Ibraniŋke'en 10:10 - Fulfulde DC Bible

¹⁰ Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

Fulfulde Bible

¹⁰ Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

Ibraniŋke'en 10:10 Iomraidhean Croise

Zekariya 13:1

“Nyalaade maajum saare Daawuda e jooɗiiɓe nder Urusaliima keɓan seeɓoore maɓɓitiinde ngam lootugo hakke e coɓɗum fuu.”

Yuhanna 17:19

Mi lii'ani ma yoŋki am ngam maɓɓe, ngam haa ɓe laato lii'anaaɓe ma daliila gooŋga.

Yuhanna 19:34

Ammaa gooto nder sooje'en yuwi mo wuttudu bee labbo, law ƴiiƴam e ndiyam ngurti.

Yuhanna 6:51

Min, mi nyaamdu yeeru, jippiindu diga asama. To goɗɗo nyaami ndu, o yeeɗan haa abada. Nyaamdu ndu mi hokkata mo, ɗum ɓanndu am. Mi hokkan ndu ngam haa duniyaaru yeeɗa.”

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

1 Korintu'en 6:11

Bana non woɗɓe mooɗon laatino naane. Ammaa jonta hakkeeji mooɗon lootaama, on cenaama, on adilinaama bee innde Jawmiraawo meeɗen Yeesu Almasiihu e Ruuhu Allah meeɗen.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Efesu'en 5:26

haa o sena nde, o laɓɓina nde bee ngiiwam wolde maako,

Ibraniŋke'en 10:12

Ammaa Almasiihu lii'i ɓanndu mum nde woore ngam hakkeeji, ɗum he'i haa foroy. Ɓaawoɗon o jooɗi haa juŋngo Allah nyaamo ngam foroy.

Ibraniŋke'en 10:14

Ngam o lii'i ɓanndu maako nde woore, o timmidini laɓɓingo yimɓe ɓe o seni haa foroy.

Ibraniŋke'en 10:20

O maɓɓitani en laawol kesol, marŋgol ngeendam, gaɗa wiirndallo, waato ɓanndu maako.

Ibraniŋke'en 10:29

Sakkomaa to goɗɗo yawake Ɓiɗɗo Allah, to o laari ƴiiƴam alkawal Allah ɗam laɓɓini mo bana huunde meere, to o huɗi Ruuhu mo'ere! Fakat, o heɓan kiita ɓurka hallugo.

Ibraniŋke'en 10:5

Ngam maajum, nde Almasiihu ɓadake wargo nder duniyaaru, o wi'i Allah: “A yiɗaa kirsaaɗi e dokke, ammaa a waɗani yam ɓanndu.

Ibraniŋke'en 13:12

Ngam maajum Yeesu boo maayi yaasi dammugal berniwol, ngam haa o sena ummaatoore bee ƴiiƴam maako.

Ibraniŋke'en 2:11

Ngam mo senata yimɓe e ɓe o senata, ɓe fuu ɓe ngoodi Baabiraawo gooto. Ngam maajum o semtaay ewnaago ɓe deerɗiraaɓe maako.

Ibraniŋke'en 2:14

Nde nii ɓiɓɓe ɓe'e ngoodi ɓanndu e ƴiiƴam, Yeesu boo waɗi hoore mum bana maɓɓe, o hoo'i ɓanndu bana ndu maɓɓe, ngam bee maayde maako, o halka marɗo baawɗe dow maayde, waato Iblisa,

Ibraniŋke'en 5:7

Yaake Yeesu ɗonno haa duniyaaru, o waɗi do'a, o tori Allah mo waawi hisnugo mo diga maayde bee bojji naawɗi e gonɗi. Allah boo nani tornde maako ngam o kulɗo Allah.

Ibraniŋke'en 7:27

O walaa haaje hokkugo kirseteeɗi balɗe fuu bana hoore'en liman'en, aran ngam hakkeeji maako, nden ngam hakkeeji yimɓe. Ammaa o waɗi ɗum nde woore tan bee lii'ugo hoore maako, ɗum he'i haa foroy.

Ibraniŋke'en 9:12

Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Ibraniŋke'en 9:26

To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Yuhanna 5:6

Yeesu Almasiihu wari bee ndiyam baptisma muuɗum e bee ƴiiƴam maayde muuɗum boo. O waraay bee ndiyam tan, ammaa bee ndiyam e ƴiiƴam. Ruuhu bee hoore muuɗum ɗon seeda haala ka'a, ngam Ruuhu woni gooŋga.