Hose'a 11:2 - Fulfulde DC Bible

² Ammaa koo mi ewni Isra'iila'en nde ɗuuɗɗum, kamɓe ɓe ɓesdi daaytaago. Ɓe kirsi ngam Ba'alji, ɓe nguli dokke ngam suuraaji labbi cehaaɗi.

Fulfulde Bible

² Ammaa koo mi ewni Isra'iila'en nde ɗuuɗɗum, kamɓe ɓe ɓesdi daaytaago. Ɓe kirsi ngam Ba'alji, ɓe nguli dokke ngam suuraaji labbi cehaaɗi.

Hose'a 11:2 Iomraidhean Croise

1 Laamiiɓe 12:33

Yerobo'am wa'i haa hirsirde nde o waɗino haa Baytila, nyannde sappo e jowaɓre nder lewru joweetataɓru. Lewru maajum, kaŋko suɓi ndu feere mum. O waɗani yimɓe lenyol Isra'iila juulde, o wa'i haa hirsirde ngam wulugo uurle.

1 Laamiiɓe 18:19

Ammaa jonta neldu kubaruuji, mooɓtu Isra'iila fuu haa yeeso am dow hooseere Karmel. Mooɓtu boo annabi'en Ba'al teemeɗɗe nayo e cappanɗe njowo (450) e annabi'en Asera teemeɗɗe nayo (400), nyaamanɓe haa saare Izabel.”

Nehemiya 9:30

A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Esaaya 65:7

aybeeji maɓɓe e aybeeji kaakiraaɓe maɓɓe fuu. Non Jawmiraawo wi'i. Ɓe nguli uurle dow kooseeje, ɓe njanci yam dow towndiije. Fakat mi hokkan ɓe ngeenaari kuuɗe maɓɓe.”

Yeremiya 18:15

Ammaa yimɓe ummaatoore am ngejjiti yam, ɓe ɗon ngulana labbi meere uurle. Ngam maajum ɓe pergi dow laabi maɓɓe, dow laabi ɓooymaaji. Ɓe ɗon tokko laabi ɗi ceekaaka.

Yeremiya 35:13

Jawmiraawo honooɓe asama, Allah Isra'iila wi'i mo: “Yah, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Koni on njaɓataa elto, on ɗowtantaako bolle am?

Yeremiya 44:5

Ammaa kamɓe ɓe nanaay, ɓe kakkilaay. Ɓe accaay waɗugo kalluɗum, ɓe tokki wulango ɗowanteeɓe woɗɓe uurle.

Hose'a 11:7

Ummaatoore am ɗon tabiti nder gudinki nuɗɗinki maare. Nde ewnaama ngam ummaago, ammaa nde daraaki.

Hose'a 2:13

Mi haɗan seyo maako fuu, non boo juulɗe maako, waato juulɗe lewru hesru e nyalɗe ciwtorɗe maako e juulɗe maako goɗɗe fuu.

Hose'a 4:13

Ɓe ɗon lii'o kirseteeɗi dow geereeje kooseeje, ɓe ɗon ngula dokke dow towndiije, les leɗɗe mawɗe bilititɗe ɗe ɗowdi maaje wooɗi. Ngam maajum ɓiɓɓe mon rewɓe mbaɗan daakaareeku, esiraaɓe mon rewɓe boo laatoto jeenooɓe.

Hose'a 4:17

Yimɓe Efrayim ɗakkotiri bee labbi. Acce ɓe!

Zekariya 1:4

Taa laate bana kaakiraaɓe mon. Annabi'en ɓooyma ngooynani ɓe: Ndaa nii Jawmiraawo honooɓe asama wi'i: Lorte e laabi mooɗon kalluɗi, tuube, acce kuuɗe mooɗon kalluɗe! Ammaa ɓe nanaay, ɓe kakkilanaay wolde am.

Zekariya 7:11

Ammaa yimɓe cali nanugo. Ɓe ngayliti ɓaawo, ɓe cukki noppi maɓɓe ngam taa ɓe nana.

Luka 13:34

Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Yuhanna 3:19

Ndaa no kiita man wa'i: Annoora wari nder duniyaaru, ammaa yimɓe duniyaaru ɓuri yiɗugo nyiɓre dow annoora, ngam kuuɗe maɓɓe ɗe kalluɗe.

Kuuɗe Nelaaɓe 7:51

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Alkaali'en 10:6

Fahin Isra'iila'en mbaɗi ko fottanaay Jawmiraawo. Ɓe ndewi Ba'alji e Asteraaji, non boo ɗowanteeɓe Siriya'en e Sidoni'en e Mo'abi'en e Ammooni'en e Filisti'en. Ɓe ngudini Jawmiraawo, ɓe cujidanaay mo.

Alkaali'en 2:13

Ɓe ngudini Jawmiraawo, ɓe ndewi Ba'alji e Asteraaji.

Alkaali'en 3:7

Isra'iila'en mbaɗi ko fottanaay Jawmiraawo Allah muuɗum'en, ɓe ngejjiti mo, ɓe ndewi Ba'alji e Asteraaji.