Gurtaaki 9:16 - Fulfulde DC Bible

¹⁶ Ammaa mi acci ma a yeeɗa ngam mi waŋginane baawɗe am, ngam wooynugo innde am nder duniyaaru fuu.

Fulfulde Bible

¹⁶ Ammaa mi acci ma a yeeɗa ngam mi waŋginane baawɗe am, ngam wooynugo innde am nder duniyaaru fuu.

Gurtaaki 9:16 Iomraidhean Croise

2 Samuyila 7:23

Walaa ummaatoore feere haa duniyaaru bana yimɓe ma Isra'iila'en. An sootti ɓe ngam haa ɓe laato yimɓe ma. A huuwi kuuɗe mawɗe kulniiɗe ngam maɓɓe e ngam lesdi ma, bana nii a teddiniri innde ma. A rimɗini ɓe diga lesdi Misra, a riiwi ummaatooje goɗɗe e ɗowanteeɓe maaje yeeso maɓɓe haa ɓe laato jeyaaɓe ma.

2 Laamiiɓe 19:35

Jemma maajum malaa'ikaajo Jawmiraawo yehi nder saŋngeere Assuura'en, mbari worɓe ujine teemerre e cappanɗe njoweetato e njowo (185.000). Nde weeti, luttuɓe, yeeɗɓe tawi ɓalli maayɗi.

1 Habaruuji Nyalaaɗe 16:24

Anndine tedduŋgal maako caka ummaatooje, ngecce jama'aaje fuu kaayeefiiji maako.

Nehemiya 9:10

A waɗi alaamaaji e kaayeefiiji dow Firawna e sukaaɓe muuɗum fuu e ummaatoore lesdi muuɗum fuu, ngam a yi'i no ɓe mawnitori dow kaakiraaɓe amin. A waɗani hoore ma innde mawnde, bana ko laati hannde.

Jabuura 106:8

Ammaa Jawmiraawo walli ɓe, ngam daliila innde muuɗum, ngam waŋgingo baawɗe muuɗum.

Jabuura 64:9

Bolle maɓɓe ndo'i ɓe. Koo moy yi'i ɗum, dimmban hoore.

Jabuura 76:10

nde umminɗa kiita, ngam mballa yaŋkiniiɓe fuu haa duniyaaru.

Gurtaaki 14:17

Min, mi saatinan ko'e Misra'en haa ɓe tokko on ɓaawo. Nden mi waŋginan tedduŋgal am haa Firawna e haa honooɓe maako fuu, waato haa mootaaji pucci maako e wa'iiɓe pucci maako.

Gurtaaki 14:4

Mi saatinan hoore Firawna haa o taasna ɓe. Mi waŋginan tedduŋgal am haa Firawna e haa honooɓe maako fuu. Bana nii Misra'en anndan min woni Jawmiraawo!” Isra'iila'en mbaɗi non.

Gurtaaki 18:11

Jonta anndumi Jawmiraawo woni mawɗo dow ɗowanteeɓe fuu. O waŋgini ɗum yaake Misra'en mbaɗi Isra'iila'en ƴaggaare.”

Gurtaaki 9:15

Harono on kalki to mi fortino juŋngo am haa mi halke, an e ummaatoore ma fuu bee nyawu kalluŋgu ndaaɓoowu!

Gurtaaki 9:17

Bee man fuu a ɗon tokko mawnitaago dow ummaatoore am, a yooftaay nde.

Balndi 16:4

Jawmiraawo ɗon waɗa koo ɗume fuu dow daliila, o waɗi kalluɗo boo ngam nyalaade sarru.

Yeremiya 32:20

A waɗi alaamaaji e kaayeefiiji nder lesdi Misra. A ɗon tokko waɗugo ɗi haa wargo hannde, nder Isra'iila e nder ummaatooje goɗɗe. Jonta yimɓe anndi innde ma bana ko laati hannde.

Ezekiyel 39:21

Jawmiraawo wi'i: “Mi waŋginanan ummaatooje tedduŋgal am. Ɗe fuu ɗe ngi'an kiita ka mbaɗanmi e juŋngo am tedduŋgo ngo njowanmi dow maaje.

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Malakiya 1:14

Naaloore dow rikiciijo marɗo njawdiri ndi o togani yam nder tokkere maako, ammaa o lii'ani yam kallundi. Ngam mi laamiiɗo mawɗo, innde am boo nde hulniinde caka ummaatooje.” Non Jawmiraawo honooɓe asama wi'i.

Limle 14:21

Ammaa fakat bana mi geeto, bana tedduŋgal am ɗon hebbina duniyaaru boo,

Roma'en 9:17

Nder Deftere Seniinde Allah wi'i Firawna: “Mi waɗi ma laamiiɗo ngam daliila ngoota tan: Haa mi waŋgina baawɗe am dow maaɗa, mi anndina innde am nder duniyaaru fuu.”

Roma'en 9:22

Bana nii muuyo Allah wa'i: Haa woɗɓe, o muuyi waŋgingo ɓernuki maako e baawɗe dow tagaaɓe wonɓe nder halkere, bee non fuu o munyani ɓe munyal ɗuuɗŋgal.

Yosuwa 4:24

O waɗi ɗum ngam haa ummaatooje duniyaaru fuu annda baawɗe Jawmiraawo mawɗe, onon boo on kula Allah Jawmiraawo mon haa foroy.”

1 Piyer 2:19

Ɗum booɗɗum to on munyi naawɗum bone ko ɓe ukkanto on meere ngam daliila Allah.

1 Piyer 2:8

Fahin Deftere wi'i: “Nde laatanake yimɓe hayre fergoore, tapaare do'oore ɓe.” Ɓe pergi dow maare ngam ɓe cali ɗowtanaago wolde Allah, kanjum Allah muuyani ɓe.

Yahuuda 1:4

Ngam halluɓe corkake caka mooɗon. Kiita dow maɓɓe winndaama diga ɓooyma. Ɓe ngayli habaru mo'ere Allah ngam ɓe keɓa hujja waɗugo daakaareeku, ɓe ngeddi Yeesu Almasiihu mo woni Jawmiraawo e jaagorɗo meeɗen feere muuɗum.

1 Samuyila 4:8

En majji! Moy hisnata en juuɗe ɗowanteeɗo baawɗo bana oo? Naa kaŋko ukkani Misra'en torraaji ɗuuɗɗi nder ladde na?