Hose'a 8:7 - Fulfulde DC Bible

⁷ Nde nii ɓe aawi henndu, ɓe tammi sodugo duluuru. Koo ƴommbe alkamaari maɓɓe mbaɗataa cammeeje. To ɗe mbaɗi boo, ɗe mbaɗataa kuroori. To kuroori waɗi boo, jananɓe nyaaman ndi.

Fulfulde Bible

⁷ Nde nii ɓe aawi henndu, ɓe tammi sodugo duluuru. Koo ƴommbe alkamaari maɓɓe mbaɗataa cammeeje. To ɗe mbaɗi boo, ɗe mbaɗataa kuroori. To kuroori waɗi boo, jananɓe nyaaman ndi.

Hose'a 8:7 Iomraidhean Croise

Laataanooji 41:23

Ɓaawo maaje, cammeeje cewɗe goɗɗe joweeɗiɗi puɗi, henndu fuunaaŋge yoorni ɗe.

2 Laamiiɓe 15:19

Pul, laamiiɗo Assuura nasti lesdi Isra'iila, nden Menahem walli mo hokki mo cardi kilo ujine cappanɗe tati, haa laamu maako semmbiɗa.

2 Laamiiɓe 15:29

Nder zamanu Peka, Tigilat-Pileser laamiiɗo Assuura wari, nyaami Iyon e Abel-Bayti-Ma'aka e Yanuha e Keedes e Hacoor e Gile'at e Galiili, lesdi Neftali fuu. O dahi yimɓe haa Assuura.

Ayuba 4:8

Ndaa ko ngi'mi: Demoowo zunuuba foroy, koo aawoowo toonyaare, o sodan ɗum boo.

Balndi 22:8

Aawanɗo halleende sodan sarru, sawru tikkere maako yewan.

Gaazoowo 5:16

Balɗe maako fuu o ɗon nyaama nder nyiɓre, nder saklere e nyawu e mettamɓeram ɗuuɗɗam.

Esaaya 17:11

Ammaa koo to ndi fuɗi nyannde on njubi ndi, koo to aawdi finni fajiri nde on aawi ndi, on keɓataa ƴaamnde, sey nyawu kalluŋgu e torra ka walaa daama.

Esaaya 55:2

Koni ndokkoton cardi ngam ko laataaki nyaamdu? Koni ndokkoton ngeenaari mon ngam kuuje ɗe kaarnataa? Naneeɗam booɗɗum! Nyaame kuuje booɗɗe, nyaame nyaamdu ɓurdanndu wooɗugo.

Esaaya 66:15

Ngam ndaa, Jawmiraawo ɗon wara nder yiite, mootaaji pucci maako bana duluuru. O hiɓɓinan tikkere maako bee caatal, o telɓiran bee ɗemɗe yiite.

Yeremiya 12:13

Yimɓe am aawi alkamaari, ammaa ɓe codi gi'e. Ɓe comi meere. Codol maɓɓe laatani ɓe toskaare ngam daliila tikkere am saatunde.”

Gimi Boyki 5:2

Maral amin laatani jananɓe, ɓe ɗon njooɗi nder cuuɗi amin.

Hose'a 2:9

O tokkoto waaye'en yiɗɓe mo, ammaa o jokkataako ɓe. O ɗaɓɓitan ɓe, ammaa o tawataa ɓe. Nden o wi'an: Sey mi loro haa goram arano, ngam naane mi ɗonno seyi ɓuri jonta.

Hose'a 7:9

Jananɓe nyaami semmbe maako, o anndaa. O waɗi dandanndi, o anndaa.

Hose'a 9:16

Efrayim fiyaama, ɗaɗi maako njoori, o heɓataa ɓiɓɓe fahin. Koo to ɓe ndanyi boo, mi mbaran ɓiɓɓe maako marɓe saman.”

Nahum 1:3

Jawmiraawo o tikkataa law, ammaa semmbe maako ɗuuɗi, o accataa hiitaago aybuɗo sam! Laawol maako ɗon caka duluuru e naargewol, duule ngoni collaaje ɗe kosɗe maako umminta.

Haggay 1:6

On aawi ɗuuɗɗum, ammaa on codi pamarum. On nyaami, ammaa on kaaraay. On njari, ammaa ɗam ittaay suuno mooɗon. On ɗon ɓorni, ammaa on ɗon maata jaaŋgol. Kuuwanɗo ngam ngeenaari ɗon jaɓa rufa ndi nder booro sumpitaaŋgo.

Galaatiya'en 6:7

Taa zammbe ko'e mon! Goɗɗo waawataa jancugo Allah. Ko neɗɗo aawi fuu, kanjum sodata.

Galaatiya'en 6:8

Mo aawi ko fottanta suunooji mum, sodan ko suunooji ndimata, waato halkere. Ammaa to o aawi ko fottanta Ruuhu, o sodan ko Ruuhu rimata, ngeendam nduumiiɗam.

Tooktaaki Tawreeta 28:33

Ummaatoore nde on anndaa nyaaman ƴaamle gese mon e nafuuda kuuɗe mon fuu. Walaa ko on keɓata, on laatoto ɓilliiɓe e torraaɓe nde weeti fuu.