummaatoore maako.