Hose'a 3:5 - Fulfulde DC Bible

⁵ Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Fulfulde Bible

⁵ Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Hose'a 3:5 Iomraidhean Croise

1 Laamiiɓe 12:16

Nde Isra'iila'en paami laamiiɗo sali nanango ɓe, ɓe fuu ɓe neldi mo jaawaabu: “En ngalaa geɗal haa saare Daawuda! En ngalaa maral haa ɓii Yessa. Isra'iila'en en koota! E an goɗɗo saare Daawuda, suklu bee laamu ma.” Nden ɓe caŋkiti, ɓe ndilli. Yimɓe fuu kooti.

Esaaya 17:7

Nyalaade man yimɓe tijjoto heedi tagɗo ɓe, kuucitinan gite muuɗum'en dow Ceniiɗo Isra'iila.

Esaaya 2:2

Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden jama'aaje fuu tokkoto wargo haa maare.

Esaaya 2:3

Ummaatooje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu ngam o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Esaaya 60:5

A yi'an ɗum, a seyoto, seyo ma waŋgan. Ɓernde ma welweltan ngam seyo. Ngam jeynitaare mbeela waylititto gal maaɗa, risku ummaatooje boo waran haa maaɗa.

Esaaya 9:13

Ngam man nder nyalaade woore, Jawmiraawo ta'an nder Isra'iila hoore e wicco, lisal dibinoohi e kewal.

Yeremiya 23:5

Jawmiraawo wi'i: “Saa'i ɗon wara haa mi suɓa goɗɗo mo danygol Daawuda bi'eteeɗo Fuɗŋgo, o adiliijo. O laatoto laamiiɗo, o laamoto bee faamu, o tabitinan kiita ngooŋɗuka e adilaaku nder lesdi.

Yeremiya 30:9

Ammaa ɓe njagganto Jawmiraawo Allah maɓɓe e laamiiɗo maɓɓe Daawuda mo umminanmi ngam maɓɓe.

Yeremiya 33:17

Min Jawmiraawo mi wi'i: Foroy goɗɗo danygol Daawuda jooɗoto dow leeso laamu Isra'iila.

Yeremiya 33:9

Urusaliima laatanto yam daliila seyo e maŋgtoore e tedduŋgal. Yimɓe ummaatooje duniyaaru fuu kulan, ndiwnan to ɓe nani habaru kuuje booɗɗe e hayru ko mbaɗananmi yimɓe Urusaliima fuu.”

Ezekiyel 16:63

ngam haa a siftora ko saali, a semta. A meetataa maɓɓititgo hunnduko ma ngam daliila toskaare ma. Ngam saa'i man njaafotoomi kuuɗe ma fuu.” Non Allah Jawmiraawo wi'i.

Ezekiyel 38:16

A waran dow Isra'iila ummaatoore am bana ruulde, ngam suddugo lesdi. Haa nyalɗe ragareeje njahranmaami dow lesdi am, haa ummaatooje anndammi, to mi huuwtiniri ma, yaa Gog, ngam mi waŋgina senaare am.

Ezekiyel 38:8

Ɓaawo duuɓi ɗuuɗɗi, mi nelete haɓoygo bee lesdi Isra'iila. Wakkati man, jooɗiiɓe haa lesdi man ndaɗi konu, ɓe acci lesɗe haa ɓe njooɗino. Ɓe kawtoyi dow kooseeje Isra'iila, luttunooɗe bilaa yimɓe duuɓi ɗuuɗɗi. Ɓe ngurti caka ummaatooje goɗɗe, ɓe fuu ɓe ɗon njooɗi ton nder jam.

Daniyel 10:14

Mi wari jonta ngam faamtingo ma ko heɓata ummaatoore ma yeeso ɗo ngam woodi boo wahayu ngam nyalɗe garanɗe ɗe'e.”

Daniyel 2:28

Ammaa woodi Allah mo asama, kaŋko waŋginta sirriiji. O holli ma, yaa laamiiɗo Nabukodonosor, ko laatoto yeeso ɗo. Koyɗol ngol koyɗuɗa e wahayuuji ɗi ngi'ɗa dow be'itte ma, ndaa ɗum:

Hose'a 11:10

Hose'a wi'i: “Ɓe tokkoto Jawmiraawo. Kaŋko o ubban bana mbarooga. O ubban e ɓiɓɓe maako ngaran bee diwnugo diga hiirnaaŋge.

Hose'a 5:15

Mi dillan, mi loro haa nokkuure am, sey to ɓe tuubi, ɓe ɗakkotiri bee am, sey to ɓe torake yam bee tiinaare ngam ɓillaare maɓɓe.”

Hose'a 5:6

Ɓe ngardan bee dammooji maɓɓe e na'i maɓɓe ngam ɓe ɓadita Jawmiraawo, ammaa ɓe tawataa mo, o daaytake ɓe.

Hose'a 6:1

Hose'a wi'i: “Ngare, en lorto haa Jawmiraawo! Kaŋko o seeki en, o yamɗitinan en boo. O fiyi en, o haɓɓan kuuduuje meeɗen boo.

Amos 9:11

“Nyalaade man nyiɓtotoomi suudu Daawuda yibbunoondu. Mi sukka ceekli maaru, mi ummitina bille maaru. Mi nyiɓtoto ndu bana ndu wa'no.

Mika 4:1

Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden ummaatooje fuu tokkoto wargo haa maare.

Limle 24:14

Balaama wi'i Balak: “Ndaa, mi hootan haa yimɓe am. Ammaa sey mi aarta mi anndine ko Isra'iila'en tammi waɗugo yimɓe ma nder zamanuuru waranndu.”

Roma'en 11:25

Deerɗiraaɓe am, mi yiɗi waŋginango on sirri, ngam taa ndaaron ko'e mon bana on hikma'en. Isra'iila'en woɗɓe laati saata-ko'e'en. Ammaa ɗum timman to limgal suɓaaɓe Allah iwɓe diga ummaatooje goɗɗe ciki.

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

Tooktaaki Tawreeta 4:30

To on nasti ɓillaare nder nyalɗe garanɗe, to kuuje ɗe'e fuu keɓi on, nden kam on lortoto haa Jawmiraawo, on ɗowtanto mo.