Filemon 1:1 - Fulfulde DC Bible

¹ Min Pol, kaɓɓaaɗo ngam daliila Yeesu Almasiihu e Timote, deerɗiraawo men, yahugo haa Filemon, giɗaaɗo e kuuwdiɗɗiraawo amin

Fulfulde Bible

¹ Min Pol, kaɓɓaaɗo ngam daliila Yeesu Almasiihu e Timote, deerɗiraawo men, yahugo haa Filemon, giɗaaɗo e kuuwdiɗɗiraawo amin

Filemon 1:1 Iomraidhean Croise

Kuuɗe Nelaaɓe 16:1

Pol yotti Derbe e Listira. Ton woodi pukaraajo bi'eteeɗo Timote. Daada maako, o Yahuuduujo, nuɗɗinɗo boo, ammaa baaba maako o Yunaniŋkeejo.

1 Korintu'en 3:9

Minin min huuwdiɗɗiraaɓe nder kuugal Allah, onon boo on ngesa Allah, on nyiɓaalo Allah.

2 Korintu'en 1:1

Min Pol nelaaɗo Yeesu Almasiihu fodde muuyo Allah, min bee Timote, deerɗiraawo meeɗen, min ɗon mbinndana on, onon yimɓe jama'aare Allah wonɓe haa Korintu e senaaɓe nder lesdi Akaya fuu:

Galaatiya'en 3:26

Ngam daliila nuɗɗinki, on fuu on laati ɓiɓɓe Allah nder Yeesu Almasiihu.

Efesu'en 3:1

Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 6:20

Koo mi kaɓɓaaɗo nder fursina jonta, mi wakiiliijo Linjiila. Ndo'aneeɗam haa mi waazina ka bee dartaare bana no ɗum haandani yam.

Filippi'en 1:1

Min Pol e Timote, maccuɓe Yeesu Almasiihu, min ɗon mbinndana on, onon senaaɓe Yeesu Almasiihu wonɓe haa Filippi fuu e ardiiɓe e wallooɓe jama'aare nuɗɗinɓe:

Filippi'en 2:25

Mi laari ɗum kaanduɗum mi lornana on deerɗiraawo am Epafrodit, kuuwdiɗɗiraawo am, balluɗo yam nder haɓre, nelaaɗo mo on nelno haa am ngam humtugo haaje am.

Filippi'en 4:3

An boo, kuuwdiɗɗiraawo am koolaaɗo, mi ɗon toro ma a walla rewɓe ɓe'e, ngam ɓe kawti bee am nder haɓre ngam Linjiila, kamɓe e Keleman e luttuɓe huuwdiɗɗiraaɓe am. Inɗe maɓɓe fuu mbinndaama nder deftere ngeendam.

Kolossi'en 1:1

Min Pol, nelaaɗo Yeesu Almasiihu fodde muuyo Allah e Timote, deerɗiraawo men,

Kolossi'en 4:11

Yeesu coometeeɗo Yustus hoofni on. Nder Yahuudu'en, sey kamɓe tan kuuwdata kuugal laamu Allah bee am, ɓe cuusɗini yam.

1 Tessaloniiki'en 3:2

min neli deerɗiraawo meeɗen Timote haa mooɗon, kuuwdiɗɗiraawo Allah ngam waazingo Linjiila Almasiihu, ngam haa o semmbiɗina on, o tabitina nuɗɗinki mooɗon.

2 Tessaloniiki'en 1:1

Min Pol, hawtaade bee Silas e Timote, min ɗon mbinndana on, onon jama'aare nuɗɗinɓe haa Tessaloniiki, ɓe Allah, Baabiraawo meeɗen e Jawmiraawo meeɗen Yeesu Almasiihu:

2 Timote 1:8

Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

Filemon 1:23

Epafras gonduɗo bee am nder fursina ngam daliila Yeesu Almasiihu hoofni ma.

Filemon 1:24

Markus e Aristarkus e Demas e Luka huuwdiɗɗiraaɓe am boo koofni ma.

Filemon 1:9

ammaa ngam daliila yiide mi ɗon toro ma, min Pol, ndottiijo, jonta boo mi kaɓɓaaɗo ngam Yeesu Almasiihu: