Filippi'en 2:2 - Fulfulde DC Bible

² To nonnon, nden kam timmidine seyo am: Njooɗode on narruɓe, nder yiide woore e ɓernde woore e anniya ngoota.

Fulfulde Bible

² To nonnon, nden kam timmidine seyo am: Njooɗode on narruɓe, nder yiide woore e ɓernde woore e anniya ngoota.

Filippi'en 2:2 Iomraidhean Croise

Jabuura 122:8

Ngam daliila deerɗiraaɓe e soobiraaɓe am mbi'anmi Urusaliima: “Salaaman dow maaɗa!

Yuhanna 3:29

Ɓaŋɗo, kaŋko woni marɗo debbo man. Ammaa soobaajo ɓaŋɗo dariiɗo kommbi maako, nananɗo sawtu ɓaŋɗo, seyorto nanugo sawtu ɓaŋɗo masin. Bana non seyo am boo, ngo heewi jonta.

Kuuɗe Nelaaɓe 1:14

Nder anniya ngoota, ɓe fuu ɓe ɗon kawta tum ngam toraago Allah hawtaade bee Mariyama, daada Yeesu e deerɗiraaɓe Yeesu e rewɓe woɗɓe boo.

Kuuɗe Nelaaɓe 2:1

Nde nyannde juulde Pantekosta yottake, nuɗɗinɓe fuu kawti nokkuure woore.

Kuuɗe Nelaaɓe 2:46

Nyalaade fuu ɓe ɗon kawta nder haykaliiru bee ɓernde woore, ɓe ɗon kawta haa ci'e maɓɓe boo, ɓe ɗon nyaamda bee seyo e bee ɓernde woore,

Kuuɗe Nelaaɓe 5:12

Nelaaɓe ɗon kuuwa kuuɗe e alaamaaji e kaayeefiiji ɗuuɗɗi caka ummaatoore. Nuɗɗinɓe fuu ɗon kawta les daŋki Suleymaanu.

Roma'en 12:16

Njooɗode on narruɓe. Taa ɗaɓɓe maŋngu nder jama'aare mon, ndikka on njaɓa kuuɗe leesɗe, jaŋkiniiɗe. Taa ndaare ko'e mon bana on marɓe anndal fuu.

1 Korintu'en 1:10

Deerɗiraaɓe am, mi ɗon suusɗina on bee innde Jawmiraawo meeɗen Yeesu Almasiihu: Njooɗe on narruɓe! Taa cenndol wona caka mooɗon. Laate narruɓe dow hakkiilo wooto e anniya ngoota.

2 Korintu'en 13:11

Deerɗiraaɓe, njooɗe nder seyo! Tiine haa on laato timmuɓe! Tiɗɗindire! Njooɗode bee narral! Ngeeɗe nder jam! Nden kam Allah, dokkoowo en yiide e salaaman wondan bee mooɗon.

2 Korintu'en 2:3

Kanjum mi winndani on ɗum. To mi wari haa mooɗon, mi yiɗaa ɓernde am metta dow seynannooɓe yam. Mi anndi fakat, to min mi heɓi seyo, onon fuu on ceyoto boo.

2 Korintu'en 7:7

Naa garki maako tan de'itini min, ammaa o yecci min boo no on nde'itiniri mo. Kubaruwol ngo'ol boo de'itini min. O yecci min no on ngenwiri min, non boo metteeŋga nga on ngontiri e no on tiinori jiŋngugo yam. Kanjum ɗum seyni yam masin.

Filippi'en 1:4

tum mi ɗon do'ano on fuu bee seyo nder do'aaje am fuu,

Filippi'en 2:16

Anndine ɓe wolde ngeendam, haa mi heɓa mantoraago on nyannde nde Almasiihu loroyto, ngam taa kuugal am e torra am laato meere.

Filippi'en 2:20

Mi walaa goɗɗo bana maako mo hakkiilo mum yahdi bee ngo am, mo ɗon suklani on bee gooŋga.

Filippi'en 4:2

Mi ɗon toro Ewodiya e Sintike haa ɓe narra daliila Jawmiraawo.

Kolossi'en 2:5

Koo nde mi walaaɗon caka mooɗon boo, hakkiilo am kam ɗon wondi bee mooɗon. Mi ɗon seyoro nanugo no on ɗon ngeeɗa bana ko haani e no nuɗɗinki mooɗon ɗon tabiti nder Almasiihu.

2 Tessaloniiki'en 2:13

Ammaa, minin, sey min ngetta Allah foroy daliila mooɗon, onon deerɗiraaɓe, yiɗaaɓe Jawmiraawo. Ngam Allah aarti suɓi on ngam hisnugo on. On kisan boo ngam Ruuhu seni on, ngam on nuɗɗini gooŋga boo.

2 Timote 1:4

Mi siftori gonɗi ma, mi yenwi yi'ugo ma, ngam haa ɓernde am heewa seyo.

Filemon 1:20

Useni, deerɗam, waɗanam ɗum ngam yiide Jawmiraawo. De'itin ɓernde am ngam daliila kawtal meeɗen nder Almasiihu!

2 Yuhanna 1:4

Mi seyi masin nde mi tawi ɓikkoy ma ngoɗkoy ɗon tokki gooŋga fodde umroore nde en keɓi diga Baabiraawo.

3 Yuhanna 1:4

Walaa ko ɓuri seynugo yam bana nanugo ɓikkoy am ɗon ngeeɗa nder gooŋga.