Filippi'en 2:1 - Fulfulde DC Bible

¹ Almasiihu semmbiɗini on na? Yiide maako suusɗini on na? Ruuhu maako hawti on na? On ɗon ngiɗindira na? On ɗon enɗindira na?

Fulfulde Bible

¹ Almasiihu semmbiɗini on na? Yiide maako suusɗini on na? Ruuhu maako hawti on na? On ɗon ngiɗindira na? On ɗon enɗindira na?

Filippi'en 2:1 Iomraidhean Croise

Jabuura 133:1

Yimre Daawuda ngam jahaaŋgal haa Urusaliima. To deerɗiraaɓe njooɗodake hawtaade, ɗum booɗɗum, ɗum belɗum masin!

Esaaya 16:11

Mi ɗon uuma ngam Mo'ab, ɓernde am ɗon woya ngam Kir-Heeres.

Luka 2:25

Woodino goɗɗo feere ton, innde maako Simeyon, o adiliijo e kulɗo Allah, o ɗonno reena kisnoowo Isra'iila garanɗo. Ruuhu Ceniiɗo ɗon wondi bee maako,

Yuhanna 14:18

Mi accataa on bana atiime'en, mi loroto haa mooɗon.

Yuhanna 14:27

Mi ɗon accana on salaaman, mi ɗon hokka on salaaman am. Ko mi hokkata on, ɗum nanndaay bee ko duniyaaru hokkata. Taa ɓerɗe mooɗon caklo, taa kultore!

Yuhanna 17:13

Jonta mi ɗon yaha haa maaɗa, mi ɗon wi'a ɗum fuu diga mi ɗon nder duniyaaru tawon, ngam haa ɓerɗe maɓɓe keewa seyo am timmididŋgo.

Kuuɗe Nelaaɓe 2:46

Nyalaade fuu ɓe ɗon kawta nder haykaliiru bee ɓernde woore, ɓe ɗon kawta haa ci'e maɓɓe boo, ɓe ɗon nyaamda bee seyo e bee ɓernde woore,

Kuuɗe Nelaaɓe 4:32

Jama'aare nuɗɗinɓe hawti ɓernde woore e hakkiilo wooto. Walaa bi'ɗo: “Jawdi am, min feere am jeyi”, ammaa ɓe kawti ko ɓe mari fuu.

Roma'en 5:5

Bee tammunde man en mbustataake sam, ngam Allah hokki en Ruuhu mum, mo hebbini ɓerɗe meeɗen bee yiide mum.

Roma'en 8:26

Non boo Ruuhu Allah ɗon walla en, ngam en tampuɓe. En anndaa koo toraago Allah bana no haani. Ammaa Ruuhu bee hoore mum ɗon torano en bee tornde nde nanataake.

1 Korintu'en 12:13

Ngam enen fuu, koo Yahuudu'en, koo iwɓe haa ummaatooje goɗɗe, koo maccuɓe, koo rimɓe, en keɓi baptisma nder Ruuhu gooto ngam hawtango ɓanndu wooru. En fuu en laati yarnaaɓe Ruuhu gooto oo.

1 Korintu'en 15:31

Deerɗam'en, fakat bana mi mantorto on yeeso Jawmiraawo men Yeesu Almasiihu, nyalɗe fuu mi ɗon nder joote maayde.

1 Korintu'en 3:16

On anndaa onon ngoni haykaliiru Allah e Ruuhu Allah ɗon jooɗi nder mooɗon na?

2 Korintu'en 2:14

Yettoore laatano Allah, ngam barka Almasiihu o ɗon yahra min foroy nder jahaaŋgal jaaliiɗo. O ɗon huuwtinira min ngam anndingo kubar maako koo toy, bana uurdi ndi uureeŋgol mum ɗon saŋkito koo toy.

Galaatiya'en 4:6

Onon on laati ɓiɓɓe Allah. Ngam maajum o nelani on Ruuhu Ɓiɗɗo maako nder ɓerɗe mon, mo ɗon ewno: “Abba! Baaba!”

Galaatiya'en 5:22

Ammaa ko Ruuhu Allah rimata ɗum yiide e seyo e salaaman e munyal e enɗam e mbooɗeeŋga e hoolaare

Efesu'en 4:4

Woodi ɓanndu wooru e Ruuhu gooto non boo tammunde woore daliila ewnaandu ndu Allah ewnori on,

Filippi'en 1:8

Allah woni ceedoowo yam, o anndi no mi yiɗiri on fuu bee yiide mawnde, iwnde haa Yeesu Almasiihu.

Filippi'en 3:3

Enen en mari juulnol gooŋɗuŋgol, naa kamɓe, enen rewanɓe Allah bee ballal Ruuhu muuɗum. En ɗon mantoro Yeesu Almasiihu naa ɓalli meeɗen.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Yuhanna 3:24

Ɗowtaniiɗo umrooje ɗe'e ɗon tabiti nder kawtal bee Allah, Allah boo ɗon tabiti nder kawtal bee maako. Bana nii anndirten Allah ɗon tabiti nder kawtal bee meeɗen, en anndi ɗum bee Ruuhu maako mo o hokki en.

1 Yuhanna 4:12

Walaa mo meeɗi yi'ugo Allah. To en ngiɗindira, nden kam Allah wondan bee meeɗen, yiide maako laatoto timmunde nder meeɗen.

1 Yuhanna 4:16

Enen kam en anndi yiide Allah ngam meeɗen, en nuɗɗini ɗum. Allah o yiide. Tabitɗo nder yiide ɗon tabiti nder kawtal bee Allah, Allah boo ɗon tabiti nder kawtal bee maako.