Hose'a 14:2 - Fulfulde DC Bible

² Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

Fulfulde Bible

² Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

Hose'a 14:2 Iomraidhean Croise

2 Samuyila 12:13

Daawuda wi'i Natan: “Mi waɗi aybe haa Jawmiraawo.” Natan jaabi mo: “Jawmiraawo yaafi aybe ma, a maayataa.

2 Samuyila 24:10

Nde Daawuda timmini limugo yimɓe, ɓernde muuɗum ta'i, o annditi o waɗi hakke. O tori Jawmiraawo, o wi'i: “Mi waɗi hakke masin bee waɗugo ɗum. Ammaa jonta, yaa Jawmiraawo, yaafa aybe maccuɗo ma, ngam mi waɗi faataare mawnde.”

Ayuba 7:21

A sali yaafaago aybeeji am. Ngam ɗume a ittataa hakke am? Neeɓataa mi waaloto nder lesdi boo. A ɗaɓɓatam, ammaa mi tawataake fahin.

Jabuura 119:108

Yerda gettooje ɗe mi lii'ani ma, yaa Jawmiraawo, ekkitinam kiitaaji ma.

Jabuura 50:14

Lii'ana Allah ma yettoore, hebbin togayeeje ma heedi Ɓaŋiiɗo!

Jabuura 51:16

Yaa Allah, Allah Kisnoowo yam, hisnam ngam mi rufi ƴiiƴam! Min boo mi maŋgtete bee hoolo seyo ngam adilaaku ma!

Jabuura 51:17

Yaa Jawmiraawo, maɓɓitu hunnduko am haa mi wooyna maŋgtoore ma.

Esaaya 44:22

Mi riiwan zunuubaaji ma bana cuurɗe, hakkeeji ma boo bana ruuldere. Lorta haa am, ngam min sootti ma.”

Esaaya 6:7

O meemi hunnduko am, o wi'i: “Ndaa, ɗum meemi hunnduko ma, jonta aybe ma ittake, hakke ma yaafaama.”

Yeremiya 3:12

Yah, wooynu bolle ɗe'e gal woyla: Jawmiraawo wi'i: An Isra'iila gudinɗo nuɗɗinki, lorta! Mi acci laarugo on bee tikkere, ngam mi koolniiɗo, mi tikkataa haa foroy.” Non Jawmiraawo wi'i.

Hose'a 12:7

Sey a lorto haa Allah maaɗa. Jogita mbooɗeeŋga e kiita gooŋɗuka, tammora Allah maaɗa foroy.

Hose'a 5:5

Mawnitaare Isra'iila laati wullaandu dow hoore mum. Isra'iila e Efrayim pergoto ngam aybeeji muuɗum'en, Yahuuda boo fergoto hawtaade bee maɓɓe.

Hose'a 6:6

Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

Yo'el 2:17

Liman'en jagganooɓe Jawmiraawo mboya hakkunde zawleeru haykaliiru e hirsirde maaru. Sey ɓe mbi'a: “Yaa Jawmiraawo, enɗu ummaatoore ma, taa accu ɓe kuɗa yimɓe laatiiɓe maral ma, ngam taa jananɓe njanca ɓe, ngam taa ummaatooje goɗɗe mbi'a: Toy Allah maɓɓe?”

Yonas 2:9

Hakkilanooɓe labbi meereeji acci gooŋgaaku maɓɓe heedi ma.

Zekariya 3:4

Malaa'ikaajo umri suka'en wonduɓe bee muuɗum: “Ɓorte mo limce tunwuɗe ɗe'e.” Nden o wi'i Yosuwa: “Ndaa, mi ittani ma aybe maaɗa, mi ɓornante limce jaage.”

Matta 7:11

Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o ɓurataa hokkugo kuuje booɗɗe haa torotooɓe mo na?

Luka 11:13

Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o hokkataa toranɓe mo Ruuhu Ceniiɗo na?”

Luka 18:13

Jomnoowo dari daayiiɗum, o numaay koo ɓaŋgtugo gite haa asama, ammaa o fiyi wiɓɓere maako, o wi'i: Yaa Allah am, yurminam, min mi hakkeejo!

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Roma'en 11:27

Kanjum woni alkawal am bee maɓɓe, saa'i ittanmi aybeeji maɓɓe.”

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 10:4

Ngam ƴiiƴam ga'i e jawɗi be'i mbaawataa ittugo hakkeeji.

Ibraniŋke'en 13:15

Barka Yeesu, sey en lii'ano Allah maŋgtoore tum bana dokkal, waato en ceedo innde maako bee kunnduɗe meeɗen.

1 Piyer 2:5

Onon boo bana kaa'e geete, laate mahruɗe haykaliiru Ruuhu Ceniiɗo. Laate liman'en senaaɓe haa lii'anon Allah kirseteeɗi pottananɗi mo barka Yeesu Almasiihu.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

1 Yuhanna 1:7

Ammaa to en ɗon ngeeɗa nder annoora bana Allah bee hoore mum ɗon nder annoora, nden kam en ngoodi kawtal caka meeɗen e ƴiiƴam Yeesu, Ɓiɗɗo maako boo laɓɓinan en diga hakkeeji fuu.

1 Yuhanna 3:5

Ammaa on anndi Almasiihu wari ngam ittugo hakkeeji. Kaŋko, walaa hakke nder maako sam.