Gurtaaki 24:4 - Fulfulde DC Bible

⁴ Muusa winndi ko Jawmiraawo wi'i mo fuu. Jaŋngo man o dawi fajiri cub, o mahi hirsirde haa les hooseere, o darni kaa'e ciftinorɗe sappo e ɗiɗi, fodde le'i Isra'iila sappo e ɗiɗi.

Fulfulde Bible

⁴ Muusa winndi ko Jawmiraawo wi'i mo fuu. Jaŋngo man o dawi fajiri cub, o mahi hirsirde haa les hooseere, o darni kaa'e ciftinorɗe sappo e ɗiɗi, fodde le'i Isra'iila sappo e ɗiɗi.

Gurtaaki 24:4 Iomraidhean Croise

Laataanooji 12:7

Jawmiraawo waŋgani Abraama, wi'i mo: “Mi hokkan danygol maaɗa lesdi ndi'i.” Ton Abraama mahani Jawmiraawo mo waŋgani mo hirsirde.

Laataanooji 28:18

Yaakubu dawi cub, hoo'i hayre nde o wafluno go, darni nde siftinorde. Nden o rufi nebbam dow hoore maare ngam senugo nde.

Laataanooji 28:22

Hayre siftinorde nde ndarnumi nde'e, laatanto ma suudu. Haa ko ndokkata mi fuu, mi ittante zakka.”

Laataanooji 31:45

Nden Yaakubu hoo'i hayre, darni nde siftinorde.

1 Laamiiɓe 11:30

Ahiya naŋngi ngapaleewol kesol ngol o ɓorni, o seeki ngol geɓe sappo e ɗiɗi.

1 Laamiiɓe 18:31

O hoo'i kaa'e sappo e ɗiɗi fodde limgal ɓiɓɓe Yaakubu mo Jawmiraawo wolwani, wi'i: “Innde ma laatoto Isra'iila.”

Esira 6:17

Ngam juulde nde ɓe ngaddi kirseteeɗi: Ga'i kalhali teemerre (100) e jawɗi baali teemeɗɗe ɗiɗi (200) e njawkoy teemeɗɗe nayo (400). Ngam ittugo hakkeeji Isra'iila fuu boo ɓe lii'ani Allah jawɗi be'i sappo e ɗiɗi, fodde limgal le'i Isra'iila.

Nehemiya 10:1

Ngam daliila kuuje ɗe'e fuu min koo'i anniya timmuka, min mbinndi bolle maaka. Ardiiɓe amin e Lewi'en amin e liman'en amin mbaɗi juuɗe muuɗum'en haa binndol baɗaaŋgol lammba man.

Gurtaaki 17:14

Jawmiraawo wi'i Muusa: “Winndu ɗum fuu nder deftere ngam siftorgo ɗum. Yeccu Yosuwa mi timminan Amaleki'en fuu, walaa mo siftorta ɓe dow lesdi”.

Gurtaaki 17:15

Nden Muusa mahi hirsirde, inndi nde Jawmiraawo-woni-tuutawal-am.

Gurtaaki 21:1

Jawmiraawo ɓesdi wi'ugo: “Ndaa kiitaaji goɗɗi ɗi a anndinta Isra'iila'en:

Gurtaaki 24:7

Ɓaawo man o hoo'i deftere alkawal, o jaŋngi nde yeeso ummaatoore. Isra'iila'en mbi'i: “Ko Jawmiraawo wolwi fuu, min mbaɗan ɗum, min ɗowtanto mo.”

Gurtaaki 28:21

Limgal kaa'e laato fodde limgal ɓiɓɓe Isra'iila sappo e ɗiɗo, bee binndi ta'aaɗi diga cehoowo kaa'e bana haatummeere. Hayre koo ndeyeere fuu bee innde lenyol gootol.

Gurtaaki 34:27

Jawmiraawo wi'i Muusa: “Winndu bolle ɗe'e. Ngam dow bolle ɗe'e kaɓɓumi alkawal bee maaɗa e bee ummaatoore Isra'iila.”

Esaaya 19:19

Nyalaade man hirsirde Jawmiraawo wonan haa caka lesdi Misra, hayre siftinorde ngam Jawmiraawo wonan baŋnge keerol maari.

Farillaaji Lewi'en 24:5

Jawmiraawo umri Muusa o hoo'a kuroori ɗiggundi, o tamsa tamseeje sappo e ɗiɗi, tamseere koo ndeyeere tamse bee kuroori kilo joweego joweego.

Limle 17:2

“Umru Eli'azaaru ɓii Haruna limanjo, o saŋkita yiite haa daayiiɗum, o wurtina pehe go diga ndoondi, ngam ɗe cenaaɗe.

Luka 22:30

Nden on nyaaman, on njaran haa nyaamrude am nder laamu am, on njooɗoto dow leese laamu ngam hiitaago le'i Isra'iila sappo e ɗiɗi.”

Galaatiya'en 2:9

Nde Yaakuba e Kefas e Yuhanna, laatiiɓe bana daŋraŋge nder jama'aare, annditi mo'ere nde Allah mo'ani yam, ɓe annditi yam, min e Barnabas, min huuwdooɓe bee maɓɓe, ngam haa minin min kuuwa nder ummaatooje goɗɗe, kamɓe boo haa Yahuudu'en.

Tooktaaki Tawreeta 31:9

Nden Muusa winndi tawreeta ka'a, hokki ka liman'en ɓiɓɓe Lewi roondooɓe sundukru alkawal Allah e ndotti'en Isra'iila fuu.

Yosuwa 4:20

Ton haa Gilgal Yosuwa darni kaa'e sappo e ɗiɗi ɗe ɓe koo'uno haa caka Urdun.

Yosuwa 4:5

O wi'i ɓe: “Caale yeeso sundukru alkawal Allah Jawmiraawo mon wonndu caka Urdun. Koo moy mooɗon efta hayre woore, wakka nde, fodde limgal le'i Isra'iila'en.

Wahayu Yuhanna 21:14

Mahol berniwol ngol ɗon dari dow kaa'e caɓɓaaje sappo e ɗiɗi, dow maaje inɗe nelaaɓe jawgel sappo e ɗiɗo mbinndaama.